तिमीलाई स्व्यम्बरमा फूलकै माला दिउला प्रिय
खान्धानीको कुरा गर्छ्यौ कुलकै माला दिउला प्रिय ।
बिहेपछी मलाई कती माया गर्ला भन्छ्यौ होली
मायैमाया अजम्बरी मुलकै माला दिउला प्रिय ।
चिनोपनि हुनुपर्यो हाहाहाहा घरैभरी
भित्रबाहिर छोराछोरी हुलकै माला दिउला प्रिय ।
वारी आउ पारी जाउ गाह्रोपिरो नहोस् भनी
दुई लट्ठाले लर्काएको पुलकै माला दिउला प्रिय ।
भएको छु साच्चै म त,एउटा खाली डाली !
त्यै डालीमा फूल भएर, फूली देउन काली !!
हावा-हुरी,चर्को घामको आभास हुनै दिन्न्,
मल,जल,स्याहार~सुसार,म राख्छु समाली !!
यो दु:खीको मर्म बुझ्ने,को नै छ र याहाँ,
जता-जता खुशी छाउछ, त्यतै बज्छ ताली !!
विष पिई मर्छु भने, विष पाईएन कतै,
मर्न पनि सकिएन, भिरैमा हाम फाली !!
ल्या त बुढि कुटेलौरो दरबार हान्न जान्छू,
धेरै भुके छाडा कुकुर यिन्लाई बान्न जान्छू ।
देश बना भनेको त कपाल मात्र कना छ,
ल्या त बुढि मेरो टोपी कान तान्न जान्छु ।
मगमगाउदो बास्ना थियो अहिले गु सरि गना छ,
ल्या त बुढि मेरो बेल्चा त्यो फोहोर फाल्न जान्छु ।
जन्ता सबै भोकै राखी बजियाहरु पो ढाडिए,
ल्या त बुढि मेरो गैटी पेट फोर्न जान्छु ।
मन दुखाई किन बाच्नु म त कान्छु मरे हुन्छ
मरी छ नि बल्ल भन्दै तिम्ले उत्सब गरे हुन्छ
आफ्नो ठाउमा ठिकै छु म भन्दै तिमि हिडेपछि
किन बस्ने म यहि गाँउमा अन्तै बसाई सरे हुन्छ
सगै जाउला पारि भन्दै हात समाई लगेर नि
खोलि बिच मलाई छोडि एक्लै तिमी तरे हुन्छ
खोटो रैछ भाग्य मेरो देख्या कुरा पाईन मैले
चिता मेरो जल्न थाल्दा घाट तिर झरे हुन्छ
पवित्र यो बस्तीलाई थुकेर पो गयौ ।
बदनामी भयौ र'त झुकेर पो गयौ ।
बगाउन खोज्दा गाउँ घरलाई यहाँ
क्रुरताको खडेरीमा सुकेर पो गयौ ।
सत्यताको अगी झुट नटिक्दा तिमी
कायर झैं डराएर लुकेर पो गयौ ।
सोजा बस्ति यो नि:श्लथ पार्ने दाउ हेरी
अचम्म नै गरि तिमी भुकेर पो गयौ ।
हत्केला ले छेकिएथ्यौ मैले हात समाइ भगाउदा,
लजावती देखिएथ्यौ तीमिलाई बेहुली मा सजाउदा ।।
लगन बाधी डोली चढाइ जन्म जन्म साथ रहने,
शर्माए झै देखिएथ्यौ मैले सिउदो तीम्रो रङ्गाउदा ।।
सत्य नै हो ढाट्या होइन झुटो बोले मरी जाउ म,
परी जस्तै देखिएथ्यौ तीमिले साडी चोली लगाउदा ।।
घुम्टो खोल्दा तिम्रो आचल भरी न्यानो श्वास पाएथे,
दुलही झै देखिएथ्यौ अन्जुलीमा मैले माया उघाउदा ।।
कसैगरि नबिर्से है मनैभरि साँच्नु माया
मै मरेर गएपनि जुनिभरि बाँच्नु माया
मैले माया गर्दागर्दै तिमीलाई मन् नपरे
त्यसैबखत् म फुलेको विरुवानै भाँच्नु माया
वास्तवमै प्रेम गर्छु अभिनय गर्या हैन
शंका कुनै भएदेखि समयमै जाँच्नु माया
किन किन सकिननि तिम्रो मन जित्न मैले
रोईदिन्छ आत्मा मेरो भैगो तिमी हाँस्नु माया
समय आउछ पर्खदैन ,बगेको खोला फर्कदैन ,
साथीहरुलाई देखी यो सागर कहिल्यै ,तर्कदैन
कहिले मिठा कहिले तिता, कुराहरुत भई हाल्छन .
दुई चार शब्द ,भन्दैमा सागर कहिल्यै झर्कदैन !!
दु:ख सुखमा साथ् दिदा भाग्यमानी ठान्छु आँफैलाई ,
घाउहरुमा यो सागर ले नुन खोर्सानै ,कहिल्यै छर्कदैन !!
परेको बेला साथीहरुलाई जिउज्यान दिन तैयार हुन्छु
ठुला कुरा गरी थर्काउदैमा ,यो सागर कहिल्यै थर्कदैन !!
गल्ति बिना व्यर्थै चोट दियौ किन?
पछुताउँदै फेरी आँशु पियौ किन?
तिमी बिना मरी जान्छु भन्थ्यौ नि,
चोखो प्रीतको बदला लियौ किन?
कसम तोडी रम्दै-रम्दै गएका थ्यौ
तड्पी-तड्पी सम्झनामै जियौ किन?
जुनी-जुनी साथै हुन्छु भन्ने मान्छे
पराईको काखमा रम्दै थियौ किन?
निर्दोष मेरो दिल जलाएर गयौ तिमी
जिउदो लास सरि ढलाएर गयौ तिमी
जीवन भर संगै बाच्ने संगै मर्ने भनि
जलाई आशा मलाइ छलाएर गयौ तिमी
देउता सरि पुजी मुटु भित्र राख्दा मैले
हृदय भित्र छुरा चलाएर गयौ तिमी
दुनिया सामु शिर उठाएर बाच्ने मेरा
सपना माथि आगो लगाएर गयौ तिमी
