बर्षौ पछी छुट्टी मिल्यो, लड्डु फोडम् -फोडम् भयो ।
पराइको धरातल, आजै छोडम् -छोडम् भयो ।
डुब्नै लाग्या घाम जस्तै, पूज्यनीय बुबा-आमा,
बूढ्यौलीको खुशी देख्न, बाटो मोडम् -मोडम् भयो ।
निदाउने चेष्टा गर्छु, मन -मनै कुरा खेल्छ,
प्यारी उनको आँचलमा, सँगै ओडम् -ओडम् भयो ।
छोरा -छोरी संझनामा, आखै भरी झझल्को भो,
काखै राखी तोते बोल्दै, गाला जोडम् -जोडम् भयो ।
जातको कुरा गर्ने भए, मलाई देख्दा तर्के हुन्छ ।
झुक्किएरै छोए हुलाँ, सुनपानीले छर्के हुन्छ।
कमजोर आफै बनेको छु, चुपचाप सहि दिउँला,
अफसोचमा गल्ति भए, मूख छाडेरै जर्के हुन्छ ।
स्वार्थी तिमी भन्दिन म, मेरै भाग्य खोट लाउँला,
सुखी जीवन मिल्छ भने, सुखी रोजेर सर्के हुन्छ ।
रगत मेरो एकै पाउ, तिम्रो नशामा दौडेको छ,
गुनको भारा तिर्ने भए, मेरै बाटो पर्खे हुन्छ ।
गुलाफको पोथ्रा जस्ति, तिम्रो पुक्क गालै राम्रो ।
निशानी ले चौडा छाती, तिम्रो सोह्र सालै राम्रो ।
कम्मर त्यो मर्काउँदै, भाचिन्छ्झैं गरि हिन्छ्यौं ।
बिराली झैं लच्किएको, आहा !तिम्रो चालै राम्रो ।
नदेखेझै छड्के हेर्दै, मुस्कान् छोड्दै ओंठ टोक्दा,
हेरिरहुँ जस्तो लाग्ने, तिम्रो लज्जा तालै राम्रो ।
देख्दै तिमी नशालु छ्यौ,उन्मातले अड्डी कस्छ,
अड्डी कस्न लगाउने, तिम्रो मायाँ जालै राम्रो ।
