तरंगीत मन शान्त हुन्छ आज,
एकपल्ट बुद्धका ती आँखालाई नियाली हेर
बसन्त पलाउछ, डढेको मुटुमा आज,
एकपल्ट शान्तिका संदेशलाई गमि हेर - !
मानस त़प, शान्तिका जप, सास्वत हुन्छ तब,
जब बहिरिन्छौ हामी कुरूप बिचारहरुबाट
बिचारमा तर्क, आँखामा मर्म, धर्म बन्छ तब
जब तडपिन्छौ हामी अरुको घृणा र पीडाहरुबाट
संकल्पको दियालो जलाऊ मन मनमा आज
निभ्न दिन्न दयाको चिराग भनि
तिमीबाट टाढा हुनु पर्छ भने
तिम्रो मुटु छुनु पर्छ मैले
टाढैबाट नियाल्नु पर्छ भने
सामुन्ने नआऊ भुल्न पर्छ मैले
आँखा नजुदाऊ आँशु बग्छ अहिले
छलेर आँखा तिम्रो रुनु पर्छ मैले
बहाना नबनाऊ मुटु जल्छ अहिले
छोडेर तिमीलाई जानु पर्छ मैले
झन् झन् ब्यथा चर्कन थाल्यो
बिर्सन खोज्दा माया बढ्न थाल्यो
जुनु जुनी सम्म पनि
तिमीलाई पाउने चाहमा
पुनपुन जन्म लिई
तिम्रो प्रतिक्षा गर्न सकुँ म
नश्वर शरीर यो
नरहे पनि मेरो
आकृति बनी तिम्रो
आखाँमा रहन सकु म
सहयात्री हुन नसके नि
तिम्रो जीवनको....!
स्पन्दन रहे सम्म तिम्रो मुटुको
मायाप्रेम भन्ने पनि सञ्जोगको कुरा रैछ
फुटेपछि नजोडिने सौभाग्यको चुरा रैछ
देउरालीमा चढाएथ्यौ सपनाका फूलहरू
बर्षौ पछि गई हेर्दा मात्र केही झुरा रैछ
जीवन देथेँ मैलेभने मेरा लागि तिमीसँग
खोकिलामा लुकाएको धारिलो त्यो छुरा रैछ
आफूभन्दा पनि धेरै तिम्रा लागि बाँचेको छु
तिमीलाई भने प्यारो सुन्दरी र सुरा रैछ
कृपा धेरै भगवानको मैमाथि परेको छ
थोरैथोरै अरूलाई मलाई दुःख पूरा रैछ ।
'छोरी मरी ठुलो घर परि' भन्ने यो उखान किन
मर्नु नारीको नियती होइन, फेरी यो विभेद किन
छोरि, प्रेमिका, पत्नी, आमा, प्रिय हर रुपमा यिनी
अधिकार लिऊ अधिकाले नै लुकेर 'बकस' किन - !!!
केहि माया मुटु संग साटेकी थियौ
केहि बाँचा आँखाले नै भाकेकी थियौ
नभन तिमी पराई भाकि छेऔ
सायद मुटुको नजिक आकी छ्यौ
केहि माया मुटु संग साटेकी थियौ
केहि बाँचा आँखाले नै भाकेकी थियौ
केहि होस् भए पो बिर्सनु तिमीलाई
कहिले बिर्से पो सम्झनु तिमीलाई
सायद भुली सकेछु मैले दैबलाई
सायद भुली सकेछु मैले आफैलाई
केहि माया मुटु संग साटेकी थियौ
केहि बाँचा आँखाले नै भाकेकी थियौ
सपनीमा भेट्न चाहन्छु कति कति
टुटे पो कल्पना भेट्थे म अति अति
जलिरहेछ मैनबत्ती, तप तप निरन्तर चुहिदैछ उही
बाध्यता उही, जलन उही, उज्यालो छर्ने रहर उही
चुहिदैछ निरन्तर उ, भोगिरहेछ फेरि उत्पीडन उही
हाँसिरहेछ जल्दै, तर अकल्पित भोगाईका पछुतो उही -!
हरेक ऋतुका फूलहरु संग पैचो मागी
केहि रंग तक्राउछु तिमीलाई !
इन्द्रेणीको सप्तरंगी रंग चोरी
केहि रंगाउछु तिमीलाई !
आफ्नै जीवनका ऊमंग र खुशीहरु घोली
केहि रंग वर्साउछु तिमीलाई !
शुभ-कामाना आज
रंगिएर टक्राउन हुन्न रे मैले !
तेसैले !
अन्तर मनले रंग वर्साउछु तिमीलाई !
स्वीकार गर !
