रातो गुलाब् हातमा हुन्छ कस्तो मोरो रै'छ भने
मैयाँ सधै साथमा हुन्छ कस्तो मोरो रै'छ भने
काँ काँ जान्छ के के गर्छ लबस्तरी ठिट्टो बन्दै
लाली जति माथमा हुन्छ कस्तो मोरो रै'छ भने
अनेक् स्वाँङ पार्छ बाबै धुर्तै रै'छ यो केटो त
जाली रुमाल् गाथमा हुन्छ कस्तो मोरो रै'छ भने
जो भेटे नि "मेरी रानी कति राम्री"भन्ने कुरा
ठेक्कै जस्तो वातमा हुन्छ कस्तो मोरो रै'छ भने
देख्नलाई सोझो देख्छ कान्छो छोरो दिनैभरि
चर्तीकला रातमा हुन्छ कस्तो मोरो रै'छ भने
मरिजाने शहिद भए, घाइते आमाका काखहरुमा
कहिले आउला शुभ दिन, यो धर्तिका पाखाहरुमा ।।
माथि माथि हेर्दैछन्, केहि होलाकि भन्ने आशमा
कहिले आउला तेज चमक, लोलाएका आखाँहरुमा ।।
जता जाउँ भेटिदैछ, अन्योलता र उकुस-मुकुस
कहिले होला गाउने गीत, उन्मुक्तिका भाखाहरुमा ।।
द्वेस क्लेस दुर्भावनाले, घर याहाँ गरेका छन्
कहिले होला आउने एकता, जातजातिका शाखाहरुमा ।।
मरिजाने शहिद भए, घाइते आमाका काखहरुमा
कहिले आउला शुभ दिन, यो धर्तिका पाखाहरुमा ।।
मुटु हुँदै रगत बग्छ, रगत जमाई रेट्यौ ।
गरी खाने बबुराको, चोखो कमाई रेट्यौ ।।
धर्मको के कुरा गर्नु, तिमी जस्ता पापीले ।
गरिबलाई नाना-चाचा, पापा थमाई रेट्यौ ।।
अचम्मको बानी तिम्रो, तातो रगत पिउने ।
जति रोयो मानवसिकार, झनै रमाई रेट्यौ ।।
हिसाब छैन रेटिनेको, तिम्रा खुनी हातबाट ।
'जदौ' गरेन भेट हुँदा, भुन्टे दमाई रेट्यौ ।।
ठाँडो भयो भाँडो पनि, जब पूरा भयो काम ।
टाउकामाथि बोक्नेको, टुप्पी समाई रेट्यौ ।।
परदेशीलाई धुरु धुरु रुवाएर गयो दशैं
घर सम्झी आँशु मात्रै चुहाएर गयो दशैं
अर्चना र पूजा आजा टिका टाला भन्दै
सजाएका सपना हरु तुहाएर गयो दशैं
जसरि नि रीति रिवाज चाड मान्नु पर्दा
नहुनेलाई ऋणैऋणमा डुवाएर गयो दशैं
जमे होलान जुवा ताश खाल कति कति
हुनेहरुलाई मीठैमीठो खुवाएर गयो दशैं
दिन महिना बित्यो बित्नेछ साल पनि ।
हेर्दै जवानी लाग्यो बुढेस काल पनि ।।
फुल्यो कपाल सेतै हरायो रस रङ्ग ।
आँखा कम्जोर फुस्रो चौरियो गाल पनि ।
हुनु नहुनु भयो दायित्व पुरा गर्दा ।
चुड्यो बलियो आँट उध्रियो खाल पनि ।।
खेदो खनेर मेरो केकेन गर्छु भन्थ्यौ ।।
देखें हजुर तिम्रो सप्रेको चाल पनि ।।
बैश छ्दा... फुलाउने सबको लागि माली भए ।
बैश जादा.. बेमौसमी सबको लागि बाली भए ।।
तन भरी यौवन... चढी जवानी ले मस्त हुँदा ।
गाउ गाउमा बोलाउने सबको लागि साली भए ।।
मेरो रुप को लाली चोरी इन्द्रेणी ले रङ्ग भर्दा ।
थुङ्गा हरु फक्रिए झै.. सबको लागि डाली भए ।।
रस चुसी फ्याके पछी ओइलिएको फुल जस्तै ।
जवानी यो ढल्किएछ सबको लागि काली भए ।।
लाग्न थाल्यौ तिम्रा शब्द, ब्याधाको त्यो तीर जस्तै
कोमल यो हृदयमा, रोपिएका झिर जस्तै
ढुङ्गै जस्तो मन रै छ, चिनेनौ त चोखो माया
ठाँउ नराखि भन्यौ पापि, सधै लाग्छ पिर जस्तै
ससांरलाई बदल्ने त्यो, खुबि छ कि भन्ने ठाने
कायर अनि तुच्छ सोचाई, किन मान्नु बिर जस्तै
पिडा हुदा अतासिदै, शिर राख्ने तिम्रो छाति
त्यहि छाति आज भोलि, लाग्न थाल्यौ भिर जस्तै
नेता गिरि गर्दै मन्चमा भुक्नेलाई सलाम
नछोड भाई भन्दै आफै लुक्नेलाई सलाम
भ्रस्टाचारी छोड्नु हुन् ल्याउ खोज साथी
देशको बिग्रदो हाल देखेर दुख्नेलाई सलाम
कालोबजारि गर्दै धन जम्मा गर्ने कता लुके
फताहाहरुलाइ पिट्न बाटो ढुक्नेलाई सलाम
नलडेरै युध्द यहाँ जीत खोज्दैछु म ।
आफ्नै भाषा संस्कृतिको गीत खोज्दैछु म ।
सबै छन् नयाँ नौलो कोही छैन आफ्नो,
नाता गाँस्न आज यहाँ मीत खोज्दैछु म ।
पीर ब्याथा मुटू माँझ सँधै संगालेर,
तिम्रै खुशी तिम्रै लागी हित खोज्दैछु म ।
आशा अनी अभिलाषा पाली मनै भरी,
शुबः हुँदै हराई जाने शित खोज्दैछु म ।
हिजो यहि मान्छे विशेष थियो आज धरातलको कुरा गर्छौ
जब दिदादिदा रित्तिसके म अनि बल्ल जलको कुरा गर्छौ
तिमीलाई पाउने बहानामा सबै गुमाईसकेको मान्छे म त
मैले दिनै नसकिने किन ती दरबार महलको कुरा गर्छौ
जे भनेनि आखिर तिम्रो छोड्ने बहाना हो छोडे हुन्छ बोरु
करोडमा पनि किन्न नसकिने किन तलतलको कुरा गर्छौ
मेरो मात्र ईज्जत जादैन बदनाम त तिमी पनि उस्तै हुन्छौ
यस्तो उस्तो दुनिया हल्लाउने किन हलचलको कुरा गर्छौ
