के कारण सब वार्ता, रोकियो नेता ज्यू
निर्धा भिडाई मार्ने दाउ, हो कि यो नेता ज्यू
यहाँ जस्ले जस माथि, जे गरेनि छुट छ
हिजोको त्यो हत्यारा नि, चोखियो नेता ज्यू
जटिलता थप्दै जनता, उराल्छौ सडकमा
उपलब्धि बिना रगत, पोखियो नेता ज्यू
बिश्वासले तिमीलाई, सभासद बनायौ
कौडिकै भाउमा भोटलाई, जोखियौ नेता ज्यू
काक्रो बनाई देशलाई, पार्दै छौ रे चिरा
भन कुन राज्य कसलाई, तोकियो नेता ज्यू
आकाश् बन्छु म तिमी जून बन्नु है !
रक्तनली बन्छु म खुन बन्नु है !!
चर्के मेरो जिन्दगी उदासिए मन,
सारगीँको सुमधुर् धुन बन्नु है !!
पुष् माघको मुटु ठिर्याउने जाडोमा,
हेर म काप्न सक्छु ऊन बन्नु है !!
एक्लो जीवन् आफैँलाई खल्लो लाग्दिने,
बेस्वादको हुन्छु कि? नुन बन्नु है !!
सौन्दर्य त तिमीमा छैन कत्ति कम्,
श्रृङ्गारमा सुहाउने सुन बन्नु है !!
गिटी कुटे झै कुट्नेहरु कुटिरहेछन दार्जिलिङलाई
बर्मा लुटे झै लुट्नेहरु लुटिरहेछन दार्जिलिङलाई ।
हाँस भने हाँस्दै नाच भने नाचिरहेछन सोझासाझा
कोदो चुटे झै चुट्नेहरु चुटिरहेछन दार्जिलिङलाई ।
पिल्सिएर जनता यहाँका अस्त ब्यस्त भइरहेछन
माछा भुटे झै भुट्नेहरु भुटिरहेछन् दार्जिलिङलाई ।
गिटी कुटे झै कुट्नेहरु कुटिरहेछन दार्जिलिङलाई
बर्मा लुटे झै लुट्नेहरु लुटिरहेछन दार्जिलिङलाई ।।
किनी दिउकी रेशम साडी फुलबुट्टे चोली।
लगाई दिउकी मैले पनि मोहोनी त्यो बोली ।।
तीम्रो रुप हेरी सधैं,यो मन को बान्ध फुट्यो।
बगाई दिउकी सागर जस्तै पिरती को खोली ।।
पन्धेरी को पानी जस्तै नरित्तीने जन्म जन्म।
भरी दिउकी रित्तीएको त्यो मन को नि झोली।।
आफुलाई भन्दा धेरै तन मन दिन्छु तीमी लाई।
चुल्याई दिउकी हिमाल जस्तै माया को नि सोली।।
खाऊ 'बाबु' खाऊ, अब 'राम' पनि खाऊ !
धोती हरुको जुठो बुबु - माम पनि खाऊ !
हत्यारा र दोषी लाई माफ़ी दिदै हिंड है,
बल्ल-तल्ल कमाको त्यों नाम पनि खाऊ !
बढ्ला देशको सीमा भन्या, घट्या- घट्यै गर्छ,
शिर झुकाऊदै, दुश्मनको, तारेमाम पनि खाऊ !
देश खायो मुसाले झै, कुटु-कुटु छिमेकिले,
कागज़ संगै 'बिपा'को, त्यों खाम पनि खाऊ !
बोल्ने के कति अधिकार छ ?
कि म भित्र धेरै बिकार छ ?
जे जति राखेँ प्रस्ताब त्यहाँ ।
सबैमा तिम्रो प्रतिकार छ ।
मेरो एउटै लक्ष्य हौ तिमी ।
कि म जस्ता धेरै शिकार छ ?
राख या फाल मन बाट तिम्रो ।
निर्णय जुन छ स्वीकार छ ।।
हाँस्दै आयौ, आंसु खसाएर गयौ
जिस्किरहयौ माया, बसाएरै गयौ !!
सपनिमा आई,चिमोटेर उठायौ
ओठमाथी ओठ, टसाएर गयौ !!
छट्पटिमै बितिरहेथे, चिसा रातहरु
न्यानो अङगालोमा, कसाएर गयौ !!
नसानसामा बगिरहेछ, तिम्रै माया
मुटुभित्र बासगरी, फसाएर गयौ !!
बिन्ती गर्छु एउटा कुरा मेरो बात खान्छौ भने
तिम्रो भलो चिताउने असल चेली मान्छौ भने
तिम्रै कारण आमाबाबु रोएर बस्छन कठैबरा !
मान आग्रह आशु नभै हाँसोलाई छान्छौ भने
सुध्रिहेर एकपटकलाई दुनियाँको सामु तिमी
साथीसङी आफन्तलाई आफुतिर तान्छौ भने
आएका थियौ खाली तिमी जानेछौ खाली नै
परिचय चाँही पाउनेछौ यदी केही लान्छौ भने
कोइलिको कुहु सुन्दा बनै पनि रमाइलो
तिमीलाई भेट्न पाए मनै पनि रमाइलो
चाहिदैन नरम डस्ना एक निन्द्रा निदाउन
तिम्रो काख र खुल्ला गगनै पनि रमाइलो
पर्खाउछौ मध्य घाममा आउँदैछु म भनी
पोलिदिने तब त्यो किरनै पनि रमाइलो
तिम्रै हुँ म भनी जब विश्वास दिलाउछौ
लजाउदै ढाक्न पर्ने योवनै पनि रमाइलो
भौगोलिक र जातियमा, देश टुक्रा नपारन बिन्ती ।
डाडा काडा हिमाललाई, भाग भाग नपारन बिन्ती ।।
डाफे नाच्ने त्यो भिर, लालि गुरास फुल्ने पाखा ।
दुश्मनी को सिमा लगाइ,तत मम नपारन बिन्ती ।।
सधैं बग्ने नदी नाला झरना, देशका गहना हुन ।
स्वतन्त्रले बग्न नदीइ,जथा भावी नपारन बिन्ती ।।
सयौ थुङ्गा फुलाउने एउटै, माली नेपाल आमा ।
न्यानो आश्रयदिने कोख,हारा लुछी नपारन बिन्ती ।।
