मेरो नेपाल मेरो नेपाल
गौरव गर्दै छाती खोली भन्छु मेरो नेपाल
सुन्दर छ , शान्त छ अनि छ विशाल
मेरो नेपाल मेरो नेपाल ।
मुस्कुराउंदै मेरो हिमाल हिउँको गीत गुन्गुनाउंछ
पहाडभरी भमराले गुराँसमा भुन्भुनाउंछ
सुनकै मुद्रा बनि अन्न तराईमा छुन्छुनाउंछ
मेरो नेपाल मेरो नेपाल ।
अमृतको धारासरी हिउँचुलीको पानी झारी
झरना छाँगा खोला हाँस्छन यो देशलाई स्वर्ग पारी
शान्तीको हावा चल्दा हिंसा भाग्छ हिम्मत हारी
मेरो नेपाल मेरो नेपाल ।
