भगवान जान्दिन तर नित्य पूजा जान्दछु
मोक्ष जान्दिन तर जीवनको नश्वरता जान्दछु
नसोध पटक पटक माया लाग्छ भनेर ?
माया जान्दिन तर तिम्रो रिक्तता जान्दछु - !
नेपाली लेखहरु - पृष्ठ २७
विधाहरू
प्रेमिल युगलाई अभिशप्त पार्न, जन्मन्छन् राबण
आदर,भक्ति,सेवामा उत्सर्ग हुन, जन्मन्छन् श्रबन
लक्ष्य, संकल्प, कुटनीति सिकाउन, जन्मन्छन् अर्जुन
आतंकको आफ्नै चक्र-ब्यूहमा फसेर मरेछ लादेन- |
गुनकेसरी केसमा, कता हो जान लागेको
सजधज छ भेषमा, कता हो जान लागेको??
देखेँ हतार चालमा, ठूलै तिर मारिन्छकि
मुहार त्यो आवेशमा, कता हो जान लागेको??
सजियो कि स्वयंवर, वा प्रतियोगी तिमी हौ
जित्नलाई त्यो रेसमा, कता हो जान लागेको??
असजिलो टार्नलाई, पलायन पो हुन्छौ कि
महामारि छ देशमा, कता हो जान लागेको??
मलाई जहान पाल्नु छैन ।
भत्केको छ घर टाल्नु छैन ।
बिदेशमा रगत बेचेर मेरो,
सिस्नुमा नुन हाल्नु छैन ।
म भिमशेनको छोरा हुँ आमा,
बाबाको ईज्जत फाल्नु छैन ।
निभ्न देउ चुलोमा आगो बरु,
स्वाभिमान गुमाई बाल्नु छैनँ ।
मैले मुटु नजलाई जिउन कहाँ सक्या छु र ।
दिल्मा आगो नलगाई जिउन कहाँ सक्या छु र ।
मेरो फुल फर्कियो सगन्ध बिनानै अचेल त,
अश्रु धारा नबगाई जिउन कहाँ सक्या छु र ।
चन्द्र छैन गगनमा ताराको चित्कार सुन्छुँ,
उफ्फ!छाती नचराई जिउन कहाँ सक्या छु र ।
कति दिन छट्पटिदै बाँच्याछुँ लेखा-जोखा छैन,
मिठो याद नपठाई जिउन कहाँ सक्या छु र ।
समस्या छताछुल्ल यै मैदानमा छ ।
समेटेर राख्नु पर्ने संविधानमा छ ।।
अट्छ के त मागहरु थुप्रो ठुलै ला छ ।
कत्ति नि कम हुँन्न रे आफ्नै अडानमा छ ।
शहीदका ईच्छा भन्दै धेरै खेल भयो ।
देखेका तिनका सपना तिनकै चिहानमा छ ।
गरे के चै हुन्न कत्रा कत्रा पहाड गल्छ ।
कसैलाई चिन्ता होला कोई सुरापानमा छ ।
आफ्नै आत्मा दुखाएर तिमी कुन देवताको पुजा गर्छौ
साह्रै साह्रै रुवाएर तिमी कुन देवताको पुजा गर्छौ
सोमबारे ब्रत बसी आफु केहि नखाएर प्यारा भन्दै
त्यसै ज्यान सुकाएर तिमी कुन देवताको पुजा गर्छौ
कर्म विना फल खोज्नु भन्ने केहि हैन बुद्धु हुनु भन्दा
मन्द विष खुवाएर तिमी कुन देवताको पुजा गर्छौ
आँशु छल्कियो रोक्नै नसक्दा !
पिडा बल्कियो बोक्नै नसक्दा !
संसार हाँस्छ तिम्रो दु:खमा !
हाँसो ले आँशु छोप्नै नसक्दा !!
हाँसो र आँशु को संगम जीवन !
पिडा मा खुशी रोप्नै नसक्दा !!
निलु वा ओकलु बिच्मा अड्कियो !
घाँटी मा बिझायो टोक्नै नसक्दा !!
हामि सगै बस्नु पर्छ डेरा सर्न पर्खि राख
तिमि सगै जाउलानि म, मेला जान पर्खि राख
सबै लाई दुख पर्छ यांहा, तिमि किन आत्तिएकि
हरात गछ्यौ तिमि किन, सगै मर्न पर्खि राख
उन्नति र प्रगतिका बाटाहरु धेरै नै छन्
तिमि हामि दुबै मिलि, सुभाष छर्न पर्खि राख
मलाई माया गछ्यौ भने, मेरो बिस्वास गर मैया
अबस्य नै आउने छु म, सिउदो भर्न पर्खि राख ॥
तिम्रो जिबन चैतमासको, खडेरी झै नाहोस !
जुनबिनाको डरलाग्दो, अधेरी झै नहोस !
सदाबहार छाओस सधै, शिखर चुम्दै जानू !
हिउद मास मुलसूकेको, पधेरी झै नहोस !
ख़ुशी हुनु सधै तिमि, यही मेरो कामना छ !
तिम्रो मन त्यों अध्यारो, मझेरी झै नहोस !
सफल तिम्रो जोडी लाइ, जुनिजुनी बाच्नु !
कहिल्यैपनि साथ छुटेको, भगेरि झै नहोस !
