कायम छ देश बेच्ने, लाम अझै सडकमा ।
पुकारेर सहिदको, नाम अझै सडकमा ।।
कत्ति लाज नभएका ,बगँचाको मालिहरु,
थुक्क तिमि कति गर्छौ, जाम अझै सडकमा ।।
नेता मात्र दोषि कहाँ, छ र हाम्रो नेपालको?
भेडा जस्ता जनता, बेकाम अझै सडकमा ।।
कुर्सिको रुप धरेर, गोरु एक के मरे थ्यो,
लुछिराछ गिद्धहरु, सुभ साम सडकमा ।।
टीका अनि जमराको, साथ मिलोस तिमिलाई ।
आशिर्बादले छोपेको, माथ मिलोस तिमिलाई ।
दुनियालाई जित्नु तिमि, माता दुर्गा भवानि झै,
एउटा असल साथिको, हात मिलोस तिमिलाई ।
सुख शान्ति सम्बृढिको, लाम सँधै लागि रहोस,
आमन र चयनको, खाट मिलोस तिमिलाई ।
ईच्छएका सबै थोक, पुग्दै जावोस सँधै सँधै,
हर्ष अनि खुसिको, बर्षात मिलोस तिमलाई
घाँटी हेरि हाड निले त, दशैँ दशा हुन्थ्यो किन?
ॠणै ॠणमा च्यापिएर, मान्छे यँहा रुन्थ्यो किन?
सँस्कारलाई सँस्कारकै, रुपमा नै मान्न सके,
बिकृती र बिसङ्गतले जताततै छुन्थ्यो किन?
देखा सिकि बन्द गरेर, आफु सक्दो बनाएत,
चोरि डकैत यि यावतको, समाचार सुन्थ्यो किन?
महङ्गिले आकाशलाई, चुम्न हतार नगरेमा,
हुँदा खने असक्षमले, मृत्युलाई चुन्थ्यो किन?
माहिर छौ झूठो बोल्न, नेता बन्छौ पक्कै।
पिरतिमा बिष घोल्न, नेता बन्छौ पक्कै।।
जस्ले तिम्रो आँगनिको, डील मिचि बस्छ,
राजी उस्कै गोडा मोल्न, नेता बन्छौ पक्कै।।
दीदि बैनी तिमिले नै, लुट्यौ नपुगेर,
आमाको नै साडी खोल्न, नेता बन्छौ पक्कै।।
कुकुर र बिरालो झै, सँधै आपसमा,
दाजू भाइ तिमि पोल्न, नेता बन्छौ पक्कै।।
धर्ति उस्तै छ, आकाश उस्तै छ!
बदलियो के? बतास उस्तै छ!!
फेरियो मन, ब्याबहार तिम्रो,
फूलको हेर, सुवास उस्तै छ!!
सुख दु:खमा, हाँस्छन रुन्छन,
हाँस्ने रुने त्यो, आभाष उस्तै छ!!
जस्ले जे नीति, निर्माण गरे नि,
मजदुरको, प्रवास उस्तै छ!!
काउकुति लाग्दैछ कसम!
इच्छाहरु जाग्दैछ कसम!!
आगमन हुँदैछ मँसिर,
मन उतै भाग्दैछ कसम!!
बाटो कुरेर बस्ने उनको,
बरमाला माग्दैछ कसम!!
बाध्यताले दिदैन दिन त,
खुशि थुप्रै ताक्दैछ कसम!!
सायद चोट उस्तै छ, तिम्रो र मेरो ।
अनि अठौट उस्तै छ, तिम्रो र मेरो ।।
रुँदैछ्यौ तिमि, म रोएर थाकेको छु,
पत्झर बोट उस्तैछ, तिम्रो र मेरो ।।
तिमि र मैले गरौँ, सहयात्रा अब,
लाग्छ छनौट उस्तै छ, तिम्रो र मेरो ।।
आफ्नो कर्मले, ठगिएको दुई आत्मा,
कर्मम खोट उस्तै छ, तिम्रो र मेरो ।।
जमरा र आशिर्बादको, सार मिलोस यो दशैँमा ।
हत्या हिंसा अराजकको, पार मिलोस यो दशैँमा ।
थाल भरि टीका सुकाई, प्रदेशिलाई कुरि बस्ने,
बा आमालाई चयनको, भार मिलोस यो दशैँमा ।
हुँदा खाने र हुने खाने, बिचको यो असमानता,
समयको जन्जीरलाई, हार मिलोस यो दशैँमा ।
बिखण्डनको बाटो रोज्ने, हाम्रो देशको शासकमा ।
एकता र सदभावको, धार मिलोस यो दशैँमा ।
अब चर्चा चल्न थाल्यो, जताततै तिहारको ।
सप्तरङ्गि टीका माला, गला अनि निधारको ।।
आफू भने प्रवासमै, बस्नु पर्यो ऐले पनि,
मनभित्र ज्वारभाटा उठिरा'छ बिचारको ।।
मौनतामै रुने होलि, यो साल नि चेलि मेरो,
फूल झर्दा सुक्दै त्यसै, आँगनिको किनारको ।।
घर रुन्छ उता तिर, आत्तिदैछ मन यता,
पाए थोरै त्याग धेरै, प्रदेश यो बेकारको ।।
न आएनि हुन्थ्यो भन्छु, छिया छिया पार्न मन,
दिल भित्र चोट दिन पर्वहरु बेधारको ।।
र्याल झार्दै मुखबाट, पोखिएर बाँच्नेहरु!!
गाई मारि गँहुतमा, चोखिएर बाँच्नेहरु!!
अझै कत्ति गरिरन्छौ, बलात्कार जननिको,
लालचाको तराजुमा, जोखिएर बाँच्नेहरु!!
घुम्ने मेच अन्धो मान्छे, टाँसिएर बसेको छ,
आफ्नै छाँया सँग, आफै ठोक्किएर बाँच्नेहरु!!
रङ्ग मञ्च तताउँछ, नामर्दले चिच्याउदै,
अघिपछि पाउ सार्दै, रोकिएर बाँच्नेहरु!!
