को हिमाली को पाहाडी सबै उस्तै तराई ।
मिली जुली बसौं हजूर कोही छैन पराई ।
हेर नेपाली हौं भन्ने हुनु पर्छ भावनामा ।
आफु-आफु लड्नु हुन्न के हुन्छ कराई?
आउ हामी सुध्रे सिंगोदेश सुध्रिनेछ हाम्रो ।
हामी सुध्री एकापसमा माया मोह सराई ।
देशको निम्ति केही गर्ने उदेश्य हुनुपर्छ ।
दिनहूँ यहाँ कति मर्छौ आफु आफै डराई ।
लुकी छुपी जून सँग रात हाम्रै हुन्थ्यो!
डाहा गर्थे दुनियाले बात हाम्रै हुन्थ्यो !
जती कोसिस गरे पनी छुटाउन माया!
झन कस्सी बलियो हात हाम्रै हुन्थ्यो !
नदिनु पीड़ा दियो समाजले हामीलाई!
रमाऊँथ्यौं सधै त्यो मात हाम्रै हुन्थ्यो !
मिलन हाम्रो टूटाउन कति बाधा परे है!
बाधा बन्धन तोडेर साथ हाम्रै हुन्थ्यो !
फाटेको मन सीलाउने केही खोज्दैछु म ।
छुटेको त्यो मिलाउने, केही खोज्दैछु म ।
लोप हुँदै गैरहेछ, हाम्रो धर्म र संस्कृति ।
कुकृतिलाई ढीलाउने, केही खोज्दैछु म ।
अशांतिले बास गर्यो, मेरो नेपाल देशमा ।
शांति फूल खिलाउने, केही खोज्दैछु म ।
लाज सरम मेटी सके आत्मा पनी मारेर ।
त्यही शिक्षा दिलाउने, केही खोज्दैछु म ।
पापी किन बनायौ सोध्छु भेटी ईश्वरलाई ।
अमृत बाणी पिलाउने, केही खोज्दैछु म ।
वर्षात हट्यो चारै-तीर बादल सबै खुल्यो होला ।
दशैं आयो खेतै भरी धानको बाला झुल्यो होला ।
मैले नै त लगाको थें हाम्रो आँगनीमा फूल हरु ।
आज भोली त्यही फूल ढकमक्क फूल्यो होला ।
दशैंको आभास पाएँ आमा मैले पनी परदेशमा ।
गुन-गुन गर्दै फूलहरुमा, भमरानी डूल्यो होला ।
यो पाली आऊँदीन आमा छुट्टी पनी पाको छैन ।
अरु फर्केको देखेपछी, तिम्रो मन घुल्यो होला ।
साँच्चै भन्छु गणतन्त्र घाँडो हुँदैछ!
नेतालाई कमाई खाने भाँड़ो हुँदैछ!
बुझेकाछौ कुन हालमा देश छ यो?
अन्जान बन्दैछ लाटो गाँडो हुँदैछ!
चुसी सक्यौ चुस्नु देश अनी जनता!
चाहिंदा भाँड़ो नचाहिंदा ठाँडो हुँदैछ!
स्वार्थ मन बनाएछौ यही माया हेर!
बिझेन अब आँखाको काँडो हुँदैछ!
दक्षिणमा ढल्दैछन किल्लाहरु सुस्त सुस्तै
घुम्दैछन कुकुरका पिल्लाहरु सुस्त सुस्तै
अस्तित्व नै लुटिएर रहेन खै केही बाँकी
तराईमा मिचिदैछ जिल्लाहरू सुस्त सुस्तै
अपराधी कानुनको स्वयम छ रक्षक नै
स्वार्थिहरू खेर्दैछन बिल्लाहरू सुस्त सुस्तै
सुन्दर थे सुशील थे चिल्लोपन पनी थियौ
थालिसके फुस्रा हुन चिल्लाहरू सुस्त सुस्तै
जता जता फूल हुन्छ भमरा झैं डूल्दैछौ रे?
एता काँडा अनी उता गुलाब भै फुल्दैछौ रे?
तर्कि जान टाढा हूँन बचनले हान्छौ तिमी!
विष छर्की गयौ अन्तै अमृत, मै घुल्दैछौ रे?
बाचा तिम्रो झूटो रैछ सपनाझैं तोड़ी दियौ?
अर्कै माया छाती भित्र रमाऊँ'दै हुल्दैछौ रे?
तिमी मेरो प्राण थियौ ,सर्वस्व सुम्पी दिएँ!
स्वार्थी रैछ प्रेम तिम्रो पैसमा नै भुल्दैछौ रे?
लुकी छुपी अनी चुप-चाप हुन्छ माया ।
न त हुन्छ तौल न त माप हुन्छ माया ।
मन भित्र माया छ अनी देउता त्यहीं ।
प्रेम गर्ने पुज्छ त्यही जाप हुन्छ माया ।
समाजले सिकाऊँछ माया गर्नु भन्ने ।
अनी यहीं किन फेरी पाप हुन्छ माया?
गर्न जाने माया जीवन हैन भने मृत्यु ।
कहीले त जहरिलो साप हुन्छ माया ।
फर्की आउछु भनी मलाई ढाँटी गयौ निष्ठुरी!
मिलनको आसा देखाई टाढी गयौ निष्ठुरी!
म बिना तिमी एकपल बाँच्ने छैन भन्थ्यौ?
आफु उम्की मलाई भने गाडी गयौ निष्ठुरी!
हलचल नै मच्चाएर जिवनमा मेरो तिम्ले!
उथलपुथल जिन्दगी नै पारी गयौ निष्ठुरी!
माया गरें तिमीलाई धोका मैले पाउनु रै'छ!
चितामा यो ज्यान ज्युँदै बाली गयौ निष्ठुरी!
धेरै भयो ह्त्या हिंषा अब विधान हुनु पर्छ!
खुलाउनु छ बाटो एउटा निदान हुनु पर्छ!
बलात्कार बढ्यो देशमा सोचौं युवा अब!
बलात्कारी दोषिहरुको चिहान हुनु पर्छ!
घेर्दैछ देशद्रोहीले केही गरौं आउ नेपाली!
भविष्य मा सुनौलो त्यो निसान हुनु पर्छ!
माया यो हाम्रो कहिल्यै नछुटोस भन्छु म!
आलो-पालो दुबै हातको सिरान हुनु पर्छ!
