देशै ब्रम्ह लुट् भो, खै त्याँ बिधान?
सीमा मिच्न छुट् भो, खै त्याँ बिधान?
के गर्छै लिलामी? थापेर पासा
भाईबन्धु फुट् भो खै त्याँ बिधान?
अड्को थाप्छ नेता राष्ट्रियतामा
त्यै विश्वाश झुट् भो खै त्याँ बिधान?
यो संघीयता नै पेवा हुँदैछ
गुण्डा गर्दी गुट् भो खै त्याँ बिधान?
आँखै पो रसाए यो देश देखी
बैरी कै त जुट् भो खै त्याँ बिधान?
साक्षी राखी अग्नी ज्वाला साथै बाँच्ने कसम खान्छु
मुटु भित्र जुनी जुनी प्रीती साँच्ने कसम खान्छु !!
परेली यो चुँ'दा ओत लाग्ने काख मिल्छ भने
हात राखी शिरमाथि सधैं हास्ने कसम खान्छु!!
पाले पुन्य मारे पाप तिमी नै हौ मेरो प्राण
खुशी दिए मयुर झै संगै नाच्ने कसम खान्छु !!
विश्वाशको दियो बाल्नु दुनियाँले डाह गर्दा
युगौ जाने अजम्बरी प्रीती गास्ने कसम खान्छु !!
रित्तिएको आत्मा साँचे, तिम्ले यात्रा मोडे पछि
टुक्रिएको मन गाँसे, अन्तै नाता जोडे पछि
चाँदनी नै रोएको थ्यो पागलपन मेरो देखि
आफैं भित्र मृत्यु दाँजे,तिम्ले बाचा तोडे पछि,
अन्तिम सास छुट्छ कि त तिम्रै नाम जपि-जपि
कयौं पल्ट मरी बाँचे, तिम्ले साथ छोडे पछि
संगालेर दर्दहरु अश्रु प्याला पिँउ कति
मद्होसी भाई नाँचे, मेरो मुटु फोडे पछि,
आफ्नै भन्ने छायाले नि छलेको छ आज प्रिया,
तड्पि-तड्पी मुटु आफै जलेको छ आज प्रिया
भिजे होला सिरानी त्यो मध्य रात सम्झनामा
ऐठन यो मन भित्र चलेको छ आज प्रिया,
बर्षिदिंदा अश्रु धारा खोज्दी हौली काख मेरो
देहसङ्गै आँशु पनि गलेको छ आज प्रिया,
खाली पेट पिरैपिर मा जादैं छौ कि मेलापात
छट्पटिमा छाती मेरो बलेको छ आज प्रिया,
बैरी रग्मगायो,यस्तो किन आमा ?
धर्ती डग्मगायो यस्तो किन आमा?
के गुम्यो र उस्को, त्याहाँ मठ तोड्दा
पापी जग्मगायो, यस्तो किन आमा?
चीनो बीरताको, जम्मै लुटि लाग्दा
ब्यथा मग्मगायो, यस्तो किन आमा ?
देखेनौ र तिम्ले? सर्दै छ सिमा त्याँ
दुश्मन् सग्मगायो, यस्तो किन आमा??
मान्छे पुज्दै भाक्छ देबी, चाल चलन अनौठो
आस्था टुट्दा झाँक्छ देबी, चाल चलन अनौठो
शीला हो त्यो छैन नाता, कर्म सुखि भनी हिड्छ
बल्झे ब्यथा डाक्छ देबी, चाल चलन अनौठो
तड्पाईमा देह जल्दा, मन्दिर र मठ खोज्दै
अंगालोले ढाक्छ देबी, चाल चलन अनौठो
मान्छे कस्तो स्वार्थि याहाँ, ठोक्छ शिर दु:ख पर्दा
ढोग्दै ढुंगा ताक्छ देबी, चाल चलन अनौठो
मान्छे मान्छे बीच पनि किन भिन्दै नजर् हुन्छ
आस्था टुटे बस्ती पनि काँस फुल्ने बगर् हुन्छ
काटे रगत् रातै बग्छ दर्दहरु एकै हुन् नि
उचोनिच हैन यहाँ भाबनाको सदर् हुन्छ
चुल्हो चौको किन बार्छौ कोही हुन्न सानो ठुलो
सम्मानले नै सबै जातको समाजमा कदर हुन्छ
उस्कै हात् को श्रम चल्छ पानी किन चल्दैन त
तिमी हामी जुट्यौं भने बिसंगती बदर् हुन्छ
होसियार राष्ट्रघाती, जनता उठ्दैछ
सचेतक नेपालीको, जमात जुट्दैछ
निमुखा र भोकानांगा, खोज्दै यो अधिकार्
शोषणको बिरुद्दमा, ज्वाला यो छुट्दैछ
रुक्ने छैन आश्वासनले, अती भो अब त
जनतामा भाषाणको, विश्वाश टुट्दैछ
चेतनाको दीयो बाली, एक हौं नेपाली
संघियता भन्दै यहाँ, देश यो फुट्दैछ
स्वाभिमानी शिर झुकाउने हरु होसियार
शहिदको म्रित आत्मा दुखाउनेहरु होसियार
अन्यायको सन्धि सामन्तबादको बर्चस्व
नक्सा भित्रै सीमा लुकाउने हरु होसियार
भोग बिलाशिता हद भो हैकमबादी शोषण
कोशी र कर्णाली सुकाउने हरु होसियार
सँगिनका धार दोब्रिनेछ,अन्यायको पतन् हुँदैछ
नेपाली एकता रुकाउने हरु होसियार
उर्लिनेछ फेरी जन सागर गर्दै प्रतिबाद
पाल्तु देशद्रोही भुकाउने हरु होसियार
स्वाभिमानी शिर झुकाउने हरु होसियार
शहिदको म्रित आत्मा दुखाउनेहरु होसियार
अन्यायको सन्धि सामन्तबादको बर्चस्व
नक्सा भित्रै सीमा लुकाउने हरु होसियार
भोग बिलाशिता हद भो हैकमबादी शोषण
कोशी र कर्णाली सुकाउने हरु होसियार
सँगिनका धार दोब्रिनेछ,अन्यायको पतन् हुँदैछ
नेपाली एकता रुकाउने हरु होसियार
उर्लिनेछ फेरी जन सागर गर्दै प्रतिबाद
पाल्तु देशद्रोही भुकाउने हरु होसियार
