जिन्दगीकै गहिरो त्यो, भास देखेर रोए
दु: ख पर्दा हास्दै हिड्ने, मास देखेर रोए
तिर्न सकिन दश धारा, त्यो दुधको भारा
आमा साहुले फालेको त्यो, बास देखेर रोए
लाचार छु म जुटाउन, नसक्दा एक माना
आँशुले मुछ्दै खाएका तिम्रा, गाँस देखेर रोए
समयको खेल भयो, जिन्दगी यो मेरो
जुवाडेले खेल्दै गर्या, तास देखेर रोए
पछुतोमा जल्दै छु म, मनको आगो भित्र
गरीबिले ढलेको त्यो, लास देखेर रोए
फाटेको मन टालो हाली, सिऊँ लाग्दैन,
अर्को कुनै मन सापटी, लिऊँ लाग्दैन !
हृदयको चोखो माया, पायौ तिमीले,
काटे-मारे अरूलाई, दिऊँ लाग्दैन !
आफैँ छक्क पर्छु कान्छा, के भा' होला खै?
चिसोचिसो हिउँ पनि, हिउँ लाग्दैन !
धेरै खाएँ जीन्दगीमा, पुग्यो खान नि,
उबाएर पानी पनि, पिऊँ लाग्दैन !
एक दिन हाँसी जुनीभरि, रुने नियति,
हँसाउने कुनै निहुँ, निहुँ लाग्दैन !
जीवन जिउनको लागि हो
फूल फुल्नको लागि हो
मैले मानें
तर कुनै दिन् मर्नु छ नि
फूल झर्नु छ नि
हैन र?
मात्र एक पटक्
मलाई बहन देउ
कल्पनामा डुब्न देउ
आहा! उ हेरन
म तिम्रो आँगनको बीचभागमा
चिर निद्रामा छु
वरिपरि तिम्रा मेरा आफन्तहरु
रुवाबासी गर्दैछन्
ति भिडहरुमा एक् जोडा
भिजेका परेलीहरु
ओसिला आँखाहरु
मलाई खोज्दैछन्
म खादाहरुको थुप्रोले थिचिन्छु
एउटा सुनौला रङ्गको बास्नादार
खादाले म बेरिन्छु
म सुगन्धित हुन्छु
साँच्चै म अनुभूत गर्छु
आत्मियताको
जब आँगन छेउमा गाडिएको
लुङ्ग्दर फरर गर्दै
एक झोकां हावाले मेरो शरीर छेड्छ
लामाले बजाएको ङ्हाको एकहोरो
ध्वनीले वातावरण अझ कोलाहाल बन्दछ
म भने बन्द आँखा
हुरी बुढो रुख भच्चाउन तल्लिन छ,
बतास निकै बेगमा बह्न्छ,
रुखको डाली भुइ र टुप्पो हुँदै शैसला खेल्छ
परिपक्क फलदाना दाँया र बाँया हल्लिन्छ
अनी कोयाको गुप्ताङ्ग प्याट्ट फोरेर
बाहिर निस्कन्छन ,
सिमल भुवाहरु ......
सिमल भुवाहरु!,
आरु फुल्ने बेला,
हावा चल्ने बेला,
आकाश गर्जदा जन्मे ,
मेरो जन्म
न आरु फूल्ने बेला भयो
न हावा चल्ने बेला भयो
न आकाश गर्जदा भयो,
म त
बाख्राको दुध पिएर
कसैको काखमा हुर्किएको रे...
अरु कसैको कोक्रामा हल्लीएको रे...
धरै बर्ष थाङ्नाको दिशा र पिशामा मुच्छिएको रे...
अनी आमाको वात्सल्यताबाट छुटिएको रे.... ।
धेरै दु: ख पाईयो साथि, एउटा पार्टि खोल्नु पर्यो
सिक्छौ बरु सिकाई देउन, झुटो कुरा बोल्नु पर्यो
साम, दाम, दण्ड,भेद, सबै कुरा लागु गर्दै
ठुलाबडा जोगाउदै, निर्धालाई पोल्नु पर्यो
नोट छरे चुनाबमा, भोट जति सबै आफ्ना
हुलदङ्गा गराई यहाँ, अब बुथ बिथोल्नु पर्यो
लडाउन जानेकै छौ, मिलाउन पो गाह्रो हुन्छ
हेर अब अमृतमा नि, थोरै बिष घोल्नु पर्यो
ससंदमा पुगे पछि, आफ्नै हुन्छ ठुलो कुर्सि
लाखौको त्यो गड्डि फ्याके, किन खुट्टा मोल्नु पर्यो
उड्छ जस्तै गर्ने गर्थे, उडेर खै कता पुग्यो ?
