आफ्नै आत्मा दुखाएर तिमी कुन देवताको पुजा गर्छौ
साह्रै साह्रै रुवाएर तिमी कुन देवताको पुजा गर्छौ
सोमबारे ब्रत बसी आफु केहि नखाएर प्यारा भन्दै
त्यसै ज्यान सुकाएर तिमी कुन देवताको पुजा गर्छौ
कर्म विना फल खोज्नु भन्ने केहि हैन बुद्धु हुनु भन्दा
मन्द विष खुवाएर तिमी कुन देवताको पुजा गर्छौ
छोडेर गयो भन्दैमा रुनै पर्छ भन्ने छैन
यस्तै भन्दै थिइ मलाई छुनै पर्छ भन्ने छैन
के थाहा तीनलाई दु:ख कस्तो हुन्छ भन्ने
सजिलै भनिदिइ तिम्रो हुनै पर्छ भन्ने छैन
एकैपटक देख्दैमा पछि किन लाग्यै तिमी
सबै पहेलो त्यो सुनै पर्छ भन्ने छैन
दिन त उज्यालो जुनकिरिलेनी दिन्छ
उज्यालो देख्दैमा सधैं जुनै पर्छ भन्ने छैन
अन्तै तिर मनहरु जोड्छु नभन्नु
यत्तिकैमा हाम्रो नाता तोड्छु नभन्नु
तिमी बिना सक्दिन म बाच्न एकै पल
बोरु मार बाटो अन्तै मोड्छु नभन्नु
ठट्टा गर्ने बानी आफ्नो ठट्टा गरिहाले
गल्ति भए माफि पाउ छोड्छु नभन्नु
न थर छ न त भर भन्न कर लाग्यो
लावारिस भो के डर भन्न कर लाग्यो
पत्थर पुज्नेहरुको जमातमा न परे
टुट्छ प्रेम छैन भर भन्न कर लाग्यो
सम्पतीको औकातमा ठालु बन्नेलाई
निमेक गर्नेले सर भन्न कर लाग्यो
बनाउने चाहि साच्चै जेठमा नै हो ?
बन्दैन र त पो तर भन्न कर लाग्यो
मेरा पनि आफ्नै केहि बाध्यताहरु छन्
रत कि मर कि गर भन्न कर लाग्यो
हतासमा परेर गल्दै थिए म
बेहोशीमा विस्तारै ढल्दै थिए म
सुनेर खबर तिम्रो बिहे भाको
हैन भनेर मन छल्दै थिए म
जब देखे तिमी अर्कैको साथमा
पथ्थरमा मुटु बदल्दै थिए म
किन किन भट्टिकै मात सम्झिन्छु म
भट्टिवाल्नी कान्छी कै हात सम्झिन्छु म
जब दिन्छे मस्किदै सरावको झोल
जिस्किएको अघिल्लो रात सम्झिन्छु म
यसरी नै जिस्किदै जादा कुनै दिन
फेरी कतै लाग्छ कि बात सम्झिन्छु म
बुझ्नै गाह्रो सालीका कुरा
माथ्ला घरे कालीका कुरा
मस्कदै आउछे र भन्छे
अब मेरै पालीका कुरा
सम्हाल्न बैश आउ भन्छे
गर्दै दिल खालीका कुरा
सहन्छु भन्छे मेरो लागी
नाना भाती गालीका कुरा
बिहे गर्नु माया गर्नु पाटो बेग्लै रैछ
थाहा पाए जिन्दगीमा बाटो बेग्लै रैछ
ज्यान एकै मन एकै लाग्थ्यो सबै एकै
तिम्ले खाने मैले खाने आटो बेग्लै रैछ
भए पनि फेर्ने श्वास एकै हाम्रो तर
तिम्ले टेक्ने मैले टेक्ने माटो बेग्लै रैछ
दुखि रन्थ्यो छाती सधै सम्झनाले तिम्रो
घाउ प्रेम्कै भएपनि टाटो बेग्लै रैछ
हो तिमी जस्तै अरुमा डुल्न सकिन म
बिर्सेर तिमिलाई नै भुल्न सकिन म
सम्झनाले यति सताईरह्यो कि
चाहे पनि जिवनमा फुल्न सकिन म
मौका त यति आए कि जिन्दगीमा
जति आए उति गए खुल्न सकिन म
मायाको भारी नै बिसाएर पनि
बदलामा केहि असुल्न सकिन म
मुटुमा हुन्छ माया त जातमा के देख्यौ
र त छुटायौ माया यो हातमा के देख्यौ
उर्लियो भन्दैमा जहितहि पोख्न हुन्नथ्यो
तर पोख्दै हिड्यौ जवानी मातमा के देख्यौ
जोखेर कहा नापिन्छ त्यो तराजुमा माया
तै पनि जोख्यौ धनको खातमा के देख्यौ
स्वच्छ चोखो निर्मल निश्चल थियो माया
यति हुदाहुदै तिम्ले जनेली रातमा के देख्यौ
