बजारी भाउमा चलायौ जवानी
यौबन सिर्जेर फलायौ जवानी !!
अनौठो रहेछ तिम्रो त्यो तृर्सना
डुबेर पानीमै गलायौ जवानी !!
नबन त्यसरी छुदैमा बेहोसी
समाल्न नसकी ढलायौ जवानी !!
जवानी समय साँचिन्न साँचेर
संम्झेर अतित जलायौ जवानी !!
तन्कायौ गुलेली बैश थ्यो ताँजोमा
निसाना चुकाइ छलायौ जवानी !!
नखोज मलाई फूलमा पातमा
बिलिन हुँदै छु अँधेरी रातमा !!
नदेखाउ सपना कृतिम कोरेर
रम्न म चाहन्छु दु:खको खातमा !!
कानुन बनायौ छुवाछुत अन्त्यको
आखिर लान्छना लगायौ जातमा !!
इमान सम्मान राष्ट्रियता बेचेर
नेता झै बिक्दिन सडेको भातमा !!
घरी घरी चोट खप्दा अचानो झै भएको छु
आँफै सँग टाडा हुँदै बिरानो झै भएको छु !!
आँशु भित्र बगी सके चुर्लुम्मै छु बेदनामा
सुकाएर अश्रुधारा ओभानो झै भएको छु!!
हुतीहारा समाजको मतीमारा मान्छे म त
बेगारी ति फलानो र चिलानो झै भएको छु!!
अब्जसे भो कर्मै मेरो दोष खेप्ने मेरै थाप्लो
दुनियाँको नजरमा अखानो झै भएको छु !!
सक्दिन म उम्रन त नपचेर ढुकुरले
डाली बाट बिस्टाएको त्यो दानो झै भएको छु!!