टुहुरोझैँ पारेपछि, विरक्त भै कता पुग्यो ??
जिन्दगीको पाठशालामा, धेरै-थोरै पढिन्छ नै !
शिष्य हैन, गुरुजनका, पोल्टाबाटै कता पुग्यो ?
बिग्रिएको मौसमजस्तै, फेरिँदै छन् बोलीहरू !
पत्करको के कुरा भो र?पालुवाकै कता पुग्यो ??
ज्यानै गयो हजारौँको, त्यसकै ज्यान बचाउन !
आकाशको चरीजस्तै, कावा खाँदै कता पुग्यो ?
तातो थियो भुङ्ग्रोजस्तै, सायद ज्वरो आ'रै'छ कि ?
खोकिर'न्थ्यो'त्यो बिचरो ! खोक्ताखोक्तै कता पुग्यो ??
घाम को पहिलो प्रहर ले पुर्व मुस्काउछ ।
मोतिदाना झुल्ने रहर ले पुर्व मुस्काउछ ।।
हिमाली पहाडी मधेसी सबै भाई भाई हौं ।
एउटै हौं भन्ने ठहर ले पुर्व मुस्काउछ ।।
लेक बेशी तराइ फाँट हरु उर्वर छन ।
सिंचाइत्यो बग्ने नहर ले पुर्व मुस्काउछ।।
गाउबस्ती मा अनी सुन्दरशान्त नगरिको।
मन लोभ्याउने शहर ले पुर्व मुस्काउछ ।।
हामी जहाँ जाउँ जता जाउँ मनत उहिछ ।
गीत र गजल वहर ले पुर्व मुस्काउछ ।।
झुक्याउने कामै, मात्र बेसी भयो !
कामभन्दा नि हामै, मात्र बेसी भयो !!
हजारचोटि ढाँटी, 'पत्यार गर' अरे !
सर्वदा छलछामै, मात्र बेसी भयो !!
दिन बिराई बन्द, हड्ताल कतिकति ?
छिनछिनमा चक्काजामै, मात्र बेसी भयो !!
खानु-चुठ्नुसमेत, जनताका खातिर !
जनताको नामै, मात्र बेसी भयो !!
सिङ्गो घरै आज या, भोलि ढल्ला भा'छ !
र पनि नाक लामै, मात्र बेसी भयो !!
दलालीको पोल्टा भरि पैसा लाएँ साथी ।
र त थुप्रै आशा बोकी खाडी आएँ साथी ।
सोंचे मैले बिदेशमा सुनै फल्ला भनि,
हैन रै'छ म त साह्रै दु:ख पाएँ साथी ।
बा-आमालाई व्यर्थै आशा देखाएछु मैले,
कठै ! न त चुहिएको छानो छाएँ साथी ।
मरुभूमि माथी सारा लक्ष्य सुकी जाँदा,
घर सम्झी विरहको गीत गाएँ साथी ।
बिदेशमा हात मुख जोड्नै गाह्रो भयो,
प्यास लाग्दा समुन्द्रमा लड्दै धाएँ साथी ।
म,
मेरो जिन्दगीको गन्तव्यमा पुग्नु छ
त्यसो त ...
यात्राहरु अनगिन्ती गर्नु पर्छ मैले
दुरी लामो छ ।
दिन,हप्ता,महिना अनि वर्ष
ईं सब्को कुरै नगरौं
हजारौं जंघारहरु
अनि
हजारौं शैल र,
हजारौं फेदिहरु
पार गर्दा पनि गन्तव्यमा पुग्ने
कुनै निश्चित छैन
तर त्यहाँ,
अदृश्य बस्तीमा
मलाई कुरेर बसिरहेको छ
मेरो गन्तव्य ।
यहाँ,म भने सपनीमा
खीर खाई रहेको छु
लड्डुको स्वादमा
कट्टुका तुना हल्लाउँदै
रम्दै नाचिरहेको छु,
मेरा बिपनीहरु भने
मेरो कर्तुत देखेर
थकित छन् अनि लाचारी पनि ।
