हाय...हामि नेपाली ! हाम्रो नियति कस्तो !
काम कुरो निमिट्यान्न भाषण भने सस्तो
विश्वास गरि पठाएका रैछन् विश्वासघाति
आँफै हार्ने ला..-छन् गर्न गोल आत्मघाति॥
ज्ञान-गुन सिप बुद्धि उल्टो चलाउदा छन्
हाय याहाँ जोस-जाँगर सवै गलाउदा छन्
समयको पावन्दिलाई,... मारि सके लात
फुटाऊ र शासन गर, वृटिस साम्राज्यको चाल थियो,
स्वार्थि र लोभि-पापिका लागि, आज काम लाग्ने जाल बन्यो
जात-पात र धर्मका नाममा, समाजलाई फुटाएर
रमित हेर्ने माथि बसि, तल-तल कुटाएर
शिर्सस्थानमा बस्नेहरु, लुटि खान जुटेका छन्
घम्सा घम्सि देखाएर, हाम्रा बुद्धि भुटेका छन्
भईसक्दा नि यीनका कला, हाम्रा सामु पर्दाफास
किन बस्छौँ अझै हामि, यीनिहरुकै गरि आश !
राष्ट्र र राष्ट्रियता, कसैको नि होईन पेवा
बचाऊनलाई मिलि गरौ, दृढता साथ यीनको सेवा
के गर्दा भलो हुन्छ, मन-मनमा गुन्न सके
कस्तो आउछ के आउछ, भन्ने कुरा हराई सक्यो
आईकन एक दिनको, अनुभब पनि गराई सक्यो ।।
शान्ति समृद्धि र सद्भावको, बनोस है यो नया वर्ष
टुटे-फुटेका मनहरुमा, भरिदेओस उल्लास र हर्ष ।।
रोगिले उपचार पाओस, भोकाले एक पेट खाओस
नानिहरु स्कुल जाउन, नाङ्गाले एक सरो लाओस ।।
मार-काट बन्द होस, चारै दिसा शान्ति छाओस
अन्यायिहरुको नाश हो, पिडितले न्याय पाओस ।।
जतिसुकै अप्ठ्यारा आए पनि, गर्न सकौँ सामना
सामुहिकताको भाव जागोस, यहि हाम्रो कामना ।।
भन्छन्, प्रेमको परिभाषा अनन्त छ,
वात्सल्य प्रेम, मातृत्व प्रेम, भातृत्व प्रेम,
दुइ आत्माको एक-अर्का प्रतिको चाहत प्रेम,
आफन्त प्रतिको अपनत्व प्रेम,
परीवार प्रतिको ममत्व प्रेम,
साथी-भाई इस्ट-मित्र प्रतिको लगाव प्रेम,
समाज र मातृभूमि प्रतिको दाइत्व प्रेम,
साह्रा संसारलाई आफु प्रति आकर्सित गर्ने कला प्रेम,
समग्रमा म मेरोको ठाँउमा हामि हाम्रो भन्ने सोच हो प्रेम
प्रकृतिको वरदान नेपाल देश
अप्राकृतिक कर्मले नरहलाकि शेष
धोति फाडेर रुमाल बनाउन्या
छारो उडाउन शरिर कन्याउन्या
यहि हो आज देखिएको कर्म
के रहला र खै ! यसरि मर्म
मुलुक साझा हो चेत खुलोस
यीनका सेवामा मन झुलोस
जय होस नेपाल माताको
तिन अक्षरको यो शब्द जनता
अर्थ के हो जान्न छाडियो अवता
कोहि फलानाको जनता
कोहि चिलानाको जनता
मर्ने जनता कि मार्ने जनता ?
कसको जनता ?
मर्न पठाउनेको जनता
कि मार्न पठाउनेको जनता ?
टाठा-बाठाको शब्द जालमा फँस्ने जनता
उनिहरुकै कित्ताबन्दीमा बस्ने जनता
कुटिने, काटिने, लुटिने, मेटिने जनता
उसैको नाउँमा अरुले मोज गरेको हेरेर बस्ने जनता
माना मुठिमा चित्त बुझाएर मुरि अरुलाई दिने जनता
हामि हाम्रो भविष्यको चिन्ता गर्न छाडौँ
देशकै भविष्य संग गाँसिएको छ
स्वार्थि भ्रष्टाचारि र विखण्डनकारिहरुका कारण
मुलुक र मुलुकबासिको भविष्य निसासिएको छ!!
याहाँ जो बसेका छन् देश हाँक्न
गतिविधि हेर्दा लाग्छ जाँदैछन् अप्ठ्यारोमा जाक्न
नव नेपाल निर्माणको जो गरियो कामना
झन जटिल समस्याहरुको गर्नु पर्ने भो सामना!!
न याहाँ पुरानो रह्यो न नयाँ बन्दै छ
“एकता” कालमै हाम्रो स्वाभिमान माथि गडेका गिद्धे दृष्टि
हामि बिचको “विखण्डन”का दिन गन्दै छ!!
कैयौ पटक याहाँ जंगे पिलर ढलेका छन्
सिमा छेउका दाजु-भाईलाई छिमेकिले फलेका छन्
सुस्ता-महेसपुर, मानेभञ्ज्याङ,
वा कालापानीमा हाम्रो स्वाभिमान दु:खेको छ
त्यो दु:खेको स्वाभिमानमा मल्हम लगाउने कुरामा
हाम्रो शासक वर्ग चुकेको छ!!
मायामा संसार अडेको छ
मन-मनमा यो गडेको छ
विश्वास जसले गरेको छ
उ माथि-माथि चडेको छ
मायाले न जात भनेको छ
न धर्म वा क्षेत्र चुनेको छ
न धनि वा गरिब भेद छ
बस आकर्शणले बुनेको छ
हुनु पर्ने नेपाली हो, पहिचान हाम्रो त्यहि थियो
जात-जातिको लडाईले, लिन सम्म हुर्मत लियो
हिजो सम्म दाजु-भाई, भन्ने गर्थ्यौ काका-बडा
आज सवै हराउदै छ, हुन्छ जातका कुरा कडा!!
राज्य बिना कसैको नि, भोक आज नमर्ने भयो
कुसुण्डा र दलितले, त्यै राज्य नि नपाउने भयो
बाहुन क्षेत्रि शासक रे,राज्य यीन्लाई चाहिन्न रे
ठकुरि दशनामि आदि, यीनले पनि पाइन्न रे!!
आज मेरो मथिङ्गल हल्लिएको छ
सोच र चिन्तनधारा झोल्लिएको छ
भोका नाङ्गा निमुखाहरुको पिडाले हो
अथवा, टाठा-बाठा हौँ भन्नेहरुको वितण्डाले हो
मष्तिस्कले खुट्याउ सकेको छैन
कुन सहि वा गलत छुट्याउन सकेको छैन!!
आखाँ सामु देखिएको ठगिलाई पत्याउँ
वा, ठगिनेको भाग्यलाई कोसौँ
घर पछाडि गोरुले मकै चरेको नदेख्ने
तर, मेरो मरेको बाबुले वैतर्णि तर्न नसकेर
हज्जारौ कोष टाढा मरुभूमिमा छट्पटाएको देख्ने
पण्डितले भन्ने पुराणको कथालाई पत्याउँ
वा, अहोरात्र श्रम गरेर श्रमको उचित मूल्य नपाएर
भोक र रोगले आक्रान्त श्रमिकको जीवनलाई धिक्कारौँ
म के गरौँ, मलाई गाह्रो भएको छ
मन र मष्तिस्क द्विधामा परेको छ!!
