यो म नै हुँ त?
हो त
म छामछाम् छुमछुम गर्छु
सबै सबै अङ्गहरु सग्लै रहेछन्
म त क्षतविक्षत थिएं
कसरी कसरी पुर्ण र सग्लो भएछु
हिजो सम्म म यहि क्षत् विक्षत् शरीरलाई
लाशहरुको थुप्रोमाथि चढाउंदै थिएं
लाश पनि थरीथरीका
कुनैको हात थिएन
कुनैको आँखा
कुनैको मुटु थिएन
त कुनैको खुट्टा थिएन
लाशहरुको थुप्रो माथि
तानशाह हांस्दै थियो
म तिर अदम्भको
अस्त्र फ्याँक्दै थियो
बोल्न डराउंथें
हेर्न डराउँथें
श्वासप्रश्वास सम्मको समस्या
हिड्नु,जंजीर तोड्नु त परका कुरा हुन्थें
एकाएक ति लाशहरु उठे
बोक्सीको आरोपमा आँखा झिकिएकीले
एक जोर आँखा
तानशाहबाट मारिएको पत्रकारले
एक जोर हात
क्रान्तिको पथमा लम्किदाँ
खुट्टा भाँचिनेले
एक जोर खुट्टा
अनि मृत्युसंग नडराउने
सहीदले मुटु दिए
सबै सबै पाएं मैले
अब म सग्लो भएको छु
विचारशिल मष्तिस्क छ
क्रान्तिकारी अनि निडर भएको छु
अब मैले हेर्नु छ
बोल्नु छ अन्याय बिरुद्द
त्यो तानशाह बिरुद्द एउटा
लडांई छेड्नु छ
ती लाशहरुको सम्मानर्थ
देशको परिवर्तनको लागि
यस्तो देश बनाउनु छ
जहाँ मानिसहरु स्वतन्त्र होस्
स्वतन्त्र आफ्नो विचार राख्न सकोस
हिड्न पाओस,बाँच्न पाओस
न्याय पाओस
हो यस्तै देश बनाउन म
आज सग्लिएको छु...
आज सग्लिएको छु ।
Rajesh Rumba Lama (Atript) द्वारा रचना गरिएका अन्य लेखहरू
तिमीले मैले प्रित लाउने, बेला आको छ (गीत)
यस्तो लाग्यो तिम्लाई भेट्दा पहिलै भेट्नु पर्थ्यो (गीत)
अन्य नेपाली कविताहरु
के लेख्नु मैले पर्यो (माधवप्रसाद घिमिरे)
गलत लाग्छ मलाई मेरो देशको बर्तमान (चैतन्य अधिकारी)
अन्य नेपाली लेखहरू
अबदेखि किन मैले गजल कोर्नु पर्यो (गजल) (Deepak Pratap Thapa)
मैले प्रित लाइन भने उनको आशा मर्छ अरे (गजल) (दर्शन योङ्हाङ लिम्बु)
एउटा मान्छेको मायाले कति फरक पार्दछ (गीत) (चाँदनी शाह)
यो देशको मुहार, फेर्नु पर्छ भन्दै हिड्थ्यो (गजल) (Shanti Adhikari)
मैले देखेको अनौठो खाली एउटा सपना थियो (गजल) (जीवराज बुढाथोकी)
