तिमीले छाडेर गए देखि बेसरी पिउंदै छु
पीडाले फाटेको मन आँसु बगाई सिउदै छु
सपना बनेर फेरी किन आउँछौ बोलाउन
भुलेर अतीत हाँस्न खोज्दा मलाई तौलाउन
छातीमा राखेर ढुंगा मुस्किलले जिउदै छु
पीडाले फाटेको मन आँसु बगाई सिउदै छु
म यहाँ दु :खमा रात दिन काटेर बसे पनि
त्यो तिम्रो नजर बाट तल धर्तीमा खसे पनि
तिमी नै खुशी हुनु भनि संकल्प लिउदै छु
पीडाले फाटेको मन आँसु बगाई सिउदै छु
अनमोल आँसु हरु, तिम्रो यादमा झार्दै छु
भेट्न भनि तिमीलाई, दुई पाइला सार्दै छु।।
एक्लै हुँदा तिम्रो याद, धेरै आएर सतायो
दिन रात सम्झी बस्दा, मात लागेर मतायो।।
तिम्रो खुशी मेरै सोची, सारा खुशिया मार्दै छु
भेट्न भनि तिमीलाई, दुई पाइला सार्दै छु।।
तिमी बाट टाढा भई, बस्नु बेकार लाग्दै छ
नियतिको गति देख्दा, बाँच्ने रहर भाग्दै छ।।
छिटै मिल्ने आशा बोकी, डुंगा दिलको टार्दै छु
भेट्न भनि तिमीलाई, दुई पाइला सार्दै छु।।
औसीको अँधेरी रातमा, पुर्णीमाको जुन बनि छाउने छु
उदास एकान्त ठाउँमा पीडा भुल्ने धुन बनि आउने छु।
जीवन यो रहे सम्म सुख दु:ख साट्नु पर्छ मिलि जुली
वर्षादको आँधी हुरीमा अडिक हुन आत्नु पर्छ मिलि जिली।
त्यसैले हरेक पलमा कहिल्यै नभुल्ने गुण बनि आउने छु
उदास एकान्त ठाउँमा पीडा भुल्ने धुन बनि आउने छु।
शत्रुको अगाडी नझुक्ने वीर हामी बन्नु पर्छ एक अर्का
उकाली ओराली पाखामा बाटो हरु खन्नु पर्छ एक अर्का।
त्यसैले तिम्रो जीवनमा शक्ति शालि नुन बनि आउने छु
उदास एकान्त ठाउँमा पीडा भुल्ने धुन बनि आउने छु।
मित्रताको साईनो, गाँस्न खोजेको थिए
जिन्दगीको यात्रामा, तिमी रोजेको थिए।।
किन बुझिनौ तिम्ले, मेरो मनको कुरा
उल्टै हानेर गयौ, मेरो छातीमा छुरा
टाढा भएनि हामी, आफ्नै सोचेको थिए
जिन्दगीको यात्रामा, तिमी रोजेको थिए
हर क्षणमा धेरै, मैले सम्झिने गर्थे
तिम्रो यादमा सधै, मन खुशीले भर्थे
पीर चिन्ता गर्न, सबै छोडेको थिए
जिन्दगीको यात्रामा, तिमी रोजेको थिए
भमरा झैँ रस चुसी, घुमी फिरी साथ छोड्ने!
महल नै ठुलो ठानी, अजम्बरी नाता तोड्ने।।
मेरो माया तीतो रैछ, मीठो माया अन्तै खोज!
सबै कुरा हुने खाने, चारै तिर खोजि रोज।।
कस्तो रैछ तिम्रो चाला, हिरा देखे बाटो मोड्ने!
महल नै ठुलो ठानी, अजम्बरी नाता तोड्ने।।
केनै थाहा माया के हो, धन हेरी भाग्ने लाई!
साँचो माया गर्छु भनि, अर्कै संग लाग्ने लाई।।
मैले माया धेरै गर्थे, तिम्ले नाता अन्तै जोड्ने
महल नै ठुलो ठानी, अजम्बरी नाता तोड्ने।।
तिम्रो यादमा झस्किएर रुँदै छु
मन भरिका पीडा आँसुले धुँदै छु
टाढा भएर बस्दा छाती चर्किदा
आँसु बर्षाको झरी बनि झर्किदा
तिम्रो तस्बिर तिरै हेरी छुँदै छु
मन भरिका पीडा आँसुले धुँदै छु
चाहे विश्वास गर या त नगर
मेरो कुरामा भर पर नपर
तिम्रै यादमा पागल पो हुँदै छु
मन भरिका पीडा आँसुले धुँदै छु
दिएर तिम्ले गुलावको फूल
छोडेर गयौ के पो भयो भूल।।
जीवन सम्झी फूल दिया रैछौ
मलाई छोडी अर्कै सँग गैछौ
फुट्दै छ यहाँ रोदनको मूल
छोडेर गयौ के पो भयो भूल।।
दु:खी लाई चोट दिई के पायौ
सुकेर जाने फूल दिई अन्तै धायौ
हेरेर बस्छु त्यहि हामी छुट्य पुल
छोडेर गयौ के पो भयो भूल।।
अनगिन्ति माया दिई छोडी नजानु
अजम्बरी नाता हाम्रो तोडी नजानु
भुमरीमा पारि आफु खुशी भएर
पराईको घुम्टो ओढी सजि गएर
आँसु दिई अर्को नाता जोडी नजानु
अजम्बरी नाता हाम्रो तोडी नजानु
दु:ख सुख बाडी चुँदी सँगै तारौला
झुप्रामा नै माया अनि प्रेम सातौला
हर्षको त्यो सानो पोको फोडी नजानु
अजम्बरी नाता हाम्रो तोडी नजानु
