एउटा गजल उन्को नाम गरी दिन्छु आज !
वेदना को शब्द खोजी भरी दिन्छु आज !!
सँगाले थे टुक्रा मनको केवल उन्कै लागि,
उन्लाई खुशी मिल्छ भने छरी दिन्छु आज !!
पहिला तानी वर वर, अहिले जाउ भन्छे,
बस्दिन म मनमा उन्को, सरि दिन्छु आज !
फुल बनि फुल्दा पनि, सकिन रिझाउन,
होस बरु ओइलाएर, झरी दिन्छु आज !
रेशम धागे सारी अनि, मखमली चोली उन्को !
मेरो घरको, छेवै लागे, सजाएर डोली उन्को !!
दाइजो मागिन्, हाँस्दै-हाँस्दै, आँचल फैलाएर,
भरि दिए, आँशु सबै, रित्याएर झोली उन्को !
लाखौ गरे कोशिस मैले, भुल्न भनि उनि लाई,
बतास मा गुन्जिरन्छ, अझैपनि बोलि उन्को !
पिडा पर्दा घाऊ लाग्दा, याद मेरो गर्छिन् होलि,
संझी-संझी मेरो माया, बग्छ होला खोलि उन्को !
मायाको पनि कुनै आकार हुन्छ र लाटी ?
तिमी नै भन यस्को प्रकार हुन्छ र लाटी ?
निर्मल-चोखो छ यो, पवित्र गंगा सरी नै,
अमृत मा नि कतै, विकार हुन्छ र लाटी ?
याँहा त राज चल्छ, केवल दुई मुटु को,
मायाको देशमा नि, सरकार हुन्छ र लाटी ?
सपना पूर्ण हुन्छ, तिमीले साथ दिए पो,
म एक्लै ले चाहेर, साकार हुन्छ र लाटी ?
बोल्न जाने पिठो पनि बिक्छ अरे भन्थे बा' ले !
धन हुनेकै राज्य मात्र टिक्छ अरे भन्थे बा' ले !
नसुम्पेस है आफ्नो मुटु, पराइ को विश्वास गरि,
मौका मिले तेरै मुटु झिक्छ अरे भन्थे बा' ले !
कर्म गरेस् मिहिनेत गरेस्, फल को आशा नगरेस है,
पाए बेश भो, नपाए नि ठिक छ अरे भन्थे बा' ले !
नगरेस है घमण्ड 'प्रखर', मै हु जान्ने नभनेस है,
फलेको त्यो डाली झुक्न सिक्छ अरे भन्थे बा' ले !
पिरतीको गोरेटोमा डग्मगाए थोरै !
मुटु भित्र चोट लाग्दा छट्पटाए थोरै !
कैले सम्झी अतित ती अश्रु धारा छुटे,
कैले आफ्नै हाल देखी मुस्कुराए थोरै !
यात्रा रह्यो अधुरो नै तिमी सँग मेरो,
एक्लो यात्री जिन्दगीको लड्खडाए थोरै !
कती रात बिते यसै तिम्रै चित्र हेरी,
कती रात सपनी मा बर्बराए थोरै !
के पाए मैले गुमाए के, आज जाँचेर हेर्छु म !
मरेर कती जिँए - जिँए, आज बाँचेर हेर्छु म !
भुल्न उन्लाई मुश्किल छ, असंभव त छैन नि ?
टुटेका स्वप्न जोडी फेरी, आज साँचेर हेर्छु म !
(मरेर कती जिँए - जिँए, आज बाँचेर हेर्छु म !)
मेटी दिन्छु ति हर् निशानी, झुठा सौगात मायाका,
रोपेथे मुना जो प्रितिका, आज भाँचेर हेर्छु म !
(मरेर कती जिँए - जिँए, आज बाँचेर हेर्छु म !)
पुष्प चुंडी, पत्थर पुंजी, धर्म गरे भन्छ्यौ तिमी ?
भाग्य लड्यो पाउमा तिम्रो, कर्म गरे भन्छ्यौ तिमी ?
दर्पण मा बिम्ब हेर त, निर्वस्त्र छ देह तिम्रो,
हत्केला ले मुहार छोपी, शर्म गरे भन्छ्यौ तिमी ?
मेरो नाम निशानी सबै, राख पार्यौ जाली तिम्ले,
आगो मेरो मनमा बालि, गर्म गरे भन्छ्यौ तिमी ?
कस्यौ पैला प्रीतको डोरी, चुंडाएर गयौ अनि,
तिम्रो मेरो बिचको नाता, नर्म गरे भन्छ्यौ तिमी ?
शुन्यताको आभाष छ, चिसो-चिसो वतास छ !
एक्लै रम्ने मन मेरो, आज किन उदास छ ?
चन्दा लुकी कता-कता, शुन्य मेरो आकाश छ !
टिम्-टिम् साना सिताराको, ज्योतिमा के विश्वास छ ?
यो नितान्त एक्लोपन् मा, तिम्रो कमी पुरा गर्ने,
यौटा साथी बोत्तल छ, अनि यौटा गिलास छ !
पिउँछु म जती-जती, तृष्णा जाग्छ उती-उती,
तिमी बिना न-मेटिने, खै अनौठो यो प्यास छ !
छोप्दैमा देह पहिरनले, छोपिन्छ र चरित्र त्यो ?
बटार्छ मुन्टो दु;ख पर्दामा, भन्छ र कस्ले मित्र त्यो ?
खोज्दैछौ कँहा देवता तिमी, मन्दिर र मस्जिदमा,
झाकेर हेर, बाहिर हैन, आफ्नै मनको भित्र त्यो !
बिटुलो पार्यौ निष्ठुरी तिम्ले, चोखो आत्माको सम्बन्ध,
छर्केर अब सुन-पानी फेरि, हुन्छ र पवित्र त्यो ?
नाटक रच्यो दैवले कस्तो, मुटु दियो माया बिना,
आखिरी रैछ जिवन यौटा, विचित्र चलचित्र त्यो !
खाऊ 'बाबु' खाऊ, अब 'राम' पनि खाऊ !
धोती हरुको जुठो बुबु - माम पनि खाऊ !
हत्यारा र दोषी लाई माफ़ी दिदै हिंड है,
बल्ल-तल्ल कमाको त्यों नाम पनि खाऊ !
बढ्ला देशको सीमा भन्या, घट्या- घट्यै गर्छ,
शिर झुकाऊदै, दुश्मनको, तारेमाम पनि खाऊ !
देश खायो मुसाले झै, कुटु-कुटु छिमेकिले,
कागज़ संगै 'बिपा'को, त्यों खाम पनि खाऊ !
