छोडेर जानेले झूटो माया लायौ किन
आँसुले बिदाई गरी अन्तै धायौ किन॥
अर्कैको साथमा कुम जोडी जानु रै'छ
नौतंगी कसम त्यहि दिन खायौ किन॥
चादनी रातको छायाँ बनि दिन्छु भनि
कुहिरो बादल लागी आज छायौ किन॥
दुखाई दिलमा जानु थियो भने टाढा
जोडेर साइनो एक छिन आयौ किन॥
तिमीले छाडेर गए देखि बेसरी पिउंदै छु
पीडाले फाटेको मन आँसु बगाई सिउदै छु
सपना बनेर फेरी किन आउँछौ बोलाउन
भुलेर अतीत हाँस्न खोज्दा मलाई तौलाउन
छातीमा राखेर ढुंगा मुस्किलले जिउदै छु
पीडाले फाटेको मन आँसु बगाई सिउदै छु
म यहाँ दु :खमा रात दिन काटेर बसे पनि
त्यो तिम्रो नजर बाट तल धर्तीमा खसे पनि
तिमी नै खुशी हुनु भनि संकल्प लिउदै छु
पीडाले फाटेको मन आँसु बगाई सिउदै छु
छोड्यौ किन बोल्न पनि आजकाल
कोहि पायौ होला धनि आजकाल॥
तिमी मेरो राजा भन्दै मर्ने सधै
गयौ अन्तै बैरी बनि आजकाल॥
छोडी साथ गए पनि टाढा टाढा
तिम्रै नाम जब्दै छनी आजकाल॥
तिम्रो साथ बिना मर्छु भन्दै हिड्ने
भाग्यौ माया दिन्छु भनि आजकाल॥
अनमोल आँसु हरु, तिम्रो यादमा झार्दै छु
भेट्न भनि तिमीलाई, दुई पाइला सार्दै छु।।
एक्लै हुँदा तिम्रो याद, धेरै आएर सतायो
दिन रात सम्झी बस्दा, मात लागेर मतायो।।
तिम्रो खुशी मेरै सोची, सारा खुशिया मार्दै छु
भेट्न भनि तिमीलाई, दुई पाइला सार्दै छु।।
तिमी बाट टाढा भई, बस्नु बेकार लाग्दै छ
नियतिको गति देख्दा, बाँच्ने रहर भाग्दै छ।।
छिटै मिल्ने आशा बोकी, डुंगा दिलको टार्दै छु
भेट्न भनि तिमीलाई, दुई पाइला सार्दै छु।।
भाग्यले फेरी चिन्तामा पारेको छ
आँखाले थोपा आँसुको झारेको छ।।
ओठको हाँसो छरेर बाँच्छु भन्दा
मलाई छाडी बसाई सारेको छ।।
बाहिर हेर्दा हँसिलो देखे पनि
दिलमा आगो लगाई मारेको छ।।
हरेक बाधा अर्चन सहि-सहि
अहिले सम्म जीवन तारेको छ।।
औसीको अँधेरी रातमा, पुर्णीमाको जुन बनि छाउने छु
उदास एकान्त ठाउँमा पीडा भुल्ने धुन बनि आउने छु।
जीवन यो रहे सम्म सुख दु:ख साट्नु पर्छ मिलि जुली
वर्षादको आँधी हुरीमा अडिक हुन आत्नु पर्छ मिलि जिली।
त्यसैले हरेक पलमा कहिल्यै नभुल्ने गुण बनि आउने छु
उदास एकान्त ठाउँमा पीडा भुल्ने धुन बनि आउने छु।
शत्रुको अगाडी नझुक्ने वीर हामी बन्नु पर्छ एक अर्का
उकाली ओराली पाखामा बाटो हरु खन्नु पर्छ एक अर्का।
त्यसैले तिम्रो जीवनमा शक्ति शालि नुन बनि आउने छु
उदास एकान्त ठाउँमा पीडा भुल्ने धुन बनि आउने छु।
यति धेरै माया दिई छोडी नजानु
अजम्बरी नाता हाम्रो तोडी नजानु।।
माया जाल पारी आफु खुशी भएर
दुखाएर मेरो मुटु घोची नजानु।।
दु:ख सुख जस्तो पर्छ त्यस्तै तारौला
आपतको बेला सुख खोजि नजानु।।
सानो झुप्रामा नै माया प्रेम सातौला
सँगै मरौ महल त्यो रोजी नजानु।।
किन आउँछ तिहार यहाँ खाली मेरो जीवनमा
दिल जलाई आँसुको दीयो बाली मेरो जीवनमा ।।
वर्ष वर्षमा मलाई एक चोटी सधै रुवाउछ
सप्तरङ्गी टिका र माला फाली मेरो जीवनमा ।।
दुखि रहेको हृदय लाई भुली खुशी हुँन खोज्दा
घुमी आएछ बजाई फेरी ताली मेरो जीवनमा ।।
खुशी सँग नै जिउछु भनि दीपावली नसम्झिदा
पीडा बनेर छाएछ यस'पाली मेरो जीवनमा ।।
मित्रताको साईनो, गाँस्न खोजेको थिए
जिन्दगीको यात्रामा, तिमी रोजेको थिए।।
किन बुझिनौ तिम्ले, मेरो मनको कुरा
उल्टै हानेर गयौ, मेरो छातीमा छुरा
टाढा भएनि हामी, आफ्नै सोचेको थिए
जिन्दगीको यात्रामा, तिमी रोजेको थिए
हर क्षणमा धेरै, मैले सम्झिने गर्थे
तिम्रो यादमा सधै, मन खुशीले भर्थे
पीर चिन्ता गर्न, सबै छोडेको थिए
जिन्दगीको यात्रामा, तिमी रोजेको थिए
भमरा झैँ रस चुसी, घुमी फिरी साथ छोड्ने!
महल नै ठुलो ठानी, अजम्बरी नाता तोड्ने।।
मेरो माया तीतो रैछ, मीठो माया अन्तै खोज!
सबै कुरा हुने खाने, चारै तिर खोजि रोज।।
कस्तो रैछ तिम्रो चाला, हिरा देखे बाटो मोड्ने!
महल नै ठुलो ठानी, अजम्बरी नाता तोड्ने।।
केनै थाहा माया के हो, धन हेरी भाग्ने लाई!
साँचो माया गर्छु भनि, अर्कै संग लाग्ने लाई।।
मैले माया धेरै गर्थे, तिम्ले नाता अन्तै जोड्ने
महल नै ठुलो ठानी, अजम्बरी नाता तोड्ने।।
