अल्पकालमै खडेरीले सुकी जाने मूल भएँ,
चिमोटेर-निमोठेर फ्याँकिने म फूल भएँ।
मान्छेभित्र मान्छे यहाँ खोजी मर्दा भेटिएन,
यो विचित्र जमानाको विचित्रकै भूल भएँ।
यही छातीमाथि टेकी गयौ पारि तरेर,
जीर्ण भई बीचैमा भाँचिएको पुल भए।
आफ्नै बाटो हिँडिरहेँ पसिना बहाउँदै,
कुन्नि किन दुनियाँको मुटु घोच्ने शूल भएँ!
तिम्रो यादले सताउँदा प्युने रहर जाग्दै गो,
प्युँदै गएँ,प्युँदै गएँ,प्युँदा-प्युदै झुल भएँ।
कहाँ छौ मेरी मायालु विरहमा फुल्दै छौ ?
बिर्सी ति बाचा प्रियशी कता पो डुल्दै छौ ??
भिजे नयन आँशुका लहरमा याद तिम्रै हो ?
एक्लै भए बिना तिमी कता पो भुल्दै छौ ??
रुझे जिबन पीडाका शहरमा साथ तिम्रै हो ?
हेरे झैँ तर आभास छैन कता पो खुल्दै छौ ??
रोए आज मनका रहरहरु मात तिम्रै हो ?
आउ प्रिय अब स्पर्श छैन कता पो घुल्दै छौ ??
रुप हेर्दा लाग्छ चिल्लो दाल जस्तो ।
रै'छ आत्मा कुहिएको माल जस्तो ।
गरि मायाँ गर्छु भन्छौ गरि खै के,
गर्छौ कुरा मस्ति बिग्र्या हाल जस्तो ।
पाईलाई पिच्छे मायाँ फेर्दै हिंड्ने,
बानि तिम्रो व्यापारीको चाल जस्तो ।
व्यर्थै मलाई अल्जाएर राख्ने कठै !,
तिम्रो मायाँ माकुराको जाल जस्तो ।
कति रुनु वियोगमा, रुँदा - रुँदा,
भयो आँशु छोरोल्पाको ताल जस्तो ।
स्वाभिमानी नेपालीले माम खोजौ आफ्नै देशमा
नयाँ नेपाल बनाउन काम खोजौ आफ्नै देशमा
फर्कौ अब परदेश बाट हामी सबै यूवाहरु
चाँडै नयाँ बिकाशको लाम खोजौ आफ्नै देशमा
बिदेशीको अर्थ बढाई दाषी भई बस्नु भन्दा
आटै खाँऊ फाटै खाँऊ नाम खोजौ आफ्नै देशमा
कतिन्जेल जिउनु हामी अन्धकारमा यो जीवन
भावी दिनमा न्यानो दिने घाम खोजौ आफ्नै देशमा
अहिले पो मुख मात्यो त, सेल सुधार्नुपर्छ ।
के-के रोग लाग्छ भन्छन्, तेल सुधार्नुपर्छ ।।
जसले हान्यो, उसले जान्यो, बडो रमाइलो ।
सके अलिअलि यो, खेल सुधार्नुपर्छ ।।
यदाकदा थेगी थामी, नसक्नु पो बन्छन् ।
बाँध बाँधी जनताको, भेल सुधार्नुपर्छ ।।
वारमा पनि ब्यारमा पनि, धेरै सजिलो ।
भारततिर चल्नेचाहिँ, रेल सुधार्नुपर्छ ।।
मन मेरो यसै फाट्यो उसै फाट्यो सिएर आएँ।
उनको मायाको मात लाग्यो त्येसैले त पिएर आएँ।।
यो दुनीयामा उनकै भो जित हारहरू मैं खेप्दैछु,
हानिन छुरा आफ्नै सम्झी घाइंते मुटू लिएर आएँ।
उनको खुसी फुल्ने त्यो बगैंचामा रम्नेहरू ति धेरै देंखे,
तिनै मनहरू रमाउन मल जल दिएर आएँ।
बर्ण झैं ढुंगाको, नटुट्ने माया होस्,
शिला झैं कञ्चन, नफुट्ने माया होस् ।
हाँसो र नासो जति छन् बाडौ हामी,
प्याँसी झै जोबन नलुट्ने माया होस् ।
मायाले बाँध्छ संसार मायाले मन,
गोली झैं नालको नभुट्ने माया होस् ।
गल्ति छन् र त सिकिन्छ ज्ञान धेरै,
मेशिन झै गल्ति नखुट्ने माया होस् ।
आफैलाई छल्दै व्यर्थै लुक्न चाहन्न
स्वाभीमानी बन्धक् राखी झुक्न चाहन्न
नभएका हैनन् यहाँ आफै बेचिने
बेचिएर जीबनमा चुक्न चाहन्न
सुख दु:ख खोलासरी मेरो जीवनी
बाटो छेकी बगर झै सुक्न चाहन्न
कोमल यो मुटु मेरो ढुङ्गा बनाई
मनमनै बर्सिएर दुख्न चाहन्न
बाचा गरी लाको बन्धन् टुटेपछि रोएँ ।
कर्म संगै भाग्य मेरो फुटेपछि रोएँ ।।
जुनीभरी संगालेर सजाएको माया ।
निष्ठुरीले सबै ख़ुशी लुटेपछि रोएँ ।।
संगै बाँचू संगै मरूँ भनी बांचा लाई ।
बिस्वासको साथ हाम्रो छुटेपछि रोएँ ।।
जोरी पारी बैरी थिए हाम्रो माया देखि ।
आफ्नो भन्ने पराईसंग जुटेपछि रोएँ ।।
कुरोको वार कि पार' गर्नु छ आज, हुन्छ भने!;;
वर्षौको सपना साकार' गर्नु छ आज, हुन्छ भने !!1
लुकेर नजर लाउनेलाई, भोक्, निद्रा उडाउनेलाई!;;
भेटेर एकान्तमा उपचार्' गर्नु छ आज, हुन्छ भने!!2
आज,भोली भन्दै भाका धेरै सारेउ, दोधारमा पारेउ!;;
ढुकेरै दोबाटो इन्ताजार्' गर्नु छ आज, हुन्छ भने!!3
हल्का चेपारे घस्छु बोलिमा, उपहार बोक्छु झोलिमा !;;
सम्झाएर उन्लाई प्यार् हुन्हार' गर्नु छ आज, हुन्छ भने!!4
