संधै झैँ आजको यो ढल्किदो साँझमा अतृप्त
यौनको प्यास बोकी मेरा पाइला अघि बढ्दै छन
ल्याक्र्याक-ल्याक्र्याक सुन्धारा,रत्नपार्क र ठमेलका गल्लि तिर.....
मलाई थाहा छ हिजो,अस्ति जसरि आजको साँझ नि
मैले मोल मोलाई गर्ने छु
आलु झैं गरेर ति गल्लि र घरको पेटीमा लाम बत्त रहेका
यौनकर्मीहरु
बास्नादार अत्तरले
चुर्लुम्म डुबेका छन् क्या
रे
एक झोकां हावासंगै त्यो मिठो गन्ध नाकमा पस्छ
म रङ्गमङिन्छु
अध्याँरा कोठाहरुमा म बन्द हुन्छु
मेरो एक् एक इशारामा
उ नग्न हुदैं जान्छे
म बासनाको खेलमा खरो उत्रिन्छु
खल्तीका नोटहरु सिध्याउंदै जान्छु
स्खलित तन् अनि रित्तिएको मन्
बोकेर जब म डङ्ग्र्ग पल्टिन्छु
त्यो बास्नादार केटी
मलाई कुल्चदैं
घृणाको एक दृष्टी फ्याँक्दै
उठेर जान्छे
उफ्,मलाई पनि अब घृणा लाग्छ
आफैदेखि अनि यो कृतिमता देखि
म अब त्यहि रातोदिन भकारो सोरेर
ठुस्स गन्हाउने
मेरी उहि अनपढ गवांर श्रीमती लाई सम्झन पुग्छु
उ जान्दिन मलाई खुसी पार्न
तथापी
जब म उ संगको संसर्गवाट स्खलित हुन्छु
उ मलाई यसरी कुल्चिन्न
न घृणाको दृष्टी नै फ्याँकछे
उ त झन् झन मायालु स्पर्शले
मलाइ कसेर बाँध्छे
सिरेटोले हान्दा न्यानो सिरकभित्र गुट्मुटाउंछे
सायद यहि नै फरक रहेछ
कृतिमता र प्राकृतिक तत्वबिच
आफ्नो र पराईबिच
न उ मसंग कुनै मोल गर्छे
न कुनै छल्
मात्र प्रेम गर्छे
मात्र प्रेम
हो अब म फर्किनुपर्छ
यो रंगमञ्चबाट
आफ्नै झुप्रोमा जहाँ मेरी
शान्ती छे
Rajesh Rumba Lama (Atript) द्वारा रचना गरिएका अन्य लेखहरू
कुन पलको गीत लेखौं, साँझको हो या रातको (गीत)
जिन्दगीमा नसोचेंको मिठो बहार आयो (गजल)
यस्तो लाग्छ हामी दुईको ढुक ढुकीको ताल उस्तै (गीत)
