साह्रै मन पर्याछ पल्लो गाउकी कान्छीलाई
जवानीले भर्याछ माया लाउकी कान्छीलाई
गाइ चराउन रानी बन एक्लै झर्छिन रे...
कुरा गर्न मैले नै उतै जाउकी कान्छीलाई
भञ्ज्याङैको बाटोमा आउने जाने गर्छिन रे
हाइ हेल्लो गरेर आजै आउकी कान्छीलाई
मिरमिरे को उषामा उन को मुहार हेर्न
सन्त जोगी बनेर सधैं धाउकी कान्छीलाई
घर बारै रसौला... नत्र बुढो कन्या बसौला
ज्यानैसुम्पी दिए है त्यही ठाउकी कान्छीलाई
बसन्तको बहार संगै, आउने अनगिन्ति रहरहरु
पुरा गर्न नपाउदाँ नै, बित्ने कठिनतम्...प्रहरहरु॥
अतित भएर गै सके, र पनि छैन छोडेको पिछा
अझै पनि बर्षदैछन्, याहाँ उत्पात संग कहरहरु॥
परिवारलाई छाडेर, जागेर आएको तृष्णा मेटन
गाउँ-बस्ति उजाड पार्दै, चले मानिसका लहरहरु॥
मुस्किल पर्ने जहाँ पनि, बाँच्न सोझा-साझाहरुलाई
शहरमा आएर पनि, प्युदैछन् नजानिदो जहरहरु॥
जहाँ गएनि आखिरमा, ठगहरुकै त छ बिग-बिगि
सरलक्कै डुबेका छन्, बेइमानिमा याहाँ शहरहरु॥
मायाप्रेम भन्ने पनि सञ्जोगको कुरा रैछ
फुटेपछि नजोडिने सौभाग्यको चुरा रैछ
देउरालीमा चढाएथ्यौ सपनाका फूलहरू
बर्षौ पछि गई हेर्दा मात्र केही झुरा रैछ
जीवन देथेँ मैलेभने मेरा लागि तिमीसँग
खोकिलामा लुकाएको धारिलो त्यो छुरा रैछ
आफूभन्दा पनि धेरै तिम्रा लागि बाँचेको छु
तिमीलाई भने प्यारो सुन्दरी र सुरा रैछ
कृपा धेरै भगवानको मैमाथि परेको छ
थोरैथोरै अरूलाई मलाई दुःख पूरा रैछ ।
घरी घरी चोट खप्दा अचानो झै भएको छु
आँफै सँग टाडा हुँदै बिरानो झै भएको छु !!
आँशु भित्र बगी सके चुर्लुम्मै छु बेदनामा
सुकाएर अश्रुधारा ओभानो झै भएको छु!!
हुतीहारा समाजको मतीमारा मान्छे म त
बेगारी ति फलानो र चिलानो झै भएको छु!!
अब्जसे भो कर्मै मेरो दोष खेप्ने मेरै थाप्लो
दुनियाँको नजरमा अखानो झै भएको छु !!
सक्दिन म उम्रन त नपचेर ढुकुरले
डाली बाट बिस्टाएको त्यो दानो झै भएको छु!!
कोपिला मै झरे फुलको के अर्थ ।।
बद्नामी नै गरे कुलको के अर्थ ।।
तिर्खाउदा प्यास मेटाउने पानी
बर्खायामै सुके मुलको के अर्थ ।।
दोष मात्र दिइर'ने माफी माग्दैछु
सधैं दोषी एकै भुलको के अर्थ ।।
मन्मा आधी चलेछ बिहोशी छु म
एकान्त हो कुनै हुलको के अर्थ ।।
जे कोरे नि हुन्छ केवल सादा पाना हुँ म
धुन बिना रचिएको हेर् आधा गाना हुँ म
मिल्दैन साहारा मेरो आँगनीमा भर नपर
भत्किएको घरमा अल्झिएको छाना हुँ म
किन गर्छौ लेखाजोखा मेरै मुटु जल्ने गरी
यसै भाकामा साटिने पुरानै ति माना हुँ म
जस्तो आकार देउ जस्तो रङग सजाउ लौ
तिम्रै कलाले बुन्दै लाने आखिर् ताना हुँ म
रंग छर्ने माया गर्ने होलीको मज्जा बेग्लै
प्रतिक्षामा बस्नु पर्ने भोलीको मज्जा बेग्लै
मिठो मिठो उन्को कुरा सुनेरै जाउँ लाग्छ
लजाउदै हाँस्दै बोल्ने बोलीको मज्जा बेग्लै
यौटा मात्रै मौका हो यो जीवन भरी लाई
लगन मा चढी जाने डोलीको मज्जा बेग्लै
भेट्न भनी मायालु ले कोशेली ल्यायो होला
कोशेली ले भरिएको झोलीको मज्जा बेग्लै
शहर तिर खुशी लीई आई पुग्यो रे सबै भन्छन होली ।
गाउमा त अझैपनी त्यहा चल्दैछ रे सबै भन्छन गोली ।।
बषौ दिन मा एक दिन आउछ हर्ष बोकी घर घर मा ।
थोरै मान्छेले खेल्दै छनरे खुशीसाथ रङमा पानी घोली ।।
जता तातै बम बारुद गोला पड्किएको आवाज सुन्दा ।
धेरै मान्छे त्रसित छनरे जीवन मरण आज होकी भोली ।।
अचेल मैले होस् हराएं रे ।
निंद्रामा मध्य रात कराएं आर ।।
बोलिन सत्य तथ्य नजानी त्यसै ।
आरोप लाग्यो ब्यर्थ डराएं अरें ।।
हाँसेर बोली भला कुसारी गर्दा ।
आँखैमा राखी मन पराएं अरे ।।
लगाइ तन्त्र मन्त्र मोहनी मैले ।
उनको मन यता सराएं अरे ।।
रगतले पोतिएका निर्दोस यो माटो हेर्यौं ।
दीपशिखा जलाएर शान्तिकै'ती बाटो हेर्यौं ।
शान्ति पूर्ण राष्ट्र देख्न कहाँ पायौं र हामीले
कठै! क्रान्ति मात्रै यहाँ त शान्तिको साटो हेर्यौं ।
व्यक्तिगत स्वार्थ पुरा गर्नालेनै यहाँ आज
भाई-भाई बिचको त्यो अनमन,फाटो हेर्यौं ।
बिचरा!यो राष्ट्र कति सहोस र चोट पनि
जता ततै अनगिन्ती घाउकै त्यो खाटो हेर्यौं ।
