केहि त भन मीत मेरी रात ढल्दैछ है ।
प्रेम त झन् गीत मेरी बात चल्दैछ है ।।
खोल न खोल केहि बोल स्वर कोइली झैँ ।
रस त मन शीत मेरी मात फल्दैछ है ।।
आउ न आउ बस मेरो न्यानो काखैमा नि ।
ताप त तन हीत मेरी जात गल्दैछ है ।।
देउ न देउ तिम्रो माया मेरो जिबन हो ।
छोप त बन जीत मेरी पात जल्दैछ है ।।
खाउ न खाउ बाचा सँधै पुरा गर्नेछु यो ।
पाप त धन रीत मेरी घात ढल्दैछ है ।।
तिमी खेल्छौ जुवातास मेरो के लाग्छ र
भैइसक्यौ पाटीबास मेरो के लाग्छ र
तन्तनी तान्यौ चुरोट्, मुटु जल्दै गैइ
खरानीको भयो ह्रास मेरो के लाग्छ र
सामान्य थ्यो जिन्दगी, सामान्यमै बित्यो
नभएरै कुनै खास मेरो के लाग्छ र
जीन्दगीको परीक्षमा धेरै फेल् हुन्छौ
थोरै मात्रै हुन्छौ पास मेरो के लाग्छ र
गल्ती गर्यौ र पायौ सजायमा तिम्ले
जीन्दगीको अवकास मेरो के लाग्छ र
आपसमै भनाभन, गर्ने बानि छोड अब
सत्ता मात्र तानातान, गर्ने बानि छोड अब
हुने छैन फेरी गल्ति, भनि बाचा गरेका थ्यौ
आफै गल्ति जानाजान, गर्ने बानि छोड अब
ईज्जत भा पो बेईज्जतको डर, नभएसि गर्यौ जे नि
ससंदमै हानाहान, गर्ने बानि छोड अब
दुई हैन चार वर्षमा, बन्या छैन सबिंधान
स्वार्थले नै योगदान, गर्ने बानि छोड अब
गौरबले हास्दै यहाँ नेपालि भै बाच्ने भए
जनता माथि बेईमान, गर्ने बानि छोड अब
अलग नहोस् भन्दा-भन्दै पाटो अलग भयो,
गन्तव्यमा पुग्नै लाग्दा बाटो अलग भयो।
मेरो छातीबाट तिमी हैन मुटु खोसे,
चाहिएन कोही अरू, साटो अलग भयो।
दुबैको चोट यौटै अनि पीडा बराबरी,
समयको अन्तरालमा खाटो अलग भयो।
म छु यहाँ परदेशमा तिमी गाउँ घरमा,
पैतालाले कुल्ची हिँड्ने माटो अलग भयो।
खुलेर बाँच्न सिक मेरी प्रिय तिमी सँधै !
झुलेर नाँच्न सिक मेरी प्रिय तिमी सँधै !!
जिबन कहाँ हुन्छ फेरी मात्र एक चोटी ?
डुलेर साँच्न सिक मेरी प्रिय तिमी सँधै !!
रहर कहाँ हुन्छ पुरा चुप चाप बसे ?
फुलेर जाँच्न सिक मेरी प्रिय तिमी सँधै !!
चाहना कहाँ हुन्छ सत्य टाढा टाढा बसे ?
घुलेर भाँच्न सिक मेरी प्रिय तिमी सँधै !!
सपना कहाँ हुन्छ प्यारो तर्की तर्की बसे ?
चुलेर ढाँच्न सिक मेरी मायालु तिमी सँधै !!
हात काटि दिउला संबिधान लेखेनौ भने ।
खुट्टा भाँची दिउला गरीबलाई देखेनौ भने ।।
चौतारीको छहारी बनिदिन्छु फलाक्यौ तिम्ले ।
ढाढ़ पनि भांचौला गाउँ घर टेकेनौ भने ।।
ग्रामीणको भेगमा छिरेपछि कुटाई खान्छौ ।
निरंग्कुश भएको साशनलाई मेटेनौ भने ।।
जनताको साशन जमीनको सिमामा हुन्छ ।
टाउकोको गिद्धिनै छरिएला छेकेनौ भने ।।
नेपालमा राज्यको बांडफांड हुदैछ बुझ्यौ ?
तिम्रो मुटु फोरेर खालारिती फेकेनौ भने ।।
कताबाट आज उन्को फोटो भेटियो ।
धोको फेरि हेर्ने आज धोको मेटियो ।।
फूँलसरि मुहार उन्को अझ फूँलै बरिपरि ।
मौरी मुहार लाई फूँल भनि झुक्किएको आजै देखियो ।।
केहि चोट बिर्से थे म,केहि चोट ठिक भा थे ।
ति नजरले आज फेरि अर्याल रेटियो ।।
ति नजरले जब यि नजरका मोहनीका भाषा बुझे ।
यो जुनि त भै गो साथमा कैयो जुनि साटियो ।।
ठिक्क परि बस जेठी यस्तै माया बस्यो भने ।
फेसबुक मै रन्क्याई देउला "लौ हमीले त नेटो काटियो" ।।
आफ्नै भाग्य खोसिएर पिउन थालेको हुँ ।
आफै भित्र जोसिएर पिउन थालेको हुँ ।।
जुन दिन बाट हाम्रो बाटो अलग भयो ।
त्यही रापमा झोसिएर पिउन थालेको हुँ ।
तिमी हार्दा मैले जीत सोच्नु गलत थियो ।
आफ्नै भुलमा दोषिएर पिउन थालेको हुँ ।।
तिमी बिनै यात्रा मेरो सहज गर्छु सोचेँ ।
अहमताले पोषिएर पिउन थालेको हुँ ।।
थुङ्गा थुङ्गा फुल टिपी माला उँने रहरमा ।
भबिश्य नै फुलाउने फुल हुने रहरमा ।।
उँनी राखी माला लाई नओइलिने गरी त्यों ।
पिरतीले बाटेर त्यों मन छुने रहरमा ।।
बिहानीको उषा संगै उर्वराउने त्यों शीतमा ।
मायालुको तृष्णा राखी बुट्टा बुँने रहरमा ।।
हरियाली वन पाखा डाडा काड़ा घुमौ भनी ।
यो हेर त ! फुल्को रूप ! रंङग चुँने रहरमा ।।
चाह्या बेला साईनो लगाइ जात जोडी दिन्छ
फुलमात्र कहाँ हो र झारपात गोडी दिन्छ ।
लिन पर्ने जे छ सबै लिएर नै त छोड्छ
दिन पर्दा भने आफ्नो हात मोडी दिन्छ ।
खानलाई बाचा कसम खाएकै हुन्छ त्यहाँ
स्वार्थ पुरा गर्नलाई तर बात तोडी दिन्छ ।
यहाँ यस्तै हुन्छ हजुर यहाँ यस्तै हुन्छ
अँध्यारोमा आफ्नै छाँया साथ छोडि दिन्छ ।
