पुराना ति घाऊ हरु बल्झिएर रोए कती
थाकेका यि पाउ हरु अल्झिएर रोए कती
बिर्षौ भन्छु मनले नसकिन्दो रहेछ साथी
छातीभित्र आगो हरु सल्किएर रोए कती
वर्षौ पछी टोलाउदैछु उही यादमा फेरी
परेली मा आशु हरु छल्किएर रोए कती
नत देखे नत सोधे कसैले ढलेको पल
धुलोसरी इच्छा हरु कुल्चिएर रोए कती
नजाउ हजुर मुङ्लानमा बन पाखा धाउला ।
ढिडो सिस्नो मिठोगरी साझबिहान खाउला ।।
मागेको भिख भन्दा पसिनाको फल मिठो ।
खेत बारी ले नपुगे मा कुटो खन्न जाउला ।।
चौतारी मा मन बिसौदै सुसेलिको भाकामा ।
हाक्पारे र दोहोरी त्यो थकाई मार्न गाउला ।।
किनेको सुख भन्दा दु:ख को साथ मिठो ।
खुशी को सागर बर्षाई हामी यही रमाउला ।।
भाई भाई को नाता यहाँ, गासे हुन्न र ??
मन भरी नै खुशी बाटी, हासे हुन्न र ??
उपनि त आफ्नोनै हो, किनलाग्छौ पछी
तीम्रो मन को ब्याभिचार, मासे हुन्न र ??
मिलीजुली बसौ हामी किन, ठान्छौ शत्रु
कुबिचार, कुदृष्टीलाई, नासे हुन्न र ??
राष्ट्रिय अखण्ड माथि आच,किनल्याउछौ
बिखण्डन सिद्दान्त लाई, छासे हुन्न र ??
मेरो जीवन मेरो गाथा सुन्ने यहाँ कोही भएन,
आफ्नै सम्झी मन मा उन्ने यहाँ कोही भएन ।।
बैगुनी लाई गुनलाउदै अप्ठ्यारो मा साथ दिए,
गुन सम्झी दिल भित्रै बस्ने यहाँ कोही भएन ।।
मैले रितु लाई बिर्सेंर सुनगाभा झै फुली दिए,
सुबाश लिन भमरा झै डस्ने यहाँ कोही भएन ।।
आज हजारौ लाई हात फैलाई साथ मागे मैले,
कसिलो त्यो अङ्गालोमा कस्ने यहाँ कोही भएन ।।
कहिले होला शान्ती नेपाल पूर्णरुपले जन्माउने।
सोर सिङ्गार सजाउदै यहाँ दुलहि झै अन्माउने।।
उठौ अब कम्मर कसी नबसौन थकित भई ।
बेलाआयो गाउ,बस्ती,शहर चारैतिर सजाउने।।
गरौ हजुर हातेमालो सबै मिली एकजुट भई।
बर्षौ पछी पालो आयो सुन्दर नेपाल बनाउने।।
अहकार र बैरिभाव यहाँ नगरौन एक अर्कामा।
कोही पराई हुन खोजे नजिक गई सम्झाउने ।।
पुर्वबग्छ मेची नदी पश्चिमबग्छ काली ।
पाखाभरी सधैंफुल्छ चम्पा गुरास लाली ।।
जात जाती र भेष भुषाको पहिचान ले ।
सुन्दर नेपाल सजाउने हामी सबै माली ।।
किन बस्छौ अल्छिमानी सबैमिली गरौ ।
उर्वर छ सधैं हाम्रो भुमी नराखौन खाली ।।
डालीबाट कोपिला मै 'माया' झार्न खोज्छौ ?
माली भई बिरुवा मै 'माया 'मार्न खोज्छौ ??
फुल्न देउ झुल्न देउ धान को बाला झै
बाली हुँदा झरी जाने 'माया' पार्न खोज्छौ ??
बग्न देउ रम्न देउ खुशी छर्दै सधैं
नाली सङ्ग बगाएर 'माया' तार्न खोज्छौ ??
थोपा थोपा गर्दै सागर बन्छ माया यो
छाली देखी अन्तै तीमी 'माया' सार्न खोज्छौ ??
सुख दु:ख जिन्दगी को रित नबुझेर
ताली बज्दा खुशीसङ्ग 'माया' बार्न खोज्छौ ??
देश को माटो को, याद आउँदैन र ?
गाउ को बाटो को, याद आउँदैन र ??
तीमी मुङ्लान पस्दा, शाहुले जोत्यो
खेत को आटो को, याद आउँदैन र ?
कसरी बिर्ष्यौ बलेसी,बग्या चुलामा
घर को पाटो को, याद आउँदैन र ??
पिज्जा खादा साझबिहान,छाक टार्ने
ढिकि र जातो को, याद आउँदैन र ??
बस्याछौ कन्डिशनभित्र,गाउको त्यो
घुम र छातो को, याद आउँदैन र ??
हामी नेपाली हौ गर्व गरौ, सगरमाथा शिर ले ।
हाम्रोआमा रुन्दैछिन रे,सन्तानहरु को पिर ले ।।
वर्षायाम को भेलसङ्गै,पराई को आक्रमण मा ।
अहिले मेची काली रुन्दैछ रे,छिमेकीको पिर ले ।।
आज आफन्तको झगडाले,स्वच्छ हावा नपाउदा ।
यहाँ फेवा रारा सुक्दैछ रे, दुर्गान्ध को पिर ले ।।
हिजो सम्म शान्ती नेपाल,किन आज हाहाकार ।
लुम्बिनी त्यो दुख्दैछ रे, आतङ्क को पिर ले ।।
मेरो माया तीमिले सस्तो मोलमा किन्न खोज्यौ,
हेला गर्दै तीमिले आफ्नै बोलमा छिन्न खोज्यौ ।
माया को ब्यापार गर्ने बाजारु दलाल हौ कि ?
आँखा तर्दै तीमिले बिक्री रोलमा चिन्न खोज्यौ ।
नादान सम्झी मलाई दोबाटो मा छोडि दियौ,
स्वार्थ भर्न तीमिले गाउ टोलमा भिन्न खोज्यौ ।
लीलामी मा राखेको सस्तो माया मेरो होइन,
भुल गर्दै तीमिले बासी झोलमा गिन्न खोज्यौ ।
