मनको ढोकामा
किरिरी किरिरीको
मीठो पुकार
आजकल हरप्रभात बज्दैछ निरन्तर
उत्सुकतापूर्ण हातले
जसै उघारेँ
ओठहरु मुस्कुराए मेरा
लाग्यो ढोकाबाट थोरै घाम छिरयो
आँखाहरु रसाए मेरा
मानौ लामो खडेरीपछि वर्षात भयो धरतीमा
कौतुहलले स्पन्दित भयो छाती
मानौ निद्राबाट कसैले ब्युँझाइदिएको होस्
आधी उघ्रेको ढोकामा
कुनै पुरूष उभिएर
फिस्स हाँस्दैछ मसंग
नेपाली लेखहरु - पृष्ठ १२४
विधाहरू
छिमेकी ले कानफुक्दा सुन्न थाल्यौ ।
भित्र भित्रै जाल साजी बुन्न थाल्यौ ।।
गरीब देश का जनता झुक्याई ।
आँफै लाई नेता भनी चुन्न थाल्यौ ।।
कोशी,गण्डकी,कर्णाली,काली बेची ।
आफ्नोलागि सम्पत्तीपो तुन्न थाल्यौ।।
जनता ले भोट् दिए बुझ्ला भन्दै ।
गास बास खोसी आँफै उन्न थाल्यौ ।।
उता ठूलो काजी छ, यता सानो काजी छ,
पारिपट्टि माया छ, वारिपट्टि माझी छ !
हुनुपर्छ, छन् पनि, नाना थरी सुविधा,
जेजे भए पनि ऊ, देख्नलाई ताजी छ !
बाटोघाटो चौबाटो, हेरिसक्नु भएन,
नायिका नै भए ऊ, झन् नाङ्गिन राजी छ !
नाङ्गिनै पाउँदा, हाम्रो सम्मान चुलिन्छ त ?
नत्र किन त्यसैमा, यत्रो होड-बाजी छ ??
एउटै कथा व्यथा तर, अलग जिउनु पर्ने
कुन जुनिको पाप हो सानी?आँशु पिउनु पर्ने
मलाइ दुखे तिम्लाई दुख्छ तिम्लाइ दुखे मलाइ
गर्न सक्ने केहि होइन बस्नु पर्ने टोलाइ
हरेक प्रहार यो मन फाट्दा एक्लै सिउनु पर्ने
कुन जुनिको पाप हो सानी आँशु पिउनु पर्ने
ठिक छ अब मन बुझाउँदै बाँच्न सिकौ है
कुरा काट्छन् देखे यहाँ हाँस्न सिकौं है
तिमी बिना सँसारमा बाँचु कसरी
मिठो बोली नपाउदा हाँसु कसरी
मनै मेरो भरगँ भो तिम्ले छोडी जाँदा
बर्षौदेखी लाकोमाया चट्ट तोडी जाँदा
सयौजुनी तिम्रै भन्थ्यौ भन्नै गाह्रो भो
मुटुभित्र सजाएको थिए बाच्नै गाह्रो भो
इशाराले चल्ने पाइला नाँचु कसरी
मिठो बोली नपाउदा हाँसु कसरी
ऐ मेरा बाँध्यताहरु !
तिमी के सोच्छौ?
म तिम्रो पर्खालमा ठोक्किएर,
छालसरि फर्कने छू !!
वा तिम्रो अहमताको पाहाडमा ठोक्किएर,
झरीसरि दर्कने छू !!
अफ्शोश त्यस्तो हुने छैन,
न त म तिम्रो खिल्लि उडाउदै,
पागलसरि हाँस्ने छू !
न त म तिम्रो मारले
बलेनीसरि रुने छू !
मेरो भोली उस्तै हुनेछ,
केहि नभएसरि....सामान्य,
ताजा खबर आउने क्रम जारि छ,
शुभ नहुदा मन भारि छ
स्थाई सरकारका नायकहरुले,
सामुहिक पदत्याग गर्न लागेका छन् रे !
अस्थाई सरकारका नालायक विरुद्ध,
यीनिहरु अहिले जागेका छन् रे !
यो जगाईले अर्थ राखोस्,
कुपमण्डुक नालायकहरुले मजा चाखोस्
आफु चोखो र ईमान्दार बन्न सके,
सहिलाई सहि र गलतलाई गलत भन्न सके
यो मुलुक र जनताको भलो हुन्थ्यो,
अयोग्यहरुले योग्यलाई किन छुन्थ्यो !
थाहा पाइस् होला अब, एक हैन, दुई रै'छ,
बिसाएर हेर् त आफैँ, खै को तेरो बुइ रै'छ?
'धेरै पछि भए पनि जन्मँदै छ छोरो'-भन्थिस्,
नजन्मिंदै तेरो छोरो, गर्भभित्रै तुहि रै'छ!
जतन गरी टोपलेर राखिस् विश्वास जुन भाँडामा,
नमज्जाले तेरो विश्वास त्यही भाँडामा कुहि रै'छ!
आफ्नै छातीमाथि ठूलो मारकाट देखिन् यी आमाले,
त्यही सम्झी आँखाबाट अझै आँसु चुहि रै'छ!
यो जिन्दगी देखि हार खाएँ साथी आज ।
दिन पनि लाग्न थाल्यो जसै राती आज ।
जिन्दगी का सपना नि थिए थुप्रै मेरा
कहाँ पुरा भयो र ति भए थाँती आज ।
बाकल नि गरे खै त लक्ष्य पुरा भा'को
खेर गए देवतालाई च'ढा पाती आज ।
जोडे नाता कसै संग टुट्यो त्यहि पनि
चोटै चोट खाएँ साह्रै दुख्छ छाती आज ।
साँईला तिमी कहिले नरुनु ल
आँखाबाट आँशु
ए हैन हैन
मोतीका दाना नझार्नु है
किन थाहा छ?
किनकी आँशु खस्दा
मोती झर्दा
सम्पन्नता पनि त खस्किन्छ
के तिमी विपन्नतामा बाँच्न सक्छौ र?
मोती त मूल्यवान पो हुन्छ त हैन र?
अझ त्यसमा हामीले सजाएका मीठा मीठा सपना जो छ
हाम्रो तस्वीर छ
उकाली, ओराली
अनि भञ्ज्याङ चौतारीमा
गाउँदै, नाच्दै हिडेका अविश्मरणिय दृश्य छ
हाम्रो तस्वीर छ
हाम्रो मिलन् छ, विछोड छ
के तिमी त्यो संगाल्न चाहन्नौ?
चाहन्छौ नि है
