आजै आफ्नो छैन भने भोलिको के कुरा
गंगासागर भो रगतको खोलिको के कुरा
मारेपछी दाजुलाई आतंकी हौ तिमी भनि
भाउजुले लाउने सारी र चोलीको के कुरा
बिहे भाको अर्को दिनमै सिन्दुर लुटी बैनीको
उनकै सामु उठायौ अर्थी डोलीको के कुरा
देखाउछौ आश्वासन झुटै भएपनि तिमी
राम जाने तिम्रो त्यो बोलीको के कुरा
न त टेक्ने हाँगो हजुर न समाउने डाली भेटें
भेट्नु भेटें जति भेटें हाँडीभन्दा काली भेटें
कहिँ गोरी कहिँ भैंसी कहिँ बत्तीसै बंगारे र
अलि राम्री भनाउदाकी ओठ भरिको लाली भेटें
कुखुराको जस्तो वैशमा सहि गलत छुट्टीएन
जब होसमा आएँ हजुर सबै केटी जाली भेटें
कैले पुर्व कैले पश्चिम चक्कर पनी काटेकै हो
गोलि ठुस्सा मुक्का-मुक्की अनि कैले गाली भेटें
सबै भन्दा ठुलिठाली हुनिखानी तिमी
स्वीकार गरेँ अरुभन्दा भाग्यमानि तिमी
छाक नपाइ जीवन धान्न धौ धौ परेकाको
जुठै छाक दिएपनि अन्नादानी तिमी
मन्दीर मुर्ति पाखा लगाई तिम्रै पुजा गर्ने
थाह पाएँ उनका लागि भगवान नी तिमी
हकिकत त के भनौं खै थाह भा'कै कुरा
सोझा ती गाउँले बिचमा स्वाभिमानी तिमी
हेर आज गाउँ र शहर बेग्लै बेग्लै
विशादी त होनी तर जहर बेग्लै बेग्लै
सुरज अनी चन्द्रको मीलन असफल पछी
फेरी किन खोली अनी बगर बेग्लै बेग्लै
फुल अंगाली काँडा फेक्ने बानी परेका हो....
तिम्रै कारण दुई भाईको डगर बेग्लै बेग्लै
परिवर्तन भो जमाना त्यसै कारण होला
दुई छोरामा नी आमाको अधर बेग्लै बेग्लै
ह्याप्यौ आज निर्दोश भनी भेट्छु फेरी पक्कै
तर आज हामी दुइको शफर बेग्लै बेग्लै
