थोरै साथी पागल
अनि थोरै म
संगै मिसाएर पागलपन
घुम्दैफिर्दै
अझ धेरै बटुल्दै
शान्त तलाउमा छाल खोज्दै
मरुभूमिमा हरियाली रोप्दै
चैतलाई मङ्सिर ठान्दै
खहरेलाई थुन्ने प्रयास
सुर्यलाई छेक्ने कोशिष
सुनामी हिमाल पुग्ने आसमा
तर धरातल जहाको त्यही
सधै अपरिवर्तित यथार्त
अभाबका गुन्ताहरु पन्छाउदै
घुम्तीहरु सोझाउन खोज्ने,
नदीलाई कुलो ठाने,
हिमाललाई तराईमा झार्ने,
यस्तै यस्तै चेष्ठा
बोल्न मनाही
शख्त मनाही
तिम्रो परिचय ?
खोज्दै आफुलाई
आफै भित्र
अझै चुप पहिले जस्तै
आफनै छाया संगै
सधै साथ साथै
तर अन्धकार निस्पस्त
आफुलाई खोज्दै
कतै अनन्त भित्र
अह बोल्दै नबोली
फुटबल सारै जान्नु पर्ने बाई-बाई रोबर्ट अब
पत्रकारलाई गाली गर्ने बाई-बाई रोबर्ट अब
जाउ बाजे तिम्रै टोटेनहाम्लाई सिकाउन है,
च्याम्पियनको गफ भर्ने बाई-बाई रोबर्ट अब
के गर्छौ बाजे, तिम्रा पनी गफ नै ठुलै भए,
नेपालीहरु गोलमै मर्ने बाई-बाई रोबर्ट अब
गोरो छाला फुटबलमा पारङ्गत हुन्थे अरे,
तिमि गोरो, गोलै टर्ने बाई-बाई रोबर्ट अब
म गज़लकार होइन तर लेख्दै गर्दा हुन्छन
म कविता लेख्दिन तर कोर्दै गर्दा हुन्छन
सारै सजिलो हुन्छ लेखक बन्न अनि लेख्न
म मुक्तक पनि नकोरेरै पोख्दै गर्दा हुन्छन
के लेखु भनेर बस्यो,चारैतिरका कुरा हेर्छु
म लेख लेख्दिन भन्छु,सोच्दै गर्दा हुन्छन
कतिले ठुलो ठानुहुन्छ कतिले धोलो मात्रै
तर,हेर्नुस साथी यो सब भोग्दै गर्दा हुन्छन
सारै मजा आउथ्यो उनको चोली रंग्याउदा
भांग खाएर लठ्ठ पर्दै यो बोलि रंग्याउदा
जवानीका दिनहरु उमंगकै हुन्छन अझ
पिचकारी, लोला, रंग पोत्दै झोली रंग्याउदा
मन्द-मन्द मुस्कानको साथै दिन थालेपछि
खैरो, रातो, निलो रंगहरु घोली रंग्याउदा
अझै पनि भुलीएन मनाएको साथै पहिले
आँखाहरु जुधी रहन्थे होलि रंग्याउदा
