महँगो भो पानी सस्तै भो जीवन
काठमाडौँको धारा जस्तै भो जीवन
लाखौं मन हेर आँशुमा डुबेका
अक्कर माथिको रास्तै भो जीवन
यता दिन बग्छ उता उमेर ढल्छ
रक्सि छ सहारा मस्तै भो जीवन
न पिडा न खुसि अधुरो कहानी
मुसाफिर जस्तै उस्तै भो जीवन
Indra Narayan Chongbang द्वारा रचना गरिएका गजलहरु
काँडा भित्र पनि उस्तै प्रेम कथा जाने पछि
मरुभूमि स्वर्ग बन्छ आफ्नै मान्छे ठाने पछि !
दुनियाको दृष्टि जस्तै प्रेमी मन कहाँ हुन्छ ?
रुपको कुरो परै राख कलेजो नै माने पछि !
आँखा भित्रै संसार छ मुटु जित्ने युद्ध पर्यो
दुरी कहाँ रहन्छ र तिर्सनाले ताने पछि !
सेर लेख्छु मन जस्तै खोट छैन भन्दै छु म
अजम्बरी कथा संगै पिरतीले बाने पछि !
