तार चुँडिएको सारंगिमा खोज्दैछु मिठो धुन ।
ग्रहण लागेको आकाशमा खोज्दैछु ताराजुन ।।
सोचे भन्दा पनी धेरै धेरै अन्तर रै"छ यहाँ ।
मान्छेहरु भन्दा धेरै ढुङ्गे पत्थर रै'छ यहाँ ।।
तातो मरुभुमी बालुवामा खोज्दैछु हिरा सुन ।
पसिनाको साटो यहाँ दिनै बग्दैछ मेरो खुन ।।
सम्झना आउँछ जैलेपनी घरैको बाबा आमा ।
भन्दैछन होला नानीहरु चाहियो नयाँ नाना ।।
सम्झेर तिमी आँशुले मेरो भिज्दैछ सिरानी ।
फर्केर छिट्टै आउँनु है माया नबन्नु बिरानी ।।
आँखामा आँशु सुकेन कैले सकिन भुल्नलाई ।
तिम्लाई छोडि पराए सँगै सकिन डुल्नलाई ।।
बित्ने भो मेरो उमेर त्यसै ढल्कियो जवानी ।
सम्झेर तिमी आँशुले मेरो भिज्दैछ सिरानी ।।
सबैको देख्छु हँसिलो ओठ मिलेको जोडीछ ।
त्यसैले माया अहिले मेरो मन्निकै दु:खीछ ।।
तिम्लाई सम्झी जल्दैछ दिल हुँदैछु खरानी ।
फर्केर छिट्टै आउँनु है माया नबन्नु बिरानी ।।
जिउदै म त लास भएँ साथ छुटेदेखी ।
उन्को मेरो अजम्बरी नाता टुटेदेखी ।।
कसोगरी बाँचु मैले घाएल भा'छु धेरै ।
मुटुभरी नलुक्ने त्यो चोट खा'छु धेरै ।।
मर्नु बाँच्नु भाछु आज खुशी लुटेदेखी ।
उन्को मेरो हिंड्ने बाटो बिचै छुटेदेखी ।।
नयन बाट अश्रु धारा बग्छ पानीसरी ।
श्वास फेर्न गार्हो हुन्छ मेरो घरिघरि ।।
ब्यर्थैलाग्छ जिन्दगानी कर्म फुटेदेखी ।
मणी बिहिन सर्प भाछु बासै उठेदेखी ।।
