आँगनिमा पञ्चेबाजा, बजाउने दिन आएन त
रातो साडि घुम्टोले खै, सजाउने दिन आएन त
उनकै हात समातेर, साथ लागि गए पछि
घुँटो खोल्दा नयन झुकाई, लजाउने दिन आएन त
सगिं सँग मेरै उनि, सबैभन्दा राम्रो भन्दै
उनकै नाम चारै तिर, भजाउने दिन आएन त
चुरा पोते टिका अनि, सिन्दुरले सिउदो भर्दै
मै राम्री भै अरु संग, दजाउने दिन आएन त
दु:ख सु:ख जिन्दगीमा, पर्छ मेरी सानि भन्दै
मुस्कानले मन लुट्दै, कजाउने दिन आएन त
सुन्दर त्यो हिमाल पनि, दुई तिर पर्ने भो रे
झरनाको पानि झर्दा, बाडिएर झर्ने भो रे
हिजो सम्म हाम्रो भन्थ्ये, गर्न थाले तेरो मेरो
तानातानि गर्दा खेरी, स्वाभिमान पो मर्ने भो रे
बस्नै डर लाग्न थाल्यो, थकाई मार्ने चौतारीमा
पहिला माया गर्ने मान्छे, आज दागा धर्ने भो रे
धमिलोमा माछा मार्ने, निहित स्वार्थ भएकाले
आँखा भित्र छारो हाल्दै, अधिकार सब हर्ने भो रे
मिलि जुलि बसेकालाई, समाजमा लडाउदै
राष्ट्रियता मार्नेले नै, राजनिती गर्ने भो रे
यता हेर्यो यतै मेरा नजर्मा राम प्यारा छन्
उता हेर्यो उतै मेरा नजर्मा राम प्यारा छन् ।
यसो भन्छौ त फल्फुल्मा उसो भन्छौ त जल्थल्मा
जता हेर्यो उतै मेरा, नजर्मा राम प्यारा छन् ।
त्रिलोक चौधै भुवन् माहाँ प्रभु प्यापक जहाँ ताहाँ
कहाँ सम्मन भनूँ याहाँ सबैमा राम प्यारा छन् ।
रसीलो रामको नाउ भजन् तिन्को सधैं गाउ,
दरस्मो हर्बखत पाउ दयालू राम प्यारा छन् ।
यति सम्म प्रीति गरी गरी न यता भयें न उता भयें,
नत मन् लियें नत दीदियें न यता भयें न उता भयें ।
नत होस् वासकि राखियो नत फूलको रस चाखियो,
नत याद भो नत स्वाद भो, न यता भयें न उता भयें ।
बिनु औसरै सित भेट्नू तरबार लीकन रेट्नू,
नत छिन्दिनू, नत नछिन्दिनू, न यता भयें न उता भयें ।
नत साथ बस्न सँगी भयें नत दुस्मनै सरि भै गएँ
न पुरानियाँ नत मो नयाँ न यता भयें न उता भयें ।
खरको छानो मागेको हूँ, किन बासै भुट्छौ हजुर ?
भाले मयुर मागेसरि किन् लास्टै कुट्छौ हजुर ??
बर्तमान सँग बिरक्तिएर आकाश निल्न मुख आ गर्या हो नि !,
पब्लिक ट्वायलेट मा सरि किन लास्टै मुत्छौ हजुर ??
दश नङ्ग्रा खियाएको ज्याला मात्र मागेको हो,
छुट्टै प्रदेश मागेसरि किन लास्टै चुट्छौ हजुर ??
देश लुटी थन्क्याएका ति गुप्त धुकुटी पो लुट्ने हो नि,
मै जाबो भिखारी को घर किन लास्टै लुट्छौ हजुर ??
मेरै दुःध चोरि खाई ढाडे भई हिड..सहे, माने,
तर गनउने वायुबम भै मेरै नाक छेउ किन लास्टै फुट्छौ हजुर ??
