आज किन किन सपना बिग्रिएको छ
सदा चलखेल गर्नु पर्ने दिमाग थिग्रिएको छ
सन्ततिको चर्तिकला देखेर दु:खि हुदि छन्
मेरि मातृभूमि क्वाँ क्वाँ रुदि छन्!!
हो, याहाँ सगरमाथा नुहेको छ
पहाड फुटेको छ
तराईमा धाँजा फाटेको छ
मेची सुस्केरा फाल्दै छिन्
माहाकालि विरहको भाखा हाल्दै छिन्!!
खै ! अब त बुझ्न नि गाह्रो भो
चाहना नियाल्न नि साह्रो भो
कोहि याहाँ आफुलाई धर्तिपुत्र भन्दछन्
बाकिँ अरुलाई आकास पुत्रमा गन्दछन्!!
Shailendra Kr. Thapa द्वारा रचना गरिएका कविताहरु - पृष्ठ ३
यी तन्नेरी सिर उचाली विदेश तिर लम्किन्छन्
कुप मण्डुक बुढा- खाडा यता त्यसै चम्किन्छन्॥
ज्ञान जोस सीप बुद्धि... विदेश तिर भागे पछि
लुता लाङ्गडा बुढा खाडा यता तिर जागे पछि
के होला खै देशको हालत बुझ्नै अव गाह्रो भो
मनको बह कस्लाई पोख्ने सोच्नै अव साह्रो भो॥
यी तन्नेरी....
कुप मण्डुक...
सबका मनमा भगवतिको बास होस
पाप कर्म अनि पापिहरुको नास होस
रक्षा गरुन भगवतिले निमुखाहरुको
अधर्मि र पापिहरुको बन बास होस!!
गर्न सकुन सबैले अप्ठ्यारोको सामना
सुन्दर होस सबका निम्ति यो जमाना
सद्बुद्धि र सद्भाब सब जनमा पलाओस
यही छ आजको दिनमा मेरो शुभकामना!!
माग्दा पाउने समय टाङ्ग्दा पाउने काम
देश जनता जता जाओस जुटेकै छ दाम॥
नाम के हो थाहा छैन भइसके बदनाम
बदनामिको घेरो भीत्र जुटेकै छ माम॥
अहो ! प्रिय परिवार र आफन्त मात्रै
मुलुकको गरिसके दुयनियामा जात्रै॥
राजनीतिको नाउँमा गरेकाछन् ब्यापार
बुझि नसक्नु यीनको लिला अपरम्पार॥
माग्दा पाउने समय टाङ्ग्दा पाउने काम
देश जनता जता जाओस जुटेकै छ दाम॥
पुस-माघको कठाङ्ग्रिदो जाडामा
सिर सिर हावा चलिरहेछ डाँडामा
तर पनि त्यस्को कुनै परवाह छैन
समय छदै गन्तब्यमा नपुगी भएन
त्यहि भएर होला सायद भरियाहरु
टेकनको टेकोमा भारी सुस्ताउदै
निरन्तर उनिहरु अघि बढ्दैछन्
पुग्न हतार छ घाम नअस्ताउदै
साहुको भारी बिसाएर ज्याला थाप्न
हतार छ नुन भुटुन आटो काखि च्याप्न
बेलुका घर नपुगि भएको छैन
बाल बच्चाले दिनभर केही खाएको छैन!!
हीजो गोर्खाका पृथ्वी नायक बनि नेपाल बनाया
आज गोर्खाका वावुराम प्र.म. बनि साह्रै गनाया
निर्माण खातिर योग्य बन्ना कन भारत गयाका
पढाइमा मेधावि छात्र हुन्याले डाक्टर भयाका॥१
कौन कारणले यीनका मन कन प्रेरित गराया
राजनितिको बाटोतिर यीनिलाई स्वात्तै डोराया
निर्माणका यी डाक्टरले ध्वंसका साथ दियाका
दश वर्षे द्वन्दकालका यीनले नेतृत्व लियाका॥२
आज यीनि नेपालका प्रधान मन्त्री भया छन्
शान्ति अनि संविधान वनाउन ताहाँ गया छन्
वाहिर आकाश धमिलिएको छ
भित्र मन अमिलिएको छ
चैत्र-वैशाषको यो मौसम
बुझ्न कठिन छ
कति वेला के हुने हो !
हावा हुण्डरिमा वद्लिने हो कि
पानि असिनामा !
मानव बस्तिका उडुस र उपियाँहरु,
जो बाचिँरहेछन् श्रमिक र किसानका पसिनामा !
तिनका लात र वातले छिया-छिया भएका यी वदन
अधुरो क्रान्ति पुरा गर्छौँ भन्नेहरुलाई
आज प्रश्न सोध्नै पर्ने भएकोछ
तिम्रो क्रान्ति कहिले पुरा हुन्छ भनेर !
सरकारमा बसेर पनि परिवर्तन पुरा नहुदाँ
काम गर्न सकिएन भन्नेहरुलाई
आज हरेकले सोध्नु पर्ने भएको छ
परिवर्तन पुरा भएपछि काहाँ बसेर काम गर्छौ भनेर !
र सवैलाई सोध्नु पर्ने भएको छ पौराणिक कालदेखि
आज सम्मका कुन क्रान्ति पुरा भएकाछन् भनेर !
गतिशिलताको निरन्तर्तामा परिवर्तन हुने हो भने
क्रान्ति सदा अधुरो नै हुन्छ
केवल आजलाई व्यबस्थापन गर्न सके
जम्बो प्रतीनिधिसभा बनाउने भन्दैछन् रे
आ-आफ्ना मान्छे कसरि अटाउने गन्दैछन् रे !!
मान माथिको भुक्तमान कति खप्नु पर्ने हो
बोझ माथिको माहाबोझ याहाँ कति थप्नु पर्ने हो !!
केन्द्र प्रदेस स्थानिय तिनटा सरकार हुने भए
तिनका भरण-पोषण गर्दा गर्दै जनता सवै रुने भए !!
सुख: शान्ति समृद्धि आउने देखिएन छाँट-काँट
नयाँ नेपालमा त भुइफुट्टाहरुको हुने भयो ठाँट-बाँट !!
जम्बो प्रतीनिधिसभा बनाउने भन्दैछन् रे
आ-आफ्ना मान्छे कसरि अटाउने गन्दैछन् रे !!
भो कति गर्नु, गालिको बर्षा
कोर्दै छन् याहाँ, फुटको धर्षा!!
डलरको खेति, बढेको बढ्यै
युरोको मात, चढेको चढ्यै!!
लाग्यो रे अहो, भारुको झट्टि
खोलेनन् यीन्ले, आखाँको पट्टि!!
नेता मानेको, दास रहेछन्
आदेश सिरोपर, गर्ने भएछन्!!
जनताले ठाने, आफ्नै भनि
किनेछ अर्कैले, ए-एक गनि!!
