तरवारको धारमा प्यारको प्रहार खोज्दैछु,
मरुभूमिको झारमा फूलको बहार खोज्दैछु ।
विनासकारी बनेर प्रकृति जाग्छ तर्साऊँन,
सुनामीको मारमा मानब स्याहार खोज्दैछु ।
विजयपथ कर्मको छोडिएछ थाहै नपाई,
बारम्बारको हारमा हर्षित मुहार खोज्दैछु ।
कुसस्कारी बनेर समाज डुब्यो मदिरामा,
रेस्टुरेन्ट र बारमा धार्मिक बिहार खोज्दैछु ।
भेदभाब बोकी आऊँने , तारा फेर्नु छ ,
तराई पहाड मेचीकाली सारा फेर्नु छ ।
नाताबाद क्रिपाबादका दिन गए अब ,
पक्षपातमा गुंजिने सब नारा फेर्नु छ ।
सोझा साझा श्रमजिबी थिचिई रहे सधै ,
हैकमबादी संबिधानको धारा फेर्नु छ ।
रुकुम रोल्पा कालीकोट हेपिदैछ किन ,
सोलु अछाम सल्यान संगै बारा फेर्नु छ ।
पर्खिएर बस्नु सानु सुन लिएर आऊँछु ,
धेरै बर्ष खान पुग्ने नुन लिएर आऊँछु ।
फ़ाटेका ति भित्ताहरू टाली राख्नु तिमी ,
रंग्याऊँन भित्ताहरू चुन लिएर आऊँछु ।।
बियोगका गीत बजाई रुंछौ भन्ने सुंछु ,
मिलनमा नाच्न मिल्ने धुन लिएर आऊँछु ।
फ़ाटी सक्यो होला तिम्रो मखमली चोली ,
जाडो गर्मी दुबै धान्ने ऊन लिएर आऊँछु ।
तिम्ले पुज्ने भगवानले गरेको नी देखें !
भाग्य भंदै डोकामै दुध भरेको नी देखें !
पापै पापको भारी बोकि महान बन्नेहरू ,
पाप पखाल्न गंगा नदी तरेको नी देखें !
साधु संत पुजारी ती देऊतै हुं म भंदै ,
धम्क्याएर पबित्रता हरेको नी देखें !
देशद्रोही भस्ट्रचारी अमर बने यहाँ ,
देशभक्त कुकुर सरी मरेको नी देखें !
देश'मै छुरा धस्नेहरू चलाऊंदै छन सत्ता !
आफ़्नै आमा डस्नेहरू चलाऊंदै छन सत्ता !
रास्ट्रसेवा गर्नेहरू कटाईदै छन डाडा,
मौका छोपी बस्नेहरू चलाऊंदै छन सत्ता !
माया प्रेम स्नेहको बजार भाऊ सस्तो यहाँ ,
मार्न कम्मर कस्नेहरू चलाऊंदै छन सत्ता !
अन्याय र अत्याचारले सिमा नाघ्दा पनि ,
कुना पसि बस्नेहरू चलाऊंदै छन सत्ता !
