दिन ढल्यो, रात छायो, उनकै याद आयो ।
एक्लै-एक्लै अँधेरीमा, यो तन छट्पटायो ।।
हेर्छु फोटो मध्यरातमा, टुकी बत्ती बाल्दै,
विछ्यौनामा ढल्छु फेरी, सिरानी अंगाल्दै ।
मिलनका ती आशाहरु, आशा मै बिलायो ।
एक्लै-एक्लै अँधेरीमा, यो तन छट्पटायो ।।
निदाउदैनन् नयनहरु, बर्बराउछन् ओठ ,
झर्छ आँशु सम्झी-सम्झी, विछोडका चोट।
चोटै चोट्ले घायल् मुटु, कुटु-कुटु खायो
एक्लै-एक्लै अँधेरीमा, यो तन छट्पटायो ।।
दिन ढल्यो,रात छायो, उनकै याद आयो ।
एक्लै-एक्लै अँधेरीमा, यो तन छट्पटायो ।।
