गाउ छोडि अन्तै बसाइ सर्न मन लाग्यो ।
फट्के पुल आशु खसाइ तर्न मन लाग्यो ।।
मेरी सानु आफ्नै गाउ बेहुली मा ल्याउदा ।
घाट तिर कात्रो सजाई झर्न मन लाग्यो ।।
अन्माई उन्को डोली जन्ती फर्की आउँदा ।
गला माथि पासो लगाइ मर्न मन लाग्यो ।।
बाटो घाटो र पधेरी मा सधैं भेट हुँदा ।
वहाना को हासो बनाइ छर्न मन लाग्यो ।।
मनोमानी राज्य बाँड्ने संरचना जल्छ अब
छाती माथि संगिन् गाड्ने निंकुशता ढल्छ अब
सत्ताको नै बिलाशिता अति गर्यौ भोग चलन
राज्यकोशमा -याल काढ्ने तिम्री पुत्ला बल्छ अब
जनताको पसिनामा पौडी खेल्ने कस्तो शोख
देशद्रोही गद्दार फाँड्ने आँधी हुरी चल्छ अब
जातियता मुक्ती खोज्यौ को छ सानो ठुलो यहाँ
आपसमा जनता भाँड्ने कायरता गल्छ अब
ढाँट्नै परेपछि अरू बहानामा ढाँट्नु होला,
अहिले प्रमुख कार्यभार पूरा गर्न आँट्नु होला !
चाहिँदैन केही पनि निर्धक्क भै बाँच्न पाए,
सारा दुःख हाम्रै पेवा, सुखैसुख काट्नु होला !
मिठो खोज्या' हुँदै होइन, सागसिस्नोमै अभ्यस्त छौँ,
मह पनि खानुहोला, हात नि आफैँ चाट्नु होला !
हिजो, आज चलेजस्तै भोलि नचल्न नि सक्छ,
अरू छाडी संविधानका बाँकी पोया बाट्नु होला !
जिन्दगीमा धेरैधेरै घात-प्रति-घात खाइयो ।
त्यसैसित वेदनाका खातमाथि खात खाइयो ।।
मान्छेलाई के दोष दिनू?दैवै निष्ठुर हुदो रै'छ ।
भाग्य लेख्ने त्यो पापीको,अग्घोर खुनी हात खाइयो ।।
हृदयमा सजिएका इन्द्रेनीझैँ सपनाहरू ।
टुटेपछि ती सपना मुटु घोच्ने रात खाइयो ।।
घामको मुखै नदेखी जिन्दगानी ढल्ने भो ।
जुनीभरि कालो बादल,असिना र वर्षात् खाइयो ।।
उम्रन्दै फुस्रोपात मा, हुर्किएको देखे ।
घमण्ड अहमता मा, फुर्किएको देखे ।।
दुईदिन को साईनोगास्दै, स्वार्थ लुटी ।
उही तिरै पाखुरा पो, सुर्किएको देखे ।।
खुट्टातान्दै अरुलाई,तल झार्न खोज्दा ।
थाहै नपाई आँफै पो, गुर्किएको देखे ।।
ताक परे तिवारी नत्र, गोतामे चाल ।
हात जोडी सबै सँग, घुर्किएको देखे ।।
ईज्जत पक्कै जान दिन्न, सबै मिलाउदै छे तिम्री सानि
टालो माथि फेरी टालै, हालि सिलाउदै छे तिम्री सानि
प्राण मात्र धान्ने हो नि, मिठो दाल भात चाहिदैन
ढिडो खान पुग्दैन त, खोले पिलाउदै छे तिम्री सानि
जाल झेल गरी खोसी, खाको त्यो पारीको खेतबारी
फिर्ता गरी खनजोत, गराई जिलाउदै छे तिम्री सानि
सधै औशि रहदैन घुम्दै, आउछ नि त्यो पुर्णिमा नि
लुटिएका ति अधिकार, दिलाउदै छे तिम्री सानि
जमरा र आशिर्बादको, सार मिलोस यो दशैँमा ।
हत्या हिंसा अराजकको, पार मिलोस यो दशैँमा ।
थाल भरि टीका सुकाई, प्रदेशिलाई कुरि बस्ने,
बा आमालाई चयनको, भार मिलोस यो दशैँमा ।
हुँदा खाने र हुने खाने, बिचको यो असमानता,
समयको जन्जीरलाई, हार मिलोस यो दशैँमा ।
बिखण्डनको बाटो रोज्ने, हाम्रो देशको शासकमा ।
एकता र सदभावको, धार मिलोस यो दशैँमा ।
देखेर रुप उनको मलाइ, गजल कोर्न मन लाग्यो ।
गुलाब झै उनको बैश भरि, मलजल गर्न मन लाग्यो ।
हास्दा उनि हिमाल झै, नाच्दा मयुर जस्ति ।
सलसल परेको नाग्बेलि कपाल, कोर्न मन लाग्यो ।
मख्मलि चोलि मा कति राम्रि, लालिगुरास जस्ति ।
आखा भरि राखि सधै, पल पल हेर्न मन लाग्यो ।
रिसाउदा म नरिसाउने उनि, फ़ेवा ताल जस्ति ।
सुसाउदै सेति झै संगै ,कल कल झर्न मन लाग्यो ।
आफु भित्र खोटै खोट छ, महशुस गर्ने कस्ले
अरु लाई कति चोट छ, महशुस गर्ने कस्ले
बिग्रे बाटो भत्के पुल, दु:ख पाउने जनताले
नेता लाई भोटै भोट छ, महशुस गर्ने कस्ले
न्याय माग्ने पिडितहरु, उल्टै सास्ति खेप्छन
बिपक्षमा कालो कोट छ, महशुस गर्ने कस्ले
देख्नेलाई पो हाई सन्चो छ्, परदेशी जिबन
दर्द छ कि नोटै नोट छ, महशुस गर्ने कस्ले
यो ज्यान लान ताक्छौ तिमी,गरि खाने आली खै त ?
त्यो परको सबै भन्छौ ,मेरा लागी खाली खै त ?
रक्त चन्दन तस्करको जोडा भइ कमायौ कि!
पल्सर मोटर देखे तर जोती खाको फाली खै त ?
गङ्गा टिस्टा ताज महल कुरा ल्यायौ पिरतीमा
त्यती ठुलो पर्दैन नि!शीत छेल्ने पाली खै त ?
घुटु घुटु थुक निल्यौ बैशे मेरो लाली हेरी
बगैचा पो नजिक देख्यौ ,तिम्रा लागी ढाली खै त ?