मोहनी रस पिलाउँथ्यो, खै कस्तो मात थ्यो !
आफैमा आस दिलाउँथ्यो, खै कस्तो रात थ्यो !!
भन्ज्यांग अनि जंघार काटीन्थे मुटु साटीन्थे !
लजाई बास मिलाउँथ्यो, खै कस्तो जात थ्यो !!
बतासिन्थे रहर पवन संगै मायालु मनै बाटीन्थे !
मायालु लास हिलाउँथ्यो, खै कस्तो घात थ्यो !!
ओइलिन्थे लहर बन्थे समाधि किन तनै पाटीन्थे !
नसालु खास खिलाउँथ्यो, खै कस्तो बात थ्यो !!
झस्किन्थे प्रहर चल्थे सपना जीवन किन ढाँटीन्थे !
इर्ष्यालु दास चिलाउँथ्यो, खै कस्तो हात थ्यो !!
यो देशको मुहार, फेर्नु पर्छ भन्दै हिड्थ्यो
जाई लाग्नेको गर्धन, सेर्नु पर्छ भन्दै हिड्थ्यो
चारै तिर छरीएका, बिचार अनि चाहनालाई
एकताको डोरीले, बेर्नु पर्छ भन्दै हिड्थ्यो
रात दिन समान, थियो सधै उसका लागि
लाग अघि सबैलाई, खेर्नु पर्छ भन्दै हिड्थ्यो
गर्थ्र्यो चिन्ता पराईले, देश लुछि खा'को देख्दा
जाउ नेपालि सिमाना, घेर्नु पर्छ भन्दै हिड्थ्यो
आज देश टुक्रिएर, छरपस्ट भै सक्दानि
आएन खै नयाँ नेपाल, हेर्नु पर्छ भन्दै हिड्थ्यो
तीम्रो मन्द मुस्कानको भाउ कती धेरै ।
जता ततै चर्चा चल्ने ठाउँ कती धेरै ।।
स्वर्गकी परी हौ कि रुपवती अप्शरा ।
तीम्रै मात्र पछी लाग्ने गाउ कती धेरै ।।
लजाएर ओठ टोक्दा बेहोशी नै बन्ने ।
तीमी सङ्गै जोडीएको नाउ कती धेरै ।।
शराबी त्यो नयन मा सबै झुमीएर ।
कल्पना मै हराउने दाउ कती धेरै ।।
एकैबोली बोलेथ्यौ मोहिनी त्यो बोलिले।
घायल पार्दा मुटुमा घाऊ कती धेरै ।।
सति श्रापले शिर गिरेको नहोस मेरो देश ।।
शहीदका रगतले पिरेको नहोस मेरो देश ।।
सहिष्णुता माथि धावा बोल्न लगाएर ।
एउटै आँगन मन चिरेको नहोस मेरो देश ।।
करोढौँको आष त्यो ब्यर्थै खेरनजाओस ।
शोषकहरुकै दिन फिरेको नहोस मेरो देश ।।
नहाँसून यूगले हेरी हाम्रो बेहाल यि ।
असफलको छाप भिरेको नहोस मेरो देश ।।
गुरु दक्षिणा पो चढाएछन्, देशै भेटी राखी
आफ्नो अस्तित्व नै जलाएछन् देशै भेटी राखी
किन याँ जातिय राज्य खोज्छौ, यै हो र पहिचान्?
कस्तो अराजकता सजाएछन् देशै भेटी राखी
दुख्दा महाकाली हाँस्छ अरे मेची आजकाल
किन यो दुश्मनी जगाएछन् देशै भेटी राखी
विश्व बजारमा बिक्री भो रे, बुद्ध र लुम्बिनी
चिनो नेपालीको सटाएछन् देशै भेटी राखी
पुग्यो राजातन्त्र चाहिदैन, कुनै शाषक याँ
भन्दै गणतन्त्र रचाएछन् देशै भेटी राखी!
