तरवारको धारमा प्यारको प्रहार खोज्दैछु,
मरुभूमिको झारमा फूलको बहार खोज्दैछु ।
विनासकारी बनेर प्रकृति जाग्छ तर्साऊँन,
सुनामीको मारमा मानब स्याहार खोज्दैछु ।
विजयपथ कर्मको छोडिएछ थाहै नपाई,
बारम्बारको हारमा हर्षित मुहार खोज्दैछु ।
कुसस्कारी बनेर समाज डुब्यो मदिरामा,
रेस्टुरेन्ट र बारमा धार्मिक बिहार खोज्दैछु ।
त्यो उदाएको सुर्य,
तिम्रो सुभदिन को प्रतिक होला !
मेरो उदासता को सुचक हो,
मेरो म्रित्यु एकदिन नजिकिएको संकेत हो,
त्यो फ़ुलेको कोमल गुलाब को फ़ूल
तिम्रो लागि प्रेमको निसानी होला,
सुंदरताको बहार
तर,
मेरो लागि,
बस मेरो फ़ोटो मा चढाऊने हार हो,
कति फ़रक छ, सोच,
तिम्रो र मेरो,
सुंदर प्रक्रितिको
भेदभाब बोकी आऊँने , तारा फेर्नु छ ,
तराई पहाड मेचीकाली सारा फेर्नु छ ।
नाताबाद क्रिपाबादका दिन गए अब ,
पक्षपातमा गुंजिने सब नारा फेर्नु छ ।
सोझा साझा श्रमजिबी थिचिई रहे सधै ,
हैकमबादी संबिधानको धारा फेर्नु छ ।
रुकुम रोल्पा कालीकोट हेपिदैछ किन ,
सोलु अछाम सल्यान संगै बारा फेर्नु छ ।
पर्खिएर बस्नु सानु सुन लिएर आऊँछु ,
धेरै बर्ष खान पुग्ने नुन लिएर आऊँछु ।
फ़ाटेका ति भित्ताहरू टाली राख्नु तिमी ,
रंग्याऊँन भित्ताहरू चुन लिएर आऊँछु ।।
बियोगका गीत बजाई रुंछौ भन्ने सुंछु ,
मिलनमा नाच्न मिल्ने धुन लिएर आऊँछु ।
फ़ाटी सक्यो होला तिम्रो मखमली चोली ,
जाडो गर्मी दुबै धान्ने ऊन लिएर आऊँछु ।
तिम्ले पुज्ने भगवानले गरेको नी देखें !
भाग्य भंदै डोकामै दुध भरेको नी देखें !
पापै पापको भारी बोकि महान बन्नेहरू ,
पाप पखाल्न गंगा नदी तरेको नी देखें !
साधु संत पुजारी ती देऊतै हुं म भंदै ,
धम्क्याएर पबित्रता हरेको नी देखें !
देशद्रोही भस्ट्रचारी अमर बने यहाँ ,
देशभक्त कुकुर सरी मरेको नी देखें !
गुलाबी ओँठको निकट
कौमार्यको समिप ,
सुन्दर बक्षस्थलको पास ,
अनि जिबित संसारको ऊद्गम स्थलको
माध्यम हुँदै ,
नयाँ सृस्टी गर्ने
आऊ आज तिमी र म एउटा प्रण गरौँ !
लुछेर ईज्जतका बोक्राहरू ,
छोडाएर लाजका खोस्टाहरू ,
पौठेजोरी खेल्दै ,
असिन पसिन बेहद तिब्रताका साथ ,
पत्र पत्र चुडेर ,
सृजनाको आसन बाँधी
नयाँ सन्सार उमार्ने
आऊ आज तिमी र म एउटा प्रण गरौँ !!
देश'मै छुरा धस्नेहरू चलाऊंदै छन सत्ता !
आफ़्नै आमा डस्नेहरू चलाऊंदै छन सत्ता !
रास्ट्रसेवा गर्नेहरू कटाईदै छन डाडा,
मौका छोपी बस्नेहरू चलाऊंदै छन सत्ता !
माया प्रेम स्नेहको बजार भाऊ सस्तो यहाँ ,
मार्न कम्मर कस्नेहरू चलाऊंदै छन सत्ता !
अन्याय र अत्याचारले सिमा नाघ्दा पनि ,
कुना पसि बस्नेहरू चलाऊंदै छन सत्ता !
