ढुकढुकी त चल्दैथ्यो मर्यो भन्दिएछौ
कोरोधीले ठुलै पाप गर्यो भन्दिएछौ
समचार सुन्नेहरू छक्क परे सबै
दुःख दिने पापी नर्क सर्यो भन्दिएछौ
हुन पनि नभएकै झूट फैलाएर
अधर्मी त कुहिएरै झर्यो भन्दिएछौ
पिरतीको झुटो खेल यस्तो हुदोरैछ
रुवाएर समुन्द्रनै तर्यो भन्दिएछौ
बिदेशमा भेट भाको थियो हाम्रो कतै
भनी ढाटी कुनै झेल्मा पर्यो भन्दिएछौ
रात रात जस्तै छैन जीत कतै सिए देखि काली !
बात बात जस्तै छैन प्रीत कतै जिए देखि काली !!
चुप चाप थिए हाम्रो माया कति मिठो थियो यहाँ !
मात मात जस्तै छैन शीत कतै पिए देखि काली !!
बन्द ओठ थिए हाम्रो प्रेम कति चोखो थियो यहाँ !
जात जात जस्तै छैन मीत कतै लिए देखि काली !!
एक मन थिए हाम्रो फुल कति शान्त थियो यहाँ !
पात पात जस्तै छैन रीत कतै दिए देखि काली !!
मुटु मुटु थिए हाम्रो सँधै बग्थे प्रेमका रस यहाँ !
घात घात जस्तै छैन हीत कतै खिए देखि काली !!
मुटु पिच्छे मायाको नि बेग्ला बेग्लै भाउँ हुन्छ
बाहिर खाटा देखिए नि भित्र दुख्ने घाउँ हुन्छ
मझधारमै डुब्न सक्छ मर्ने बाच्ने ठेगान हुन्न
जसको पाउँमा एकैचोटी दुइ वटा नाउँ हुन्छ
पनि जस्तै तल तल बगी जाने माया हुन्छ
मायाको त्यो अन्नपुर्ण, जीवहरुको माउँ हुन्छ
दिनु पनि लिनु पनि सबैथोक हुन्छ भन्छन्
कहिले हार्ने कहिले जित्ने मायालुको दाउँ हुन्छ
अन्जुलीमा पुष्प हार निधारमा टिका हुन्छ
काँडा टेकी रगताम्य कठैबरा पाउँ हुन्छ - !!!
विना सित्ति नेपाल बन्द आन्दोलन किन हो?
चोक चोकमा टाएर बालि पुत्ला दहन किन हो?
दिन दहाडै हत्या अनि गुण्डा गर्दी चल्छ देशमा
जन्ताको नैसर्भिक अधिकार हनन किन हो?
यै देशका सन्तति हौ, बुझ ओए सासकहरु
मर्ने अनि मार्ने कार्य झन-झन किन हो?
आमालाई लात मार्दा सराप्ला ति आँशुले
चक्काजाम राँके जुलुश दन-दन किन हो?
कोपीला मै ओइलिएर झरे भनी नरुनु है।।
समयले अन्तै बसाई सरे भनी नरुनु है।।
दुई दिने जीन्दगी हो हाँस्नु पर्छ पीडामा नी,
मैले यता आफ्नै खुशी गरे भनी नरुनु है।।
हाँसी खुशी बाँच्नु तिमी कतै एक्लै भूमरीमा,
सुख खोज्दै तिम्रै लागी परे भनी नरुनु है।।
आफ्नै इच्छा चाहनाको बिजहरु हत्या गरी,
रमाए रै तिम्रै झोली भरे भनी नरुनु है।।
लुकी लुकी कती भेट्ने, अब आटौ कान्छी ।
यो समाज तगारो भो, डाँडै काटौ कान्छी ।।
जिन्दगी भर नचुडिने, चुडाउन नि नसक्ने,
यो मायाको डोरी अब, लामै बाटौ कान्छी ।।
सिसा जस्तै पारदर्शी, माया बनाउनलाई,
तिमी मेरो विचको बाक्लो,पर्दा फाटौ कान्छी ।।
कसैको डर मानी मानी, कती हिड्नु हामी,
अब धक फुकाएर नै, माया साटौ कान्छी ।।
म भूगोलमा मेरो सिङ्गो देश खोज्दै छू ।
याहा पिज्जा र बर्गरमा मेरो परिवेश खोज्दै छु ।।
छ रेतको खेत अनि कङ्क्रीटका बारिहरु तरपनि
किन हो किन म कोदो धान र लालीगुँराश खोज्दै छु ।।
म पप,रिमिक्स र र्यापमा झ्याउरे गीत खोज्दै छू ।
रोड साईडका आयरन रेलिङ्गमा चिसो शित खोज्दै छू ।।
मेट्रो स्टेशनको भिडभाडमा छड्के सलाम खोज्दै छु ।
म सिनेमा हलका पोस्टरहरुमा राजेश हमाल खोज्दै छु ।।
म कोट प्याण्टका रयाकमा सुरुवाल र आस्कोट खोज्दै छू ।
यि खजूरका क्यू मा पिपल बोट खोज्दै छू ।।
बिकासको काम छोडि, कुर्सीमात्रै ताक्छ्यौ नेता
देश चलाऊने हुती छैन, बिदेसिलाई डाक्छ्यौ नेता !!
घुस्खोरी, भ्रष्टचारी सबै यहाँ एक नम्बरका ठुला
सबैकुरा पर्दाबाहिर छ, किन लाज ढाक्छ्यौ नेता !!
गाउसहर बनाउन जितायथे, अमुल्य समय खर्चियर
मोजमस्तीमै बितायौ दिनहरु, अबकहिले थाक्छ्यौ नेता !!
सुन्दर शान्ता बिशाल, सगरमाथाको सिर भाको
मेरो देश नेपालको, इजत किन फाक्छ्यौ नेता !!
छोप्दैमा देह पहिरनले, छोपिन्छ र चरित्र त्यो ?
बटार्छ मुन्टो दु;ख पर्दामा, भन्छ र कस्ले मित्र त्यो ?
खोज्दैछौ कँहा देवता तिमी, मन्दिर र मस्जिदमा,
झाकेर हेर, बाहिर हैन, आफ्नै मनको भित्र त्यो !
बिटुलो पार्यौ निष्ठुरी तिम्ले, चोखो आत्माको सम्बन्ध,
छर्केर अब सुन-पानी फेरि, हुन्छ र पवित्र त्यो ?
नाटक रच्यो दैवले कस्तो, मुटु दियो माया बिना,
आखिरी रैछ जिवन यौटा, विचित्र चलचित्र त्यो !
फुल्न खोज्दै कोपिलामा, मर्न लागे फुल हरु ।
तर्न नपाई नै लगाए का, झर्न लागे पुल हरु ।।
पर्खि बसे एकान्त मा, आउछु भनी नआउदा ।
मन भरी नै सजाए का, खस्न लागे तुल हरु ।।
न्यानो स्पर्श को कसिलो, त्यो अङ्गालो मा ।
रम्न नपाई माया का, सुक्न लागे मुल हरु ।।
हुन्छ भन्दै तीमि ले नै, मुटु मेरो टुक्र्याउदा ।
मलाई हेरी जता ततै, हास्न लागे हुल हरु ।।
