म भूगोलमा मेरो सिङ्गो देश खोज्दै छू ।
याहा पिज्जा र बर्गरमा मेरो परिवेश खोज्दै छु ।।
छ रेतको खेत अनि कङ्क्रीटका बारिहरु तरपनि
किन हो किन म कोदो धान र लालीगुँराश खोज्दै छु ।।
म पप,रिमिक्स र र्यापमा झ्याउरे गीत खोज्दै छू ।
रोड साईडका आयरन रेलिङ्गमा चिसो शित खोज्दै छू ।।
मेट्रो स्टेशनको भिडभाडमा छड्के सलाम खोज्दै छु ।
म सिनेमा हलका पोस्टरहरुमा राजेश हमाल खोज्दै छु ।।
म कोट प्याण्टका रयाकमा सुरुवाल र आस्कोट खोज्दै छू ।
यि खजूरका क्यू मा पिपल बोट खोज्दै छू ।।
पीरै परि, पीरकै काँखमा,
पीरै मेट्न रोई रा'छू ।
आँशु पोछि, आँशुले नै
आँशु- चिनो धोई रा'छू ।
कोई झिल्के भई झिल्की गए,
कोई तिल्के भई टिल्की गए,
म स्रृष्टि हुने प्रयासमा,
सिल्टी भई खिल्टी रा'छू ।
राधा हौ र पुरा छौ, आधा हुदा थाहा पाउली मेरो माया कस्तो रै छ,
रंग हौ र रंगिन छौ, सादा हुदा थाहा पाउली मेरो माया कस्तो रै छ ।।
क्रिष्ण छ र राधा छौ, सिँदुर भन्दा ज्यादा छौ,
मीरा हुदा थाहा पाउली मेरो माया कस्तो रै छ ।
धनबान बा की छोरी हौ मुला जस्ती गोरी छौ,
क्रुर हातले चिरा हुदा थाहा पाउली मेरो माया कस्तो रैछ ।
मिठास छ र मिठी छौ, सबले मनपराउनी ठिटी छौ,
तिनै मिठास पिरा हुदा थाहा पाउली मेरो माया कस्तो रैछ ।
फुलेछौ र गुलाब हौ,हर ख्वाबीकी खवाब छौ,
ट्याप्प टिपि गुलदशता भै बिदा हुदा थाहा पाउली मेरो माया कस्तो रैछ ।
खोला सँग-सँग बगर हो जीन्दगी,
अमृत मिसिएको जहर हो जीन्दगी ।
एक लाई बाँध्यता अनि बोझ,
अर्कोलाई खेल अनि रहर हो जीन्दगी ।
कसैलाई चीसो बाँस र ओछ्यान,
कसैलाई बाझो खेतको नहर हो जीन्दगी,
कसैलाई सितल मस्त-मस्त पवन,
कसैलाई पवनको कहर हो जीन्दगी ।
सत्य रामाराम था छ मलाई !
तिम्रै पिरले खा छ मलाई ।
ति अधरले के चुमे थे !
नागले डसे झै भा छ मलाई ।।
सत्य रामाराम थाहा छ मलाई !
तिम्रै मोहनी ला छ मलाई ।
ति आँखाले के हेरे थे !
ठहरै परे झै भा छ मलाई ।।
सत्य रामाराम थाहा छ मलाई !
तिम्रै झझल्को आ छ मलाई ।
त्यो निधारमा टिकी के टल्के थे !
त्यहि टिकी भै बसु भा छ मलाई ।।
मन नभएर नि होईन,
धन नभएर नि होईन तर,
एउटा रहर अधुरो छोडि आछु,
एउटा शहर अधुरो छोडि आछु ।
मर्न नसकेर नि होईन,
मार्न नसकेर नि होईन तर,
एउटा कसर अधुरो छोडि आछु,
एउटा जहर अधुरो छोडि आछु ।
देऊ त तिम्रो गालाको लाली गीत लेखी दिन्छू,
कागजमा काजल पोख प्रित लेखी दिन्छु ।
नाकको नागमणी फुली आहा कस्तो झिलमिलाको,
म त अँधेरीमा जुनकिरीको जीत लेखी दिन्छु ।
लालुपाते ति ओठमा देख्दा लाजको नौलो लाली,
भैदिन्छू सातै रंग अनि नौलो रित लेखी दिन्छु ।
ति हातका गोरेटामा यो यात्री लाई हिड्न देऊ,
हर पाईलामा कसम तिम्रो मित लेखी दिन्छु ।
त्यो मुटुमा बस्न देउ हर धड्कन संग बाच्न देऊ,
जे जसरी जीवन जाओस् तर जादा जीत लेखी दिन्छु
फूँल जस्ति सोल्टिनीले मलाई "आई लव यू" भन्छे,
भ्यालेन्टाईनमा भेट्न मलाई "आई वेटिङ्ग फर यू" भन्छे,
मार्ली कान्छी तेरी देईले कान तेरो निमोठेर भन्दा,
जाऊन कतै डिस्को भेना देईलाई बनाएर एप्रिल फूँल भन्छे ।
काजलु ति आँखा झिम्काई मलाई "आई केयर यू" भन्छे,
कहिले मेरो हात समाई "आई केन डाई फँर यू" भन्छे,
मेरै छोरो काखमा च्यापि लाजले ओठ टोकि,
एस्तै एउटा गुडिया देऊ "आँर आई किल यू" भन्छे ।
यो नया बर्ष
थापादाईको
झुम्के भैसीभई ब्याओस् र
ति आमाबिहिन नानिहरुको
सुकेको दुधे आन्द्रो
त्रृप्तभई ढाडियोस् ।
यो नया बर्ष
जोतेदाईको मीतभै
आओस् र
खाली भण्डार र डाला भरियोस् ।
यो नया बर्ष
भुण्टीको काँपी र कलम भै
आओस् र
अशिक्षाको अध्यारो हराओस् ।
यो नया बर्ष
फिस्टेको साबुन र सफा पानी भै
आओस् र
रोगको महामारी हराओस् ।
यो नया बर्ष
प्रदेशी काईलाको
आफ्नै पाखा-पखेरामा
पसिना बगाउने सोच र अठोट भै आओस् र
परिवारले
छोरो,पिता र पतिको
साथ पाओस् ।
धोती न टोपी भएर
दुई दिन त गै गयो ।
चार दिनको जिन्दगी
दुई दिन त रै गयो ।।
बादरको पुच्छर जिन्दगी
लौरो न हतियार भैगयो ।
दाँत हुदा पाए पिडालु मात्र,
अहिले नारियाँल छ
तर खानि धोको रैगयो ।।
तन हुदा मन भएन,
अहिले मन भएर के गरु??
