मैले तिमीलाई मन पराएँ
पत्यार गरेनौ
तिमीलाई माया गरे
पत्यार गरेनौ
तिम्रा दुःखहरूमा दुखे
त्यो पनि पत्याएनौ
तिम्रा पौरख र प्रगतिमा गीत गाएँ, नाचे
अहँ त्यसलाई पनि विश्वास गरेनौ
तिम्रो नाम लेखे बाँसमा, ढुंगामा, दलिनमा
घरका भित्ताहरू र खाली ठाउँ जताततै
तिमीलाई देखाएँ एकदिन
तिमीले सब नाटक हो भन्यौ
तिमी दृष्टियुक्त दृष्टिविहीन बन्यौ
अविश्वासमा बानी पर्दै गयो तिमीलाई
तिम्रा अपमान र कैयन् लाञ्छनाहरू
कति छिट्टै तिमी हिमाल भयौ - 'अविश्वास' को
शनैः शनैः तिमीले स्वयंलाई अविश्वास गर्यौ
तिम्रै आँखा अघिल्तिर म मरेकी थिएँ
त्यसलाई पनि अविश्वास गर्यौ
प्रिय राजकुमार !
प्रेमलाई अविश्वास गरेदेखि मेरो मृत्युसम्म
तिमीले जगत र चैतन्य मात्र हैन
स्वयंलाई पनि अविश्वास गर्यौ - !
Neeta Kc द्वारा रचना गरिएका अन्य लेखहरू
अन्य नेपाली कविताहरु
अन्य नेपाली लेखहरू
विश्वास धेरै गरियो, नीतिका कुरा धेरै सुनियो (गजल) (Shailendra Kr. Thapa)
सधै बिश्वास गर्ने भए दिप दर्शन तिम्रै (गजल) (दीप दर्शन )
अबिश्वासको खाडलमा, खसि सके पछि (गजल) (Shanti Adhikari)
गिदी को स्वाद (लघुकथा) (Rita Singh)
सन् २०१२ मा विश्वको अन्त्य होला त ?? (अन्य लेख-रचना) (Amrit Dhakal)
