जे हुन्छ नियतबश हुन्छ
तब जिन्दगी सकस हुन्छ
मौरी झ्याम्मिदैनन फूलमा
झरेपछी कहाँ रस हुन्छ !?
मान्छे झुक्दैन् आफ से आफ
जो सँग अथाह यश हुन्छ
गजलहरु - पृष्ठ १२
लेखकहरू
आज फेरी एउटा चाह बल्किएर आएँ
पुरानो त्यो स्वाद सम्झी पल्किएर आएँ
तिम्रो घरको बाटोगरी झर्दै थिए बेसीतिर
जुन जस्ता तिम्रा अङ्ग टल्किएर आएँ
सधैं ढोका खुल्छ भन्थ्यौ तर आज बन्द रै’छ
झ्यालैबाट छिर्नुपर्यो ढल्किएर आएँ
यो जोवन अन्तै साटेको भए
मै मरी जाउला ढाटेको भए
तिम्रै केशमा डोरी झै छु म
सत्य! अरुको बाटेको भए
दिलमै राख्या’छु तिम्रो तस्बिर
धरोधर्म सानु फाटेको भए
हिजो राती अर्कै सँग बस्यौ अरे हो र?
उसकै बलबाहु माझ खस्यौ अरे हो र?
रातलाई छिचोलेर सन्नाटालाई बिथोलेर
ठुलाघरको बेसी गोठमा पस्यौ अरे हो र?
म सँग चिल्ला चाप्ला कुरा गर्थ्यौ एकै नाश
उसँग नि चिल्ला कुरा घस्यौ अरे हो र?
मात्रित्वको यहाँ, उठिबास भो आमा
यो कस्तो लौन, आसपास भो आमा
हत्या र हिंसा, ब्याप्त छ सर्वत्र
बुद्दलाई पनी बनबास भो आमा
तिम्रै त्यो कोख, बिच्छेदन हुँदैंछ
गृहयुद्दको भय, सन्त्रास भो आमा
जनताको पिडा “थाल खाउ कि भात”
लिन मलाई गार्ह्रो, सास भो आमा
जात र धर्मको फूलबारी भो एकादेश
गुलाब नि आज, पलास भो आमा
गुन्जिन्छन नेपथ्यमा पिडाका आवाज
छटपटिदै देश, लास भो आमा
मात्रित्वको यहाँ, उठिबास भो आमा
यो कस्तो लौन, आसपास भो आमा
सराङ्कोटको डाँडा सङ्गै चढ्दै गर्दा मजा भयो
हात समाई उन्को नजिक बढ्दै गर्दा मजा भयो।
उकालीको यात्रा सङ्गै साथीहरु छिन्न भिन्न
सङ्गै हामी दुईको दुरी घट्दै गर्दा मजा भयो।
थाकेँ भन्दै काँखमा राखी उठाउन अनुरोध भो
बोक्ने बेला चिप्लेपछी लड्दै गर्दा मजा भयो।
हाकिम लाई घूस दिन, रुपियाँ लाइएन ।
जुत्ता चप्पल कति फाट्यो, जागिर पाइएन ।
सरकार त्यो बेश्या जस्तो, आफ्नो छैन कोहि,
प्रमाण पत्र अल पत्र भो, थोरै त धाइएन ।
जग्गाको ठुन्को बेची -बेची, मलाई पढाको,
बाउको हत्ते देख्दा यति, यो मन खाइएन ।
उमेर पनि ढल्किंदै गो, अब के को आशा,
उराँठ लाग्दो जिन्दगीमा, रहर छाइएन ।
उनको समिप भईन भने मुर्झाएर मर्छिन अरे ।
नफक्रेको थुङ्गा जस्तै कोपिला मै झर्छिन अरे।।
मेरो न्यानो स्पर्श ले,उनको आचल छुईन भने ।
होस् गुमाएर जिन्दगीभर,टोलाए झै गर्छिन अरे।।
अपारमायाले भरिएको,फुलको गुच्छा दिइनभने ।
आश मारेर क्षितीजपारी,सयौखोली तर्छिन अरे ।।
म उनको लागि बिना झरी,बादलु झै फाटे भने ।
मन मारेर जुनतारा झै,अन्धेरी मा सर्छिन अरे ।।
चाँदमय गजब्को रात भईरहेछ ।।
हल्कासा यौवन्को उन्मात भैरहेछ ।।
बाफिला बास्पले छट्पटी छट्पटी,
एउटा अलग्गै आघात भैरहेछ ।।
स्पर्स चुम्बनको अनौठो सुम्सुम्याई,
कति चुलबुले यो हात भैरहेछ ।।
लाजका आवरण खुलस्त भए पछी,
आंशिक मज्जामा हिम्पात भैरहेछ ।।
लायाको बाहुल्या प्रिती छोणीगै मैनाले ।।
पराईको शिन्दुर्या घुम्टो ओणीगै मैनाले ।।
एकलै छुँ रुल्ल-टुल्ल दुनियाँका माँझ,
आफु बाईगै मेरो मुटु फोणीगै मैनाले ।।
मेरा घर आग् लगाईगै मुकी जिउनै जलाई,
डोलि चणी अर्कै घरबार जोणीगै मैनाले ।।
मुकन भारभारका दु:ख जन्जाल्या प्रितीले,
ज्युदै मुई खाडल भित्र तिणीगै मैनाले ।।
