रंगमा भंग जीवनमा ऊमंग, दिनभरि घुम्ने साथि-संगि संग
खुसिको यो हाम्रो पर्व, मनाउन पाउदा लाग्छ गर्व !
को आफ्नो को पराई, सवलाई हामिले आफ्नो गराई
द्वेश क्लेस सव मेटाई, जिउनु पर्ने हामिलाई
संस्कृति हो हाम्रो धरोहर, जसले बाँध्छ हामिलाई बरोवर
स्वार्थिका स्वार्थले गर्दा, हामि तिनकै भरमा पर्दा
टुट्न लागेको भाईचारा, पार्नु पर्छ हामिले गाढा
स्वार्थको भावना त्यागि आज, मनाउँ पर्व विहान साँझ
सद्भावको रंग सवमा हालि, जोडौ साथि मेचि-कालि
होलिको यो पावन पर्व, मनाउँ सवले गर्दै गर्व
फागुको यो पावन पर्व, मनाउँ सवले गर्दै गर्व॥॥
नेपाली लेखहरु - पृष्ठ १९९
विधाहरू
हरेक ऋतुका फूलहरु संग पैचो मागी
केहि रंग तक्राउछु तिमीलाई !
इन्द्रेणीको सप्तरंगी रंग चोरी
केहि रंगाउछु तिमीलाई !
आफ्नै जीवनका ऊमंग र खुशीहरु घोली
केहि रंग वर्साउछु तिमीलाई !
शुभ-कामाना आज
रंगिएर टक्राउन हुन्न रे मैले !
तेसैले !
अन्तर मनले रंग वर्साउछु तिमीलाई !
स्वीकार गर !
कुन खोलिको पानि पियौ, बुद्धि तिम्रो बिग्रिएछ
भएभरको विबेक ज्ञान, आज सवै थिग्रिएछ
बनाउने नयाँ नेपाल, नारा तिम्रो कता गयो
थाहा छ के तिमिलाई, देशको हालत के भयो
भत्काउदा हेरिरह्यौ, नयाँ बन्ने आशामा
हरे ! आज बाँचिराछौ, जताततै त्रासमा
गाँस काटि तिमिलाई, पाल्ने गरिव जनता
थाहा छ के ! हालत तिनको, आज तिम्लाई भनत
देश बनाउने युवा हात, कतार अरव जादाँ छन्
यता तिम्रा अनुचर, घुस कमिसन खादाँ छन्
शान्ति अनि संविधान, जनताको चाहना
पुरा गरे बन्ने थियौ, अवश्य माहान
राजनीति आज याहाँ, कमाई धन्दा भाको छ
नीति अनि नैतिकता, घाँस चर्न गाको छ
कुन पलको गीत लेखौं, साँझको हो या रातको
घाम हराएको दिनको हो या, शुन्य त्यो प्रभातको
कयौं पलको लेखि सकें गाउन पनि गाएँ
रङ्गमञ्चमा हुन्छु एक्लै हेर्ने धेरै पाएँ
मिलन त त्यो नाटक थियो के लेखौं गीत साथको
शितको थोपा नचम्केको शुन्य त्यो प्रभातको
कुन पलको गीत लेखौं, साँझको हो या रातको
घाम हराएको दिनको हो या, शुन्य त्यो प्रभातको
पर्खी बस्नु होली खेल्न म नि त्यतै झर्छु सानु
थोरै रङ्ग तिमी छर्नु थोरै म नि छर्छु सानु
पहिले अरुसँगै बस्छु कुरो आफैँ बुझ्नु तिम्ले
खेल्दा खेल्दै म तिम्रै अघिल्तिर पर्छु सानु
हुन्न हुन्न भन्दै पर भागेजस्तो गर्नु तिमी
म पनि पछी पछी लखेटे झैँ गर्छु सानु
सबै खेलमै व्यस्त हुँदा कसैलाई थाहा नदिईकन
मायाको प्रेमको रङ्ग बोकी तिम्रै नजिक सर्छु सानु
हाम्रो देशमा लासहरुको जुलुस हुन्छ संधैं
हर कदम खास'हरुको जुलुस हुन्छ संधैं
काम गरेनि उचित दाम पाइदैन कहिल्यै
साँझ बिहान गाँसहरुको जुलुस हुन्छ संधैं
कोहि सुत्छन् आलिसान महलमा मग्नसंग
गल्लि-गल्लीमा दासहरुको जुलुस हुन्छ संधैं
सबै धाउँछन् बिचरा हाकिमको घर दैलोमा
भित्रि मनमा आशहरुको जुलुस हुन्छ संधैं
लिई आउ बर्को यता ।
जाडो भयो चर्को यता ।।
दुई आत्मा मिले पछी ।
काम छैन अर्को यता ।।
आउ मुख हेर्न मेरो ।
परी सकें फर्को यता ।।
छिट्टो गर भागनु पर्छ ।।
आयो गाउ लर्को यता ।।
मैले तिम्लाई मन पराए, भन्छन् खराब जमाना
रमाई तिम्रो हात समाए, भन्छन् खराब जमाना
प्रेम गरेको हु मैले पनि, अपराध गर्या हैन
भनेर भन्ने आट चलाए, भन्छन् खराब जमाना
बढ्यो उमेर चढ्यो जवानी, रोकेर रोकिन्न रैछ
एकान्तरमा कतै पोखाए, भन्छन् खराब जमाना
चाहना तिम्रो पनि उस्तै हो, मेरो पनि उस्तै उस्तै
भेट हुदा जवानी जुधाए, भन्छन् खराब जमाना
संगै मर्ने संगै बाँच्ने बाचा हाम्ले खा'को हैन र?
जुगौं जाने अजम्बरी प्रिती हाम्ले लाको हैन र?
छाडि आएँ सारा याद घाऊ बनी दुखी रहेछ
मेला पात जाँदा संगै प्रिती भाका गा'को हैन र?
नभुले है मेरी सानी अतितका दिन तिमीले
सुख दु:ख हाँसो खुशी संगै बाँडी आ'को हैन र?
साथै रोयौं अंगालेर दुख्दा मुटु मध्य रातमा
भाग्य लेख्ने दैब खोज्दै मन्दिर त्यो धा'को हैन र?
जस्ले लुट्यो देशै यहाँ त्यै सम्मान भईरह्यो
हानथाप सत्ताको नै तानातान भईरह्यो
सम्झौता यो झेल्नु कती? आशाहरु जगाएर
लाचारिको सम्झौता नै ब्यबधान भईरह्यो
तस्कारीको हालिमुली देशद्रोही जताततै
मान्छे आँफै श-शंकित भयमान भईरह्यो
तानाशाहि शोषणको धावा बोल्ने देश भक्ती
मान्छे, मान्छे हुन खोज्दा अपमान भईरह्यो
