झुटो आशा दिलाएर साथ दिन्छु भन्दै हिन्यौ ।
बिषको नशा पिलाएर साथ दिन्छु भन्दै हिन्यौ ।।
आफन्त सबै विर्सिएर मुटुभित्र तिम्लाई राखी ।
माया सारा बिलाएर साथ दिन्छु भन्दै हिन्यौ ।।
बाचागरि संगै जिउने बिचैमा हात छोडी भाग्यौ ।
काँडा मनमा गडाएर साथ दिन्छु भन्दै हिन्यौ ।।
पत्थरसंग माया मागी मुर्ख बन्नु रैछ यहाँ ।
फाटेको मन सिलाएर साथ दिन्छु भन्दै हिन्यौ ।।
बैगुनीले घात गर्दा बेहाल भएँ आज !
वियोगमा रुनु पर्दा बेहाल भएँ आज !!
न त घरको न त घाटको बनाएरै गयौ !
खुशीहरु सबै हर्दा बेहाल भएँ आज !!
संगैं जिउने संगैं मर्ने, कसम आफैं तोडी !
इच्छाहरु भित्रै मर्दा बेहाल भएँ आज !!
खुशी जति लुटीसक्यौ के नै बाँकी छर !
मनै भरी पिडा छर्दा बेहाल भएँ आज !!
आएको रित्तै जानुछ भोलि साथ किन खोज्छ मान्छे ।
जुन आफ्नो वशमा छैन त्यही किन रोज्छ मान्छे ।।
जसको मनभित्र पस्न सक्दैन भन्ने जान्दा पनि ।
उसैको दिलमा आफुले ठाउं पाऊन सोच्छ मान्छे ।।
मन भरी माया भएपनि देखाउनु त पर्दैन नि ।
थाहा हुँदाहुँदै आफ्नो मन मुटु आफै घोच्छ मान्छे ।।
झुटो माया गरे झैं गरी मिठो बोली बोल्यो भनी ।
संसारै आफ्नो सम्झी आफैलाई नर्कमा कोच्छ मान्छे ।।
बाचा बचनमा बाँधिने दिन रे आज
वचन दिन्छु तिम्लाई आज !
यो मन दिन्छु तिम्लाई आज !!
कसम खाई तिम्रै प्रेमको !
यी तन दिन्छु तिम्लाई आज !!
साँचो माया भरेर दिलमा !
चयन दिन्छु तिम्लाई आज !!
सारा खुशी तिमी यो मन्को राजा !
यौवन दिन्छु तिम्लाई आज !!
आँशु हाँसो दु:ख सुख सबै
जीवन दिन्छु तिम्लाई आज !!
आफ्नै माटो गाउँका पाखा त्यसैमा छ मन सधैं !
सुन्दर दृष्य हेर्ने आँखा त्यसैमा छ मन सधैं !!
गोधुलीमा चिर्विर गरी भंगेरीले बास बस्दा !
बनपाखा झ्याउरे भाका त्यसैमा छ मन सधैं !!
गैरी खेतमा धान झुलेको देख्दा मनै लोभ्याउने !
आली माथि मास लाका त्यसैमा छ मन सधैं !!
घाँस दाउरा बनपात कोइलीको मधुर स्वर !
डुली वनमा गित गाका त्यसैमा छ मन सधैं !!
बाऊ आमाको आँखा छली चोरी'चोरी काँचा फल !
संगी मिली बांडी खाका त्यसैमा छ मन सधैं !!
