तिम्रा सुन्दर आँखाहरु
मेरो सपनाको आकासमा
उडिरहेछन्-
रंगीन बेलुन बनेर ।
आज इन्द्रेणी परेको दिन
चिम्लिएर समय
म चुम्वन गरेको थिएँ,तिमीलाई-
मायाको नीलो मुटुमा ।
करुणाले आज तिमी
आँसु बगेकी छौ
ठोक्किएर मेरो- सम्झनाको पहाडमा
सिमसिम झरी परेकी छौ ।
आज हिमाल हासेको दिन,
बोकेर एक मुठी- प्रेमिल रंग
रंग्याएको थिएँ म-
अचिन्त्य तिम्रो सिन्दुरभरि
सौन्दर्यले आज तिमी
रंग बाँचेकी छौ
तिम्रा र मेरा मायावी,
सम्झना बनेर पहाडभरि
