सुनाउछ समयले आतङ्कको राग सधै
लुटिदैछन् फूलहरू रक्ताम्मे छ बाघ सधै
रेटिदैछ प्रतिदिन चेतनाको घाटी यहा
लागेको छ चरित्रमा कलुषित दाग सधै
बेचिदैछ स्वाभिमान आज खुला बजारमा
खोसिँदैछ यो धर्तीमा निमुखाको माग सधै
मिचिदैछ इमान र सद्भावको साधसीमार्
गर्छन् सबै आफ्नै सुख-सुविधाको माग सधै
तिम्रो मन्को भित्री कुरा जाने भने मान्छौ कि त !
एक्ली रैछौ साथ दिन ताने भने मान्छौ कि त !
तानी चुमी भाग्छ भनी डराएछौ भित्र भित्रै
तर हैन त्यही आफ्नो ठाने भने मान्छौ कि त !
औकात् भन्दा धेरै बोल्न जान्दिन म अरु सामु
आउ झुण्ड पाखुरीमा धाने भने मान्छौ कि त !
तिम्रो हातमा जित्तै पर्छ मान्दिन यो ।
मेरो भागमा रित्तै पर्छ मान्दिन यो ।।
हार जितको अझै बाँकी फैसला त्यो ।
गैरी खेतको कित्तै पर्छ मान्दिन यो ।।
गाउुँ समाज जान्ने सुन्ने गवाही छ ।
पारी लोहोसें भित्तै पर्छ मान्दिन यो ।।
माने बलिया तिमी उस्तै चण्डाल छौ ।
बल हुँदैमा सित्तै पर्छ मान्दिन यो ।।
संघर्षको मैदानबाट भाग्नेहरु धेरै देखें
दिनेहरु भन्दा पनि माग्नेहरू धेरै देखें
सफलतामै मिल्दो रहेछ साथ आफन्तको
नहुँदा चाहिं यता-उति लाग्नेहरु धेरै देखें
गर्छन अघि मिठा कुरा बगलीमा छुरा
पछिबाट धारे हात दाग्नेहरु धेरै देखें
नसुतेरै सुतेजस्तो गर्छन यहाँ मान्छेहरु
समयको थिचाई पछी जाग्नेहरु धेरै देखें
ख्याल ठट्टा गर्दै नाता, जोड्यौ तिमीले
मिठा मिठा यादहरु, छोड्यौ तिमीले
दाया बाया नलागेको, मेरो मनलाई
मायाको त्यो जादु चलाई, मोड्यौ तिमीले
पिरतिको बिरुवालाई, न्यानो स्पर्शले
राम्रो सिप लागाएर, गोड्यौ तिमीले
जान पाउने छैनौ मलाई एक्लै बनाएर
यो मायाको चुदरीलाई, ओढ्यौ तिमीले
जनता ताक्ने सङ्गिनले, आफ्नै मुटु रोपी हेर ।
स्वार्थ देख्ने रङ्गिनले, आफ्नै आँखा छोपी हेर ।।
सामन्त लाई ढाल्नयहाँ, एक्लो सन्तान गुमाए ।
आमा रुदा हास्ने हरु, आफ्नै आशु पोखी हेर ।।
एउटा ब्वासो मास्ननपाई, फेरी तीमी जन्मियौ ।
न्याय जोख्ने तराजुमा, आफ्नै मन जोखी हेर ।।
अन्याय को बिरुद्दमा, न्याय माग्न खोज्ने लाई ।
किन ताक्छौ बन्दुकले, आफ्नै छाती ठोकी हेर ।।
पातबिना डालिको के अर्थ ।
फुलबिना मालिको के अर्थ ।।
जती घुर्की देखए नि तिमी ।
भेनाबिना सालीको के अर्थ ।।
नाता टोडी भागी गए पनि ।
हलोबिना फालिको के अर्थ ।।
जती रंग लगाए नि मान्छे ।
ओठबिना लालिको के अर्थ ।।
सारै मजा आउथ्यो उनको चोली रंग्याउदा
भांग खाएर लठ्ठ पर्दै यो बोलि रंग्याउदा
जवानीका दिनहरु उमंगकै हुन्छन अझ
पिचकारी, लोला, रंग पोत्दै झोली रंग्याउदा
मन्द-मन्द मुस्कानको साथै दिन थालेपछि
खैरो, रातो, निलो रंगहरु घोली रंग्याउदा
अझै पनि भुलीएन मनाएको साथै पहिले
आँखाहरु जुधी रहन्थे होलि रंग्याउदा
पर्खी बस्नु होली खेल्न म नि त्यतै झर्छु सानु
थोरै रङ्ग तिमी छर्नु थोरै म नि छर्छु सानु
पहिले अरुसँगै बस्छु कुरो आफैँ बुझ्नु तिम्ले
खेल्दा खेल्दै म तिम्रै अघिल्तिर पर्छु सानु
हुन्न हुन्न भन्दै पर भागेजस्तो गर्नु तिमी
म पनि पछी पछी लखेटे झैँ गर्छु सानु
सबै खेलमै व्यस्त हुँदा कसैलाई थाहा नदिईकन
मायाको प्रेमको रङ्ग बोकी तिम्रै नजिक सर्छु सानु
हाम्रो देशमा लासहरुको जुलुस हुन्छ संधैं
हर कदम खास'हरुको जुलुस हुन्छ संधैं
काम गरेनि उचित दाम पाइदैन कहिल्यै
साँझ बिहान गाँसहरुको जुलुस हुन्छ संधैं
कोहि सुत्छन् आलिसान महलमा मग्नसंग
गल्लि-गल्लीमा दासहरुको जुलुस हुन्छ संधैं
सबै धाउँछन् बिचरा हाकिमको घर दैलोमा
भित्रि मनमा आशहरुको जुलुस हुन्छ संधैं
