जाँदैछु आज, फर्किएर हेर्दिन परदेशलाई
गर्नु गर्यो आज, तर्किएर हेर्दिन परदेशलाई।
चोट दियो पिडा दियो कति धेरै आज
बगाउँदै आँशु, धर्किएर हेर्दिन परदेशलाई।
लुट्नु लुट्यो श्रमको भाउ कती धेरै यहाँ
ड्युटीले गर्दा, लर्किएर हेर्दिन परदेशलाई।
खान्छु भन्छ अझै जुठो श्रमिकको मूल्य
सुन पानीले, छर्किएर हेर्दिन परदेशलाई।
उनको नाममा लेखी पत्र, पठाएको थिएँ मैले
पायौ पाएनौ सच्च चरित्र, पठाएको थिएँ मैले ।
प्रगाढ बन्न नपाउंदै हाम्रो मित्रता आज यहाँ
मनैको साथि असल मित्र, पठाएको थिएँ मैले ।
मेरो मनबाट त्यसै ओकालत हुँदा भावनाहरु
खाली तिम्रो त्यो मनभित्र, पठाएको थिएँ मैले ।
यो आँखामा आउँदा तिम्रो ती बिम्ब दृश्यहरु
कोरेर मेरो आफ्नै चित्र, पठाएको थिएँ मैले ।
