पानीमा भिजेको रुवा भएको छ जिन्दगी,
हावामा उडेको भुवा भएको छ जिन्दगी !!
सागर त नाम मात्रै भएछ आज
सुकेको कुवा भएको छ जिन्दगी !!
सास फेरेर पनि जिउदो लास जस्तै भएको छु
चिता माथिको धुवा ,भएको छ जिन्दगी !!
गन्तब्य बिहिन यात्री झै हिडिरहेछु आज ,
बाटोमा हिंड्ने ब-टुवा भएको छ जिन्दगी !!
समय उल्ट्यो क्यार भागी जाउ भन्छे ।
तिमी भए हुन्छ खाली जाउ भन्छे ।।
कस्तो जोस चल्या त्यो कुरकुरे वैसमा ।
अरु उपाय नचले मागी खाउ भन्छे ।।
सोच बुझ शुन्य के हुन्छ भोली ।
यौवनले उन्मत डांडा काटी जाउ भन्छे ।।
सम्झाइ बुझाइ गर्छु पैसा छैन भन्छु ।
पेवा सुन जाकट राखी जाउ भन्छे ।।
मैले भन्दा तिमी मान्दै मानिनौ ।
आँफै एक्लै केही जान्दै जानिनौ ।।
आँफु तिम्रो सामु जल्दै बाच्याछु ।
आगो बाट तिम्ले तान्दै तानिनौ ।।
मैले आँखा सँगै आँखा जुझाउँदा ।
नजरको त्यो बाण हान्दै हानिनौ ।।
मङ्सिर पुस जाडो बड्यो आछुछु ।
अंगालोमा तिम्ले बाध्दै बाधिनौ ।।
सङ्गै बसी कसम खाउ भन्दा खान्न नभन न ।
तीम्रो हात समाई जाउ भन्दा जान्न नभन न ।।
साथ पाउने उमङ्गले चङ्गा सरी यो मन हुँदा ।
धागो तीमी तानी देउ भन्दा तान्न नभन न ।।
दुनियाँको नजर सामु धुलो सरी खस्न नपाई ।
तीम्रो पास थामी देउ भन्दा धान्न नभन न ।।
मेरो खुशी सबै सुम्पे तीमिलाई आफ्नो मान्दै ।
राख्या कुरा मानि देउ भन्दा मान्न नभन न ।।
झर्न थाले थुङ्गा पनि, डालिमाथी फुल्दा फुल्दै,
ढल्कियो नि उमेर पनि रहर सङ्ग भुल्दा भुल्दै।।
नलाउ माया सधैं भन्थे बरै. थाहै नपाई बसेछ,
हात समाई चौतारी र बन पाखामा डुल्दा डुल्दै।।
नखाउ कसम भन्थे बरै, थाहै नपाई खाइएछ,
मुटु जोड्दा तरङ्गित भई उनिसङ्ग झुल्दा झुल्दै।।
नजाउ सधैं भेट्न भन्थे बरै, नयनले नै खोज्न थाल्यो
बिर्सिएर सारा आफ्नो चोखोप्रित मा घुल्दा घुल्दै ।।
रुन्छु सधै तिम्रो याद , रातमा आएपछि
बिरहले लेख्या चिठ्ठि , हातमा आएपछि
बिपनामा तिमी धेरै ,टाढा भए पनि
सपनिमा मुस्काउदै , साथमा आएपछि
हृदयमा लेखिएको एउटा , तिम्रै नाम छ
त्यहि नाम मेरा हर, बातमा आएपछि
मया भुल्ने खुबि छैन , मर्न सकिएन
मन मिले नि कुरा फेरी ,जातमा आएपछि
जता हेर्यो तिमी देख्दा , हिड्नै छाडि दिए
तिम्रै रुप शितमा टल्कि , पातमा आएपछि
सैयौजुनी सम्म रहोस् लेखिएको प्रेमकथा ।
सारंङ्गीझै गूंजी रहोस् रेटिएको प्रेमकथा ।।
तिम्रोमेरो ज़िन्दगानी अल्पिएर गए पनि ।
खोजीखोजी पढ़ीरहोस् मेटिएको प्रेमकथा ।।
रोमियो र जुलिएट जस्तै होस हाम्रो प्रीत ।
समाजले बार बारी छेकिएको प्रेमकथा ।।
प्रेम गरी रुदैरुदै जुनी फाल्यौ भन्ने लेख ।
सिलाजुमा छाप्या होस भेटिएको प्रेमकथा ।।
वियोगीको पानाहरू च्यातिएर गए पछि ।
यदाकदा भेटीयोस टेकिएको प्रेमकथा ।।
छट्पटिदै मर्न लागें तिमी बाँच्नु बैगुनी ,
मेरा चाह मारे पनि आफ्ना साँच्नु बैगुनी ।
पलाएको माया छाडी अन्तै गर्यौ मलजल,
त्यहि मायाको मुनालाई नि भाँच्नु बैगुनी ।
घात गर्दै दुधमा बिष घोलि दिए पछि,
जिउदै छ कि मरी मनि जाँच्नु बैगुनी ।
जब घरको आँगनिमा शखं बज्न थाल्छ,
धक फुकाई घुमी घुमी तिमी नाँच्नु बैगुनी ।
धेरै सुनियो याहाँ क्रान्तिका कुरा
पढियो दर्शनका ठेलि पुराका पुरा!!
शिद्धान्तका के कुरा धेरै बुझियो
तरपनि किन याहाँ छन् सबै अधुरा!!
थाहा छ सबैलाई भन्न कठिन् भो
थोक हुन ठानेका सब रैछन झुरा!!
याहाँका परेछन् चल्ने खटनमा
अन्तनै कतै छन यीनका नि सुरा!!
कुरा ठूला छन सिन्को भाचिन्न
सदा ठान्या छन जनतालाई भुरा!!
मर्यो आमा तिम्रो छोरो खोज्न कहीँ गा'को छैन,
सबै कुरा थाह पाइयो भन्न केही भा'को छैन ।
आफ्नो स्वार्थ पुरागर्न देशमै आगो झोसिदिदा
कति मरे निर्धाहरु देशमा शान्ति छा'को छैन ।
मातृत्वको अस्तित्वमा हिलो छ्याप्न रोक्दा खेरी
मरेका छन धेरैजना आत्म शान्ति पा'को छैन ।
मिलेको त्यो समाजमा झगडाको बिउ छर्दा
आँगनिमा लास पर्दानि हेर्न कोहि आ'को छैन ।
कर्मको फल भाग्नु पर्छ झार्नु हुन्न तिम्ले आँशु,
एक मरे सय्यौँ बाँच्छन् पछुतो केही ला'को छैन ।
